Déi jonk Lëtzebuerger Actrice Jil Devresse gouf duerch hir Duebelroll vun den Zwillingsschwësteren an der éischter Staffel vum Lëtzebuerger Krimi "Capitani" beim grousse Public bekannt. Mee am Fong kann d'Jil Devresse net esou richteg soen, wou hir Passioun fir d'Schauspillerei ugefaangen huet. Si ass en éischter ongewinnte Wee gaangen. Si huet als Kand keen Theater gespillt, a si war och net am Conservatoire fir Coursen ze huelen. D'Jil Devresse hat ëmmer Interessi um Theater an am Lycée Ermesinde zu Miersch, wou et ganz vill Aktivitéite gouf, huet si sech dunn op septième an den Theater ageschriwwen. An ass och bis op Première beim Theater bliwwen.
D'Jil Devresse ass d'Invitée beim Jean Claude Majerus.
