Sot emol
Philippe Schockweiler: Vum Klasseclown zum Humanitären
52 min
A sengem Rapport "Where Europe meets war" beschreift de Philippe Schockweiler de leschte Mäerz d'Situatioun op der polnesch-ukrainescher Grenz, déi vu Chaos, Onsécherheet, humanitärer Hëllef, Flucht an Angscht gekennzeechent ass.
Grad ass hie vu Lwiw zeréck. D'Géigend ass him net onbekannt, well hie schonn am Belarus geschafft huet am Kontext vu sengem Engagement bei de jonke Gréngen, wou hie Responsabel war fir den demokrateschen Developpement vun de Strukturen an deem Deel vun der Welt. Iwwer 30 Mol war hien an deem Kontext am Belarus.
De Philippe Schockweiler ass fréiere Greenpeace-Aktivist, Spriecher bei déi jonk gréng, militéiert fir Mënscherechter, op engem Blog géint Atomkraaft a setzt sech fir de Klimawandel an d'Ëmwelt an. Eigentlech huet hien Anglistik a Geschicht studéiert. De leschten Dezember huet hie sech um Pic vun den anti Impf-Demonstratiounen ënner d'Schwurbler gemëscht an an de soziale Medien doriwwer reportéiert.
Dacks gouf hien op senge sozialen Netzwierker attackéiert an huet sech trotzdeem ëmmer bereet erkläert an den Dialog ze kommen. Hien ass der fermer Iwwerzeegung, datt jiddwereen e Recht op eng eege Meenung huet, awer net op eege Fakten.
Generell gesi si Mënscherechter dat, wat hien am Liewen dreift: sech fir anerer engagéieren, fir si do ze sinn. Haaptberufflech schafft hie bei Cooperations SC an engem inklusiven Ëmfeld als Kommunikatiounsberoder. Am Kontakt mat Mënschen, bei deem hie seet, och do ganz schéi Saachen ëmsetzen ze kënnen am Numm vun der Dignitéit.
Episoden
Dany Kaber: De Marathon war hir léifste Course
D'Leeferin Dany Kaber, déi bei den Olympesche Summerspiller 1988 zu Seoul Siwent am Fraemarathon gouf, ass d’Invitée.
Josy Lorent: E Mënsch mat villen Interessen
Dee fréiere Wort-Journlalist an aktuelle President vun der ASBL Frënn vun der Militärmusek am Gespréich
Annette Schlechter: Schauspillerin an Infirmière
D'Schauspillerin Annette Schlechter ass déi Kéier d'Invitée beim Jean Claude Majerus an der Emissioun Sot emol.
Anabela a Jorge Valente: Eng Globetrotter-Koppel
D'Anabela an de Jorge Valente si schonn 10 Joer mat hirem Motorrad ënnerwee ronderëm d'Welt, ewell schonn iwwer 130.000 Kilometer.
Michel Grevis: Ech sinn e virwëtzege Mënsch
Den Auteur, Zeechner, Kënschtler, passionéierte Schoulmeeschter a Responsabele vum Centre des Jeunes vum SNJ zu Huelmes ass Invité.
Clara Herz: "Actrice ass mäin Dramberuff"
Mat vill Engagement, Talent an och Passioun ass dës Actrice amgaange sech an der Schauspillwelt ze etabléieren. Si ass vill zu Paräis, mee huet sech och schonn op Lëtzebuerger Büne gewisen a bewisen.
Aly Bintz: E léiwe Männchen
De Lëtzebuerger Acteur a Sänger Aly Bintz ass virun 20 Joer am Alter vun nëmme 75 Joer gestuerwen. Mir erënneren un dëse Lëtzebuerger Entertainer.
Joe Del Toe: De Gesondheets-Clown
De Gesondheets-Clown Joe Del Toe ass den Invité bei Jean Claude Majerus an der Emissioun "Sot emol"
Raymond Conzemius: De Sport ass de roude Fuedem
Den aktuellen Directeur technique vum COSL Raymond Conzemius ass den Invité beim Jeam Claude Majerus an der Emissioun "Sot emol"
Sidney Scho: E ganz jonken Dirigent
Den Dirigent an Directeur musical vum Cercle symphonique vu Rëmeleng Sidney Scho ass haut den Invité beim Jean Claude Majerus am Sot emol.
Justin Gloden: E Liewen fir d'Lafen
Den Invité ass a war Mëttel- oder Laangstreckeleefer. Hien ass och esou munch Lëtzebuerger Rekord vun de 1500 Meter u gelaf, an nach haut ginn et ëmmer Rekorder, déi him gehéieren.
Emma Lily Karier: De Saxofon a Wien
D'Musekerin, Saxofonistin an och Sängerin an Dirigentin ass d'Invitée.
Norbert Haupert: Sportler, Sportfonctionnaire a Politiker
Als Liichtathleet war den Norbert Haupert ganz erfollegräich, ë. a. mat engem Lëtzebuerger Rekord iwwer 1.000-Meter. Als CSV-Deputéierte souz hie 14 Joer an der Chamber.
Laurence Duhr: Wäibau, Psychologie a Clownereien
Bei der Invitée dës Kéier fënnt een nees eng grouss Diversitéit an hirem Parcours, dee si mécht oder bis ewell gemaach huet.
Jean Portante: Schwaarzt Gezei a roude Schal
De Poet a Schrëftsteller mat italieeneschen Originnenan ass zanter Ufank u fräie Mataarbechter vum radio 100,7. Éier hie sech ganz dem Schreiwe consacréiert huet, war hie Franséisch Proff.
Änder Hirt: E Museker mat Leif a Séil
De Mueker a Sänger Änder Hirt ass den Invité.
Guy Conter: E räicht Musekerliewen
De Museker an Museksprofesser am Escher Conservatoire war nom Fred Hales vun 2007 bis 2015 Chef vun der Brass Band an huet duerno weider de Solo Cornet gespillt.
Isabelle Braun-Dominicy: "Et mécht nach ëmmer ganz vill Freed"
D'Isabelle Braun-Dominicy ass Pianist an Enseignante fir Solfége. Aktuell ass si Professorin um Escher Conservatoire, wou si nieft de Coursen och de Jugendchouer dirigéiert.
Stephan Quintus: A Schweden en neit Doheem fonnt
De Stephan Quintus ass mat senger Fra a senge véier Bouwen a Schweden ausgewandert.
