Sot emol
Sarah Grunert: "Den Theater ass zanter ëmmer en Deel vu mir"
56 min
D'Sarah Grunert ass Schauspillerin an huet den Ament e festen Engagement. Si ass Member um Schauspiel Frankfurt. Si huet zu München op der Theaterakademie studéiert an duerno zu Bochum gespillt. Dertëschent stoung awer och nach en Intermezzo an engem Actors-Studio zu New York, wat hir an der Entwécklung nawell vill bruecht huet an hir nei Approchen am Schauspill geléiert huet.
D'Sarah Grunert huet awer e staarke Lien zu Lëtzebuerg. An zwar koum si zu Lëtzebuerg op d'Welt, hir Mamm kënnt vun hei a si huet nach Famill zu Lëtzebuerg. Am Fong ass d'Sarah Grunert, wéi si seet, hallef Däitsch an hallef Lëtzebuergerin. Der Sarah Grunert hir Mamm ass d'Odile Simon, fréier Directrice vum Centre culturel Cube 521 zu Maarnech.
Theater war en Theema doheem
Den Theater war omnipresent doheem, well net nëmmen der Sarah Grunert hir Mamm am Theaterberäich geschafft huet, mee och hire Papp. Wéinst de verschiddenen Theaterengagementer vun den Elteren ass déi ganz Famill dacks geplënnert. Den Theater war ëmmer en Deel vun hir, als Kand war si dacks an de Prouwe mat derbäi a si huet d'Theaterwelt kennegeléiert.
"Awer op där anerer Säit hunn ech och gemierkt, wéi komplizéiert dat ka sinn. Wann een am Theater schafft, da muss een natierlech och domadder ëmgoe vill ze plënneren, ëmmer hei an do ze sinn, vill ze schaffen, ëmmer dann ze schaffen, wann déi aner fräi hunn. An dofir war et eigentlech kloer fir mech, wéi ech kleng war oder jonk war: Ech wëll dat net maachen."
Mee et kënnt dacks, éischtens anescht wéi een, zweetens, mengt.
"Et huet mech awer krut, wou d'Léift hifält, do läit se eben. (...) An elo maachen ech et och."
An den Theater an d'Schreiwe sinn der Sarah Grunert hiert Liewen ginn, a si fënnt ëmmer nees Weeër fir hir Iddien ze verwierklechen.
D'Kannerhörspill "Bea Beutelratte"
Mat dësem Hörspill huet d'Sarah Grunert sech e Wonsch erfëllt, well si déi Figur vun der Bea Beutelratte scho laang am Kapp hat. D'Geschicht geet ëm d'Bea, eben den Opossum, dee sech "fliedermausere" wëllt. D'Hörspill elo selwer gouf schonn eemol am Cube 521 als Live-Hörspill opgeféiert a wäert Enn dës Joers um Schauspiel Frankfurt op der Affiche stoen.
"Dat ass och schonn déi Léift iwwer d'Stëmm a Geräischer, grad iwwer dee Medium vum Hörspill Geschichten ze erzielen, grad fir Kanner. Dat huet och domat ze dinn, datt ech selwer extreem vill Hörspiller gelauschtert hunn. An ëmmer erëm Saachen och um Radio gemaach hunn an och haut nach fir Kanner. Also vum Hessesche Rundfunk gëtt et esou e Kanner-Podcast 'Wunderwigwam'. (...) Wou ech ëmmer als fest Sprecherin matschwätzen, dat mécht mir immens Spaass, an ech weess, wéi flott dat ka si fir Kanner ze lauschteren a Biller am Kapp ze hunn."
D'Hörspiel "Bea Beutelratte" vun der Sarah Grunert fannt Dir ze lauschteren bei de bekannten Streaming-Déngschter.
De Jean Claude Majerus féiert duerch d'Gespréich.
Episoden
Dany Kaber: De Marathon war hir léifste Course
D'Leeferin Dany Kaber, déi bei den Olympesche Summerspiller 1988 zu Seoul Siwent am Fraemarathon gouf, ass d’Invitée.
