Sot emol
Andy Genen: "Een Zeechner ass een Handwierker"
56 min
Den Illustrateur huet um Superjhemp matgeschafft, "De roude Puma" oder "De leschte Ritter" gezeechent, och Illustratioune fir ëffentlech Campagnë realiséiert an ass parallel dozou Kollaboratioune mam Museker John Rech agaangen.
No senger Première wollt den Andy Genen studéiere goen. Den Dram vun der Joe Kubert School of Cartoon and Graphic Art, enger vun de renomméiertste Schoule fir Comiczeechner, huet sech net erfëllt, dofir gouf hien um Institut Saint-Luc zu Bréissel zum Comiczeechner ausgebilt.
No sengen Etüden zu Bréissel huet den Andy Genen séier Fouss an der Welt vun der Lëtzebuerger BD gefaasst. Dat well hie sech en Häerz geholl hat a Roger Leiner a Lucien Czuga e Fan-Art vum Superjhemp geschéckt hat. Déi zwee Pappe vum erfollegräichste Lëtzebuergesche Comic vun allem Zäite waren esou begeeschtert, datt den Andy Genen dunn eng Säit am Superjhemp-Album "De Fluch vun der 23" huet dierfen zeechnen.
De Lucien Czuga huet den Andy Genen dunn als Zeechner fir seng BD-Serie "De leschte Ritter" agestallt. Den éischte Band koum 2005 eraus a virdru an der Revue als Serien-Comic. Déi dräi Bänn vun dëser Fantasie-BD erzielen eng koherent Geschicht, an där de Johannes de Blannen, no der Schluecht vu Crecy, op eemol am 21. Joerhonnert zu Lëtzebuerg optrieden a mat Hëllef vum Haaptpersonnage Pedro senge Frënn an enger geheimer Gesellschaft vun den Tempelritter musse probéieren, d'Enn vun der Welt verhënneren.
Eng zweet wichteg Renconter am Andy Genen senge Liewen war déi mam Museker John Rech. D'Resultat dovunner: eng Serie vun Albume mat Musek vun Dream Catcher a Comics vum Happy Ant, déi d'Lidder encadréieren. Déi zwee Kënschtler hunn och e Buch erausbruecht: "Gefaangen an der Diddelenger Geschicht", dat iwweregens 2012 de Lëtzebuerger Buchpräis krut an der Kategorie Kanner- a Jugendliteratur.
Aktuell ass d'Parutioun vun der BD a Kollaboratioun mat Texter vum Lucien Czuga: "De Ris geet op d'Rees". D'Geschicht vum beschtbekannte Ris vu Lëtzebuerg, deen zanter 1955 am Parc Merveilleux läit an op mysteriéis Manéier wakereg gëtt fir sech op d'Rees uechtert Gemeng Beetebuerg ze maachen.
Den Andy Genen bezeechent säi passionante Beruff als een Handwierk. Comic-Zeechner ze ginn ass senger Meenung no e laange Prozess, an deem eng fundéiert Ausbildung hëllefe ka fir zu sech an zu sengem Stil ze fannen.
D'Natasha Ehrmann féiert duerch d'Gespréich.
Episoden
Dany Kaber: De Marathon war hir léifste Course
D'Leeferin Dany Kaber, déi bei den Olympesche Summerspiller 1988 zu Seoul Siwent am Fraemarathon gouf, ass d’Invitée.
Josy Lorent: E Mënsch mat villen Interessen
Dee fréiere Wort-Journlalist an aktuelle President vun der ASBL Frënn vun der Militärmusek am Gespréich
Annette Schlechter: Schauspillerin an Infirmière
D'Schauspillerin Annette Schlechter ass déi Kéier d'Invitée beim Jean Claude Majerus an der Emissioun Sot emol.
Anabela a Jorge Valente: Eng Globetrotter-Koppel
D'Anabela an de Jorge Valente si schonn 10 Joer mat hirem Motorrad ënnerwee ronderëm d'Welt, ewell schonn iwwer 130.000 Kilometer.
Michel Grevis: Ech sinn e virwëtzege Mënsch
Den Auteur, Zeechner, Kënschtler, passionéierte Schoulmeeschter a Responsabele vum Centre des Jeunes vum SNJ zu Huelmes ass Invité.
Clara Herz: "Actrice ass mäin Dramberuff"
Mat vill Engagement, Talent an och Passioun ass dës Actrice amgaange sech an der Schauspillwelt ze etabléieren. Si ass vill zu Paräis, mee huet sech och schonn op Lëtzebuerger Büne gewisen a bewisen.
Aly Bintz: E léiwe Männchen
De Lëtzebuerger Acteur a Sänger Aly Bintz ass virun 20 Joer am Alter vun nëmme 75 Joer gestuerwen. Mir erënneren un dëse Lëtzebuerger Entertainer.
Joe Del Toe: De Gesondheets-Clown
De Gesondheets-Clown Joe Del Toe ass den Invité bei Jean Claude Majerus an der Emissioun "Sot emol"
Raymond Conzemius: De Sport ass de roude Fuedem
Den aktuellen Directeur technique vum COSL Raymond Conzemius ass den Invité beim Jeam Claude Majerus an der Emissioun "Sot emol"
Sidney Scho: E ganz jonken Dirigent
Den Dirigent an Directeur musical vum Cercle symphonique vu Rëmeleng Sidney Scho ass haut den Invité beim Jean Claude Majerus am Sot emol.
Justin Gloden: E Liewen fir d'Lafen
Den Invité ass a war Mëttel- oder Laangstreckeleefer. Hien ass och esou munch Lëtzebuerger Rekord vun de 1500 Meter u gelaf, an nach haut ginn et ëmmer Rekorder, déi him gehéieren.
Emma Lily Karier: De Saxofon a Wien
D'Musekerin, Saxofonistin an och Sängerin an Dirigentin ass d'Invitée.
Norbert Haupert: Sportler, Sportfonctionnaire a Politiker
Als Liichtathleet war den Norbert Haupert ganz erfollegräich, ë. a. mat engem Lëtzebuerger Rekord iwwer 1.000-Meter. Als CSV-Deputéierte souz hie 14 Joer an der Chamber.
Laurence Duhr: Wäibau, Psychologie a Clownereien
Bei der Invitée dës Kéier fënnt een nees eng grouss Diversitéit an hirem Parcours, dee si mécht oder bis ewell gemaach huet.
Jean Portante: Schwaarzt Gezei a roude Schal
De Poet a Schrëftsteller mat italieeneschen Originnenan ass zanter Ufank u fräie Mataarbechter vum radio 100,7. Éier hie sech ganz dem Schreiwe consacréiert huet, war hie Franséisch Proff.
Änder Hirt: E Museker mat Leif a Séil
De Mueker a Sänger Änder Hirt ass den Invité.
Guy Conter: E räicht Musekerliewen
De Museker an Museksprofesser am Escher Conservatoire war nom Fred Hales vun 2007 bis 2015 Chef vun der Brass Band an huet duerno weider de Solo Cornet gespillt.
Isabelle Braun-Dominicy: "Et mécht nach ëmmer ganz vill Freed"
D'Isabelle Braun-Dominicy ass Pianist an Enseignante fir Solfége. Aktuell ass si Professorin um Escher Conservatoire, wou si nieft de Coursen och de Jugendchouer dirigéiert.
