Dauer: 30 Minutten
Mir brauchen:
- 4 Knuewelekszéiwen
- 2 Zoppeläffele vegan Margarinn oder Ueleg wéi z. B. Rapsueleg
- 2 Zoppeläffele Weessmiel
- ongeféier 240 ml dréchene Wäisswäin
- 240 ml Geméisbouillon
- ongeféier 600 g vegane Kéis
- Kärege Moschter
- Salz a Peffer
Virbereedung:
1. An engem groussen Deppen d'Margarinn oder den Ueleg schmëlze loossen, an de Knuewelek a klenge Stécker dobäi ginn
2. D'Miel derbäi ginn an alles fir eng Minutt kachen a gutt vermëschen
3. De Wäin, de Geméisbouillon an de Moschter drënner mixen, an alles kache loossen
4. No e puer Minutte lues a lues de Kéis dobäiginn, ëmmer gutt réieren dotëschent
5. Ofschmaachen an eventuell nach e bësse méi Kéis, Wäin, oder och Salz a Peffer dobäiginn
An d'Fondue kann een duerno alles zappe, wat ee wëllt. D'Marie huet ganz gäre kleng Grompere mat frëschem Rosmarin drop aus dem Schäffchen, gegrillten Tofu a gegrillte Geméis, Foccaciastécker, Grissini, Kornischongen, oder natierlech ganz klassesch einfach Broutstécker.