Josy Lorent: E Mënsch mat villen Interessen
Dee fréiere Wort-Journlalist an aktuelle President vun der ASBL Frënn vun der Militärmusek am Gespréich
Annette Schlechter: Schauspillerin an Infirmière
D'Schauspillerin Annette Schlechter ass déi Kéier d'Invitée beim Jean Claude Majerus an der Emissioun Sot emol.
Anabela a Jorge Valente: Eng Globetrotter-Koppel
D'Anabela an de Jorge Valente si schonn 10 Joer mat hirem Motorrad ënnerwee ronderëm d'Welt, ewell schonn iwwer 130.000 Kilometer.
Michel Grevis: Ech sinn e virwëtzege Mënsch
Den Auteur, Zeechner, Kënschtler, passionéierte Schoulmeeschter a Responsabele vum Centre des Jeunes vum SNJ zu Huelmes ass Invité.
Clara Herz: "Actrice ass mäin Dramberuff"
Mat vill Engagement, Talent an och Passioun ass dës Actrice amgaange sech an der Schauspillwelt ze etabléieren. Si ass vill zu Paräis, mee huet sech och schonn op Lëtzebuerger Büne gewisen a bewisen.
Aly Bintz: E léiwe Männchen
De Lëtzebuerger Acteur a Sänger Aly Bintz ass virun 20 Joer am Alter vun nëmme 75 Joer gestuerwen. Mir erënneren un dëse Lëtzebuerger Entertainer.
Joe Del Toe: De Gesondheets-Clown
De Gesondheets-Clown Joe Del Toe ass den Invité bei Jean Claude Majerus an der Emissioun "Sot emol"
Raymond Conzemius: De Sport ass de roude Fuedem
Den aktuellen Directeur technique vum COSL Raymond Conzemius ass den Invité beim Jeam Claude Majerus an der Emissioun "Sot emol"
Sidney Scho: E ganz jonken Dirigent
Den Dirigent an Directeur musical vum Cercle symphonique vu Rëmeleng Sidney Scho ass haut den Invité beim Jean Claude Majerus am Sot emol.
Justin Gloden: E Liewen fir d'Lafen
Den Invité ass a war Mëttel- oder Laangstreckeleefer. Hien ass och esou munch Lëtzebuerger Rekord vun de 1500 Meter u gelaf, an nach haut ginn et ëmmer Rekorder, déi him gehéieren.
Emma Lily Karier: De Saxofon a Wien
D'Musekerin, Saxofonistin an och Sängerin an Dirigentin ass d'Invitée.
Norbert Haupert: Sportler, Sportfonctionnaire a Politiker
Als Liichtathleet war den Norbert Haupert ganz erfollegräich, ë. a. mat engem Lëtzebuerger Rekord iwwer 1.000-Meter. Als CSV-Deputéierte souz hie 14 Joer an der Chamber.
Laurence Duhr: Wäibau, Psychologie a Clownereien
Bei der Invitée dës Kéier fënnt een nees eng grouss Diversitéit an hirem Parcours, dee si mécht oder bis ewell gemaach huet.
Jean Portante: Schwaarzt Gezei a roude Schal
De Poet a Schrëftsteller mat italieeneschen Originnenan ass zanter Ufank u fräie Mataarbechter vum radio 100,7. Éier hie sech ganz dem Schreiwe consacréiert huet, war hie Franséisch Proff.
Änder Hirt: E Museker mat Leif a Séil
De Mueker a Sänger Änder Hirt ass den Invité.
Guy Conter: E räicht Musekerliewen
De Museker an Museksprofesser am Escher Conservatoire war nom Fred Hales vun 2007 bis 2015 Chef vun der Brass Band an huet duerno weider de Solo Cornet gespillt.
Isabelle Braun-Dominicy: "Et mécht nach ëmmer ganz vill Freed"
D'Isabelle Braun-Dominicy ass Pianist an Enseignante fir Solfége. Aktuell ass si Professorin um Escher Conservatoire, wou si nieft de Coursen och de Jugendchouer dirigéiert.
Stephan Quintus: A Schweden en neit Doheem fonnt
De Stephan Quintus ass mat senger Fra a senge véier Bouwen a Schweden ausgewandert.
