Kann ee ganz ouni Fleeschproduite gesond liewen?
Ongeféier sechs Prozent vun der Weltbevëlkerung ernieren sech reng planzlech. D'Grënn heifir si ganz verschidden. Déi meescht Vegetarier:innen hunn sech aus etheschen a gesondheetleche Grënn dofir entscheet op Fleesch ze verzichten. Mee feelt et bei enger vegetarescher oder veganer Ernärung net u wichtege Bausteng wéi Proteinnen z.B.? Invitée ass d'Dieticienne Stéphanie Rosquin.
Rezept Vegan Lensenzopp mat vill Proteinne vum Stéphanie :
600ml Waasser
100g rout Lënsen
750ml Mandelmëllech
1400g Muerten
4 Zéiwe Knuewelek
Frësch Kraider
1 TL gemuelene Kurkuma
Kreuzkümmel
1 TL Moschterkären
2 EL Olivenueleg
Salz a Peffer
Huewer Ram oder Soja Ram
100g Cashewnëss
Gedréchent Kraider (Thymian an/oder Rosmarin)
2 EL Olivenueleg
Virbereedung:
De Bakuewen op 180°C hëtzen.
Muerte wäschen, a Wierfele schneiden an op en Bakblech leeën. Salz, Peffer a gedréchent Kraider drop verdeelen. Mat Olivenueleg pinselen a 25 Minutten an den Uewe stelle bis Muerte gekacht sinn.
An der Tëschenzäit rout Lënsen 10-15 Minutte mat bësse Geméis Bouillon am Waasser kachen
Cashewnëss kuerz ubroden. Olivenueleg a gedréchent Kraider dobäi maachen an 10 Minutten an den Uewe setzen.
An engem Dëppen Ueleg erhëtzen, Moschterkären, Kurkuma a Kreuzkümmel erhëtzen, kuerz ubroden an dann déi gekachte Muerten, de Knuewelek an d'Lënsen dobäi maachen. Waasser an Mandelmëllech dobäi ginn a mixen.
Mat de geréischterte Cashewnëss an e bëssen Huewer- an/oder Sojamëllech wierzen.
