D'Virdeeler vun de Kraider net nëmmen an der Kichen mee och hier Roll bei méi deftegen Platen an hier Wierkungen bei der Virbeugung vun verschidden Krankheeten.
Gesond iessen heescht och wéineg Salz, Fett an Zocker gebrauchen, an esou derzou bäidroen eng Rei Krankheeten hëllefen virzebeugen. Etüden an d' Erfarung weisen dass eng Ëmstellung op eng Ernierung déi manner Salz enthält, bei ongeféier 50 % vun Läit mat héijem Bluttdrock effikasse ass. Dös Ëmstellung ass vill méi einfach ass wann een méi Kraider a Gewierzer verschafft. Salz gëtt erofgesat, fir dass d'Iessen awer net fad schmaacht ginn a Platz méi Kraider a Gewierzer gebraucht. Esou gëtt progressiv d'Empfannen vun gehäert duerch bewosst schmaachen vun neien wierzegen Goûten vun Kraider verännert. Op dös Fassong kann een Schrëtt fir Schrëtt manner salzen, an awer de Pleséier um Iessen erhalen. Wann een Allergien huet, soll en och drun denken dass verschidden Kraider a Gewierzer oder Mëschungen kënnen Allergien ervirruffen
Mat der Dieteticienen Lis Muller
Hier Rezept Iddien:
Dir kritt e fein parfüméierten Olivenueleg wann der e puer Blieder Basilikum dran zéien loosst E bësschen Pesto gëtt duer fir banal Vollkarnuddelen oder Räis flott ze wierzen. Mat Rosmarin am Ueleg marinéiert zoubereet maacht der aus Gromperen am Schäffchen eng besser Alternativ zu Fritten. Charcuterie gëtt gären giess net onbedéngt wéinst dem héigen Fettgehalt a Salzgehalt , mee well et gehäerzt a wierzeg schmaacht. E Kraitchen dat vill dodran verbraucht gëtt ass de Mairon och Traipenkreitchen genannt . Hei ass ervir ze hiewen dass Träipen hautdesdaags oft net méi esou fetteg sinn wéi fréier, an se roueg um Hierscht- a Wantermenü eng Platz am gesonden Iessen hunn. An Däitschland gëtt Majoran och Wurstkraut genannt. .Et huet en fein blummegen, licht schaarfen wierzegen Aroma, dee gutt zu fettaarmen Alternativen zu Charcuterie harmonéiert: Z.B..b. crème de Thon, oder Roud -Bounenpasta .Probéiert aus, mat der Zäit entwéckelt der esou eng méi kreativ Kichen wou gesond iessen Spaass mécht.
Basiskraider:
Den Klassiker wou jiddereen kënnt ass de Péiterséileg woubäi de platten Péiterséileg am meeschten Geschmaach huet. Et kann een en praktesch iwwerall verschaffen, en harmoniséiert gutt mat Knuewelek z.b. bei gréngen Bounen, Champignon, Gromperen am Schäffchen, Schwëngsbrod,
Bratzelen oder och Schnëttléfchen genannt,gehéieren zu der selwechter Famill wéi Ënnen a Schallotten, enthalen awer manner Schwiefelstoffer wat deen méi doucen Goût ausmécht.
Si sinn méi wéi just en Dekor um Teller, a passen gutt zu wäissem Kéis, Omlett, Gromperenzalot,a Vinaigretten.
Basilikum schmaacht fruuchteg schaarf mat séisselzegen Nouten. Aus der italienescher Kichen kënnen mer en a Kombinatioun mat Tomaten a Mozzarella, e passt och gutt zu Courgetten, Ratatouille, Poulet.
Références :
Bown, D. (2001). DuMont's Große Kräuter-Enzyklopädie RHS Encyclopedia of Herbs & their Uses . DuMont.
Felten, P., & Zimer, G. (2016). Heilpflanzen und Gewürzkräuter. revue.
Guérard, M. (2017). Mots & Mets. Seuil.
Lecerf, J.-M. S.-L. (2020). Nutrition préventive et thérapeutique. Elsevier Masson.
Richard, H. (1992). Epices et aromates. Lavoisier - Tec&Doc.
Vierich T, V. T. (2017). Aroma die Kunst des Würzens. Stiftung Warentest.
Zenter fir d'Letzebuerger Sprooch. (2021). Vun Dréischel bis Kréischel 294 Uebst- a Geméiszorten, Kraider, Gewierzer an Nëss. ZLS a SCRIPT
