Sot emol
Claude Mangen: D'Léift zum Theater
56 min
De Claude Mangen war 25 Joer laang de Programmchef vum radio 100,7, éier hien 2018 eng nei Erausfuerderung gesicht huet an Direkter vum Mierscher Kulturhaus gouf. Mee de Claude Mangen ass awer och Theaterregisseur, Acteur, Produzent, hien huet ënner anerem den Theaterkollektiv Maskenada matgegrënnt. Hien huet eng Zäit zu Zürech an zu Wien Theater gespillt. Seng Aarbecht op der Bün war ganz breet, vu Musekstheater, Operen, Klassesch Lidder oder och vill Theater vu Lëtzebuerg anescht gekuckt. Seng Produktiounen haten ëmmer en eenzegaartege Charakter a se waren op ganz spezielle Plazen ze gesinn. Hien ass President vun der Theaterfederatioun, ass Member vum Institut Grand Ducal, souz a munche Juryen, jee, e Wee, deen engem bal den Otem hëlt, wann een zeréckkuckt.
"Mat 27 Joer op d'Schauspillschoul"
De Claude Mangen koum wéi vill anerer iwwer den Duerftheater bei den Theater, hien huet och eng Formatioun um Stater Conservatoire gemaach, Dictioun, Art dramatqiue, Regie an och Dramaturgie. Eng éischt Roll krut hien am Lëtzebuerger Theater, mee de Wëllen no méi war awer do. Jo, de Claude Mangen wollt nach op d'Schauspillschoul goen an huet seng Aarbecht dofir gekënnegt.
"An dat hunn ech mat 27 Joer gemaach, an ech hat dunn och d'Chance ëmmer an déi méi enk Selektioun ze kommen op dräi Schauspillschoulen, dat war eng Kéier Stuttgart, dat war eng Kéier Salzburg a Frankfurt, mee Frankfurt war ech net esou wäit komm. Mee Salzburg a Stuttgart war ech an den Endronnen, déi hu mer gesot: Eh, du bass 27 Joer, du bass vill ze al, an du bass och scho vill ze vill forméiert, mer kënne näischt méi mat der maachen."
De Claude Mangen huet dunn awer zu Wien an Zürech als haaptberuffleche Schauspiller geschafft, éier de Wee hien dunn als Programmchef bei de radio 100,7 geféiert huet.
E Comeback als Acteur ass méiglech
Den Ament ass de Claude Mangen Direkter vum Mierscher Kulturhaus, an dat wëllt hien och nach eng Rei Jore bleiwen, besonnesch well hien nach e puer Projeten souwuel raimlech wéi vum Contenue hier realiséiere wëllt. An dann hält hien awer zu Miersch op, ouni och duerno nach mussen hei an do a Verwaltungsréit ze sëtzen oder nach iergendwéi als, wéi hie selwer seet, "Has been" ze agéieren. Hie wëllt, wann et esouwäit ass, Plaz maachen.
"An da kann et sinn, datt eppes, wat elo laang, laang geschlummert huet, nämlech Spillen, erëm waakreg gëtt. Well fir ze spille muss de fräi am Kapp sinn. Da kanns de net nach e Radio geréieren oder e Kulturhaus an eng Ekipp. A vläicht ass da Plaz am Kapp fir sech méi der Bün, wann ech dann al an daddereg sinn, a wann dann d'Luucht ugeet, villen ech mech erëm fit."
Episoden
Dany Kaber: De Marathon war hir léifste Course
D'Leeferin Dany Kaber, déi bei den Olympesche Summerspiller 1988 zu Seoul Siwent am Fraemarathon gouf, ass d’Invitée.
Josy Lorent: E Mënsch mat villen Interessen
Dee fréiere Wort-Journlalist an aktuelle President vun der ASBL Frënn vun der Militärmusek am Gespréich
Annette Schlechter: Schauspillerin an Infirmière
D'Schauspillerin Annette Schlechter ass déi Kéier d'Invitée beim Jean Claude Majerus an der Emissioun Sot emol.
Anabela a Jorge Valente: Eng Globetrotter-Koppel
D'Anabela an de Jorge Valente si schonn 10 Joer mat hirem Motorrad ënnerwee ronderëm d'Welt, ewell schonn iwwer 130.000 Kilometer.
Michel Grevis: Ech sinn e virwëtzege Mënsch
Den Auteur, Zeechner, Kënschtler, passionéierte Schoulmeeschter a Responsabele vum Centre des Jeunes vum SNJ zu Huelmes ass Invité.
Clara Herz: "Actrice ass mäin Dramberuff"
Mat vill Engagement, Talent an och Passioun ass dës Actrice amgaange sech an der Schauspillwelt ze etabléieren. Si ass vill zu Paräis, mee huet sech och schonn op Lëtzebuerger Büne gewisen a bewisen.
Aly Bintz: E léiwe Männchen
De Lëtzebuerger Acteur a Sänger Aly Bintz ass virun 20 Joer am Alter vun nëmme 75 Joer gestuerwen. Mir erënneren un dëse Lëtzebuerger Entertainer.
Joe Del Toe: De Gesondheets-Clown
De Gesondheets-Clown Joe Del Toe ass den Invité bei Jean Claude Majerus an der Emissioun "Sot emol"
Raymond Conzemius: De Sport ass de roude Fuedem
Den aktuellen Directeur technique vum COSL Raymond Conzemius ass den Invité beim Jeam Claude Majerus an der Emissioun "Sot emol"
Sidney Scho: E ganz jonken Dirigent
Den Dirigent an Directeur musical vum Cercle symphonique vu Rëmeleng Sidney Scho ass haut den Invité beim Jean Claude Majerus am Sot emol.
Justin Gloden: E Liewen fir d'Lafen
Den Invité ass a war Mëttel- oder Laangstreckeleefer. Hien ass och esou munch Lëtzebuerger Rekord vun de 1500 Meter u gelaf, an nach haut ginn et ëmmer Rekorder, déi him gehéieren.
Emma Lily Karier: De Saxofon a Wien
D'Musekerin, Saxofonistin an och Sängerin an Dirigentin ass d'Invitée.
Norbert Haupert: Sportler, Sportfonctionnaire a Politiker
Als Liichtathleet war den Norbert Haupert ganz erfollegräich, ë. a. mat engem Lëtzebuerger Rekord iwwer 1.000-Meter. Als CSV-Deputéierte souz hie 14 Joer an der Chamber.
Laurence Duhr: Wäibau, Psychologie a Clownereien
Bei der Invitée dës Kéier fënnt een nees eng grouss Diversitéit an hirem Parcours, dee si mécht oder bis ewell gemaach huet.
Jean Portante: Schwaarzt Gezei a roude Schal
De Poet a Schrëftsteller mat italieeneschen Originnenan ass zanter Ufank u fräie Mataarbechter vum radio 100,7. Éier hie sech ganz dem Schreiwe consacréiert huet, war hie Franséisch Proff.
Änder Hirt: E Museker mat Leif a Séil
De Mueker a Sänger Änder Hirt ass den Invité.
Guy Conter: E räicht Musekerliewen
De Museker an Museksprofesser am Escher Conservatoire war nom Fred Hales vun 2007 bis 2015 Chef vun der Brass Band an huet duerno weider de Solo Cornet gespillt.
