Sot emol
Tim Kleren: "Spaass un der Musek"
56 min
Dem Tim Kleren seng musikalesch Aventure ass Enn den 1980er Jore mat éischte Coursen op der Batterie ugaangen, duerno huet de Wee hien op Esch an de Conservatoire geféiert, dann an de Stater Conservatoire fir schlussendlech en Ofschloss an der Direktioun zu Maastricht ze maachen. Den Tim Kleren ass Perkussionist a Member vun der Militärmusek an dernieft awer och nach Komponist an Dirigent, aktuell ass hie Chef an de Museken vu Rouspert a Mensder.
Et ginn och als professionelle Museker Amenter, déi ee sécher ni méi vergësst, an déi een och méi wéi genéisst. An zu deenen Amenter gehéiert ouni Zweiwel de Concert vun der Lëtzebuerger Militärmusek mam iresche Sänger Johnny Logan zu Mamer. En Artist, deen ëmmerhin dräi Mol de Grand Prix d'Eurovision de la chanson gewonnen huet. Fir den Tim Kleren war et eng Chance mat esou engem Kënschtler op der Bün ze stoen an hie war verwonnert, wéi fein an häerzlech esou grouss Leit dach sinn.
Et war eng Komplizitéit tëschent Sänger an Orchester
De Sänger huet mam Orchester kommunikéiert, an et huet ee gemierkt, datt d'Welle gestëmmt hunn. De Museker huet een och ofgesinn, datt si Spaass haten. De Kënschtler op der Bün ass eng Saach, mee dann hanner der Bün? An och do huet de Tim Kleren e ganz sympathesche Johnny Logan erlieft.
"No der éischter Prouf, den Dag virdru konnte mir och mat him iesse goen. Mir hunn him e bëssen d'Place d'Armes gewisen. (...) Also et ass e Super-Sympatheschen, hien huet Witzer erzielt drop an dowidder. Si hu mussen 10-15 Minutten waarde bis se eng Plaz op enger Terrass kruten, mee dat war him egal, dann huet hien nach zéng Witzer méi gezielt. Et war einfach eng gutt Stëmmung an den Typ ass einfach fein."
De Kapp ausschalten an d'Oueren umaachen
Eng grouss Passioun vum Tim Kleren ass och d'Komponéieren. Ënner anerem gouf seng Kompositioun "Steelworks" scho vun engem japaneschen Orchester enregistréiert. Hie ka sech stonnelaang dohinner sëtzen an un engem Stéck schaffen. Hien ass da bal wéi an enger anerer Welt. Déi grouss Erausfuerderung fir e Komponist ass awer, ob en et fäerdeg bréngt, eege Stécker ze lauschteren, wann en Orchester se spillt. Mee lauschteren an dobäi ganz neutral bleiwen.
"Dat ass ganz schwéier, well et weess e jo, wat kënnt, an et weess een, wat ee geschriwwen huet, an et weess een och: Oh, elo kënnt déi Plaz fir Trombonn, déi schwéier ass oder wat och ëmmer. Mee heiansdo muss een einfach probéieren, ech soe mol, de Kapp ausschalten an d'Oueren umaachen an einfach do sëtzen an einfach dat op sech wierke loossen. Well, dat ass dat wichtegst, nonzeg Prozent vun de Leit maachen dat esou, déi kommen op de Concert, an déi wëllen eng schéin Zäit verbréngen, an déi soen net: Hues de dee Rhythmus héieren oder déi Zesummestellung? Dat ass deene schnuppe, deene geet et ëm d'Gefill".
Episoden
Dany Kaber: De Marathon war hir léifste Course
D'Leeferin Dany Kaber, déi bei den Olympesche Summerspiller 1988 zu Seoul Siwent am Fraemarathon gouf, ass d’Invitée.
Josy Lorent: E Mënsch mat villen Interessen
Dee fréiere Wort-Journlalist an aktuelle President vun der ASBL Frënn vun der Militärmusek am Gespréich
Annette Schlechter: Schauspillerin an Infirmière
D'Schauspillerin Annette Schlechter ass déi Kéier d'Invitée beim Jean Claude Majerus an der Emissioun Sot emol.
