Sot emol
Steve Boehm: "Mat der Käerjenger Museksschoul an der Philharmonie"
57 min
Den Invité stoung a ville grousse Concertshaiser op dëser Welt schonn emol op der Bün, fir do seng Passioun ze liewen, nämlech d'Musek. De Steve Boehm ass Cornist, mee dernieft dirigéiert hien an arrangéiert Musek op eng ganz speziell Manéier. Dat weist säin Ennio Morricone Projet "Once Upon a Time". E Projet vun der Käerjenger Museksschoul, deen am Mäerz 2023 an der Philharmonie opgeféiert gëtt. De Steve Boehm ass awer och Enseignant an de Museksschoulen zu Käerjeng an zu Diddeleng, fir säi Wëssen a Kënnen un déi Jonk weiderzeginn.
Eng besonnesch Passioun huet de Steve Boehm fir Filmmusek, an do besonnesch den John Willams, de Komponist vun ënner anerem der Musek fir "Star Wars"- oder den "Indiana Jones"-Filmer. De Museker huet de John Williams esou guer selwer zu Chicago erlieft, dofir läit et och op der Hand ze froen, firwat de Steve Boehm dann elo a sengem Projet d'Musek vum Ennio Morricone geholl huet an net déi vum John Williams.
"Dat ass eng gutt Fro. Ech zerbrieche mir oft de Kapp, wat setzen ech op e Programm fir e Concert grad an der Blosmusek. Et ass oft, wann iergend e Stéck nei komponéiert gëtt, da spillt dat all Musek. (...) Dat ass och flott, mee heiansdo ass et och schéin eppes anescht ze maachen, zemools Ennio-Morricone-Stécker ginn et der scho ganz vill am Blosmuseksberäich."
Um Ufank stoung ee Western-Owend
An iergendwann huet de Steve Boehm e "Western-Owend" gemaach an huet fir dee Stécker vum Morricone arrangéiert an hie krut d'Gefill, datt hien e roude Fuedem kéint duerch déi verschidde Stécker zéien an eng Geschicht domat erzielen. Hien huet sech ëmmer méi mam Morricone senger Musek befaasst an och ugefaangen eng Analys ze maachen.
"Wann ee Morricone seet, dann hu verschidde Leit esou fënnef Lidder am Kapp. A menger Story, déi ech arrangéiert hunn, mussen déi bekannt Stécker dra sinn, mee ech hunn enorm vill Recherche gemaach a virun allem muss ee wëssen, wann ech dann arrangéieren, dann ass dat en Diktat, wou ech da Saachen erausschreiwen. Ech loossen dat Honnert Mol lafe bis ech all Instrumenter eraushéieren hunn, an da schreiwen ech dat, wéi ech et héieren, fir e Sinfonie-Orchester an dono adaptéieren ech dat da fir Blosorchester."
An d'Resultat mat eben aktuellen an fréiere Leit aus der Käerjenger Museksschoul kann een den 11. Mäerz 2023 an der Philharmonie héieren, méi Detailer hei.
De Jean Claude Majerus féiert duerch d'Gespréich.
Episoden
Dany Kaber: De Marathon war hir léifste Course
D'Leeferin Dany Kaber, déi bei den Olympesche Summerspiller 1988 zu Seoul Siwent am Fraemarathon gouf, ass d’Invitée.
Josy Lorent: E Mënsch mat villen Interessen
Dee fréiere Wort-Journlalist an aktuelle President vun der ASBL Frënn vun der Militärmusek am Gespréich
Annette Schlechter: Schauspillerin an Infirmière
D'Schauspillerin Annette Schlechter ass déi Kéier d'Invitée beim Jean Claude Majerus an der Emissioun Sot emol.
Anabela a Jorge Valente: Eng Globetrotter-Koppel
D'Anabela an de Jorge Valente si schonn 10 Joer mat hirem Motorrad ënnerwee ronderëm d'Welt, ewell schonn iwwer 130.000 Kilometer.
Michel Grevis: Ech sinn e virwëtzege Mënsch
Den Auteur, Zeechner, Kënschtler, passionéierte Schoulmeeschter a Responsabele vum Centre des Jeunes vum SNJ zu Huelmes ass Invité.
Clara Herz: "Actrice ass mäin Dramberuff"
Mat vill Engagement, Talent an och Passioun ass dës Actrice amgaange sech an der Schauspillwelt ze etabléieren. Si ass vill zu Paräis, mee huet sech och schonn op Lëtzebuerger Büne gewisen a bewisen.
Aly Bintz: E léiwe Männchen
De Lëtzebuerger Acteur a Sänger Aly Bintz ass virun 20 Joer am Alter vun nëmme 75 Joer gestuerwen. Mir erënneren un dëse Lëtzebuerger Entertainer.
Joe Del Toe: De Gesondheets-Clown
De Gesondheets-Clown Joe Del Toe ass den Invité bei Jean Claude Majerus an der Emissioun "Sot emol"
Raymond Conzemius: De Sport ass de roude Fuedem
Den aktuellen Directeur technique vum COSL Raymond Conzemius ass den Invité beim Jeam Claude Majerus an der Emissioun "Sot emol"
Sidney Scho: E ganz jonken Dirigent
Den Dirigent an Directeur musical vum Cercle symphonique vu Rëmeleng Sidney Scho ass haut den Invité beim Jean Claude Majerus am Sot emol.
Justin Gloden: E Liewen fir d'Lafen
Den Invité ass a war Mëttel- oder Laangstreckeleefer. Hien ass och esou munch Lëtzebuerger Rekord vun de 1500 Meter u gelaf, an nach haut ginn et ëmmer Rekorder, déi him gehéieren.
Emma Lily Karier: De Saxofon a Wien
D'Musekerin, Saxofonistin an och Sängerin an Dirigentin ass d'Invitée.
Norbert Haupert: Sportler, Sportfonctionnaire a Politiker
Als Liichtathleet war den Norbert Haupert ganz erfollegräich, ë. a. mat engem Lëtzebuerger Rekord iwwer 1.000-Meter. Als CSV-Deputéierte souz hie 14 Joer an der Chamber.
Laurence Duhr: Wäibau, Psychologie a Clownereien
Bei der Invitée dës Kéier fënnt een nees eng grouss Diversitéit an hirem Parcours, dee si mécht oder bis ewell gemaach huet.
Jean Portante: Schwaarzt Gezei a roude Schal
De Poet a Schrëftsteller mat italieeneschen Originnenan ass zanter Ufank u fräie Mataarbechter vum radio 100,7. Éier hie sech ganz dem Schreiwe consacréiert huet, war hie Franséisch Proff.
Änder Hirt: E Museker mat Leif a Séil
De Mueker a Sänger Änder Hirt ass den Invité.
Guy Conter: E räicht Musekerliewen
De Museker an Museksprofesser am Escher Conservatoire war nom Fred Hales vun 2007 bis 2015 Chef vun der Brass Band an huet duerno weider de Solo Cornet gespillt.
Isabelle Braun-Dominicy: "Et mécht nach ëmmer ganz vill Freed"
D'Isabelle Braun-Dominicy ass Pianist an Enseignante fir Solfége. Aktuell ass si Professorin um Escher Conservatoire, wou si nieft de Coursen och de Jugendchouer dirigéiert.
Stephan Quintus: A Schweden en neit Doheem fonnt
De Stephan Quintus ass mat senger Fra a senge véier Bouwen a Schweden ausgewandert.