Anabela a Jorge Valente: Eng Globetrotter-Koppel
D'Anabela an de Jorge Valente si schonn 10 Joer mat hirem Motorrad ënnerwee ronderëm d'Welt, ewell schonn iwwer 130.000 Kilometer.
Michel Grevis: Ech sinn e virwëtzege Mënsch
Den Auteur, Zeechner, Kënschtler, passionéierte Schoulmeeschter a Responsabele vum Centre des Jeunes vum SNJ zu Huelmes ass Invité.
Clara Herz: "Actrice ass mäin Dramberuff"
Mat vill Engagement, Talent an och Passioun ass dës Actrice amgaange sech an der Schauspillwelt ze etabléieren. Si ass vill zu Paräis, mee huet sech och schonn op Lëtzebuerger Büne gewisen a bewisen.
Aly Bintz: E léiwe Männchen
De Lëtzebuerger Acteur a Sänger Aly Bintz ass virun 20 Joer am Alter vun nëmme 75 Joer gestuerwen. Mir erënneren un dëse Lëtzebuerger Entertainer.
Joe Del Toe: De Gesondheets-Clown
De Gesondheets-Clown Joe Del Toe ass den Invité bei Jean Claude Majerus an der Emissioun "Sot emol"
Raymond Conzemius: De Sport ass de roude Fuedem
Den aktuellen Directeur technique vum COSL Raymond Conzemius ass den Invité beim Jeam Claude Majerus an der Emissioun "Sot emol"
Sidney Scho: E ganz jonken Dirigent
Den Dirigent an Directeur musical vum Cercle symphonique vu Rëmeleng Sidney Scho ass haut den Invité beim Jean Claude Majerus am Sot emol.
Justin Gloden: E Liewen fir d'Lafen
Den Invité ass a war Mëttel- oder Laangstreckeleefer. Hien ass och esou munch Lëtzebuerger Rekord vun de 1500 Meter u gelaf, an nach haut ginn et ëmmer Rekorder, déi him gehéieren.
Emma Lily Karier: De Saxofon a Wien
D'Musekerin, Saxofonistin an och Sängerin an Dirigentin ass d'Invitée.
Norbert Haupert: Sportler, Sportfonctionnaire a Politiker
Als Liichtathleet war den Norbert Haupert ganz erfollegräich, ë. a. mat engem Lëtzebuerger Rekord iwwer 1.000-Meter. Als CSV-Deputéierte souz hie 14 Joer an der Chamber.
Laurence Duhr: Wäibau, Psychologie a Clownereien
Bei der Invitée dës Kéier fënnt een nees eng grouss Diversitéit an hirem Parcours, dee si mécht oder bis ewell gemaach huet.
Jean Portante: Schwaarzt Gezei a roude Schal
De Poet a Schrëftsteller mat italieeneschen Originnenan ass zanter Ufank u fräie Mataarbechter vum radio 100,7. Éier hie sech ganz dem Schreiwe consacréiert huet, war hie Franséisch Proff.
Änder Hirt: E Museker mat Leif a Séil
De Mueker a Sänger Änder Hirt ass den Invité.
Guy Conter: E räicht Musekerliewen
De Museker an Museksprofesser am Escher Conservatoire war nom Fred Hales vun 2007 bis 2015 Chef vun der Brass Band an huet duerno weider de Solo Cornet gespillt.
Isabelle Braun-Dominicy: "Et mécht nach ëmmer ganz vill Freed"
D'Isabelle Braun-Dominicy ass Pianist an Enseignante fir Solfége. Aktuell ass si Professorin um Escher Conservatoire, wou si nieft de Coursen och de Jugendchouer dirigéiert.
Stephan Quintus: A Schweden en neit Doheem fonnt
De Stephan Quintus ass mat senger Fra a senge véier Bouwen a Schweden ausgewandert.
