Sot emol
Jim Schmitz: "Hei kënnt de Vullejemp"
56 min
Mam Jim Schmitz geet et virtuell eraus an d'Natur. Méi genee an eent vun de 12 Vulleschutzgebidder zu Lëtzebuerg tëschent Iwwersiren a Mensder, an d'Schlammwiss.
Do ass de Jim Schmitz doheem. 1948 am Éislek gebuer,zu Ëlwen grouss gi matten an der Natur, wou säi Papp Bëscher ugeplanzt huet. Als Bouf huet hie sech mat sengem Cousin op d'Sich no Vulle gemaach. Säin Interêt de Villercher an hirer ganzer Pruecht géintiwwer huet bewierkt, datt esou muncher een hie net ëmmer eescht geholl huet. Mat Aussoen wéi "hei kënnt de Vullejemp" kann de Jim Schmitz awer gutt liewen.
De passionéierte Villerchers-Mënsch sicht leidenschaftlech gäre no neien Aarten, net nëmmen hei am Land mee zum Beispill och a China, dem Kuwait, Südafrika oder Azerbaijan. Heiheem kennt hien all Zort Fauna a Flora.
Do wou hien 1965 een Hektar Schilf entdeckt huet, erstreckt sech haut iwwer 350 Hektar d'Schlammwiss. Dem Jim Schmitz säin zweet Doheem, dat hie sech mat enger 87 Vullenaarten deelt. Hie kennt se alleguerten, haut si se repertoriéiert dank der Beréngungs-Statioun, déi hien do gegrënnt huet. Iwwregens huet de Jim Schmitz nach villes initiéiert. Hien ass een "Do'er", ee Mënsch, dee Saache mécht a bewierkt, awer ëmmer ënner der Viraussetzung, datt hie mat Mënschen zesummeschafft. Hie selwer qualifizéiert sech als alen '68er. Hien huet villes erreecht aus enger gewëssener Ideologie eraus, mat Kolleegen a Persounen, déi un dat nämmlecht gegleeft hunn.
Seng Léift zum Naturschutz huet hien och zur Politik bruecht, wou hie sech 12 Joer als Buergermeeschter vu Conter fir d'Natur agesat huet.
D'Natasha Ehrmann féiert duerch d'Gespréich.
Episoden
Dany Kaber: De Marathon war hir léifste Course
D'Leeferin Dany Kaber, déi bei den Olympesche Summerspiller 1988 zu Seoul Siwent am Fraemarathon gouf, ass d’Invitée.
Josy Lorent: E Mënsch mat villen Interessen
Dee fréiere Wort-Journlalist an aktuelle President vun der ASBL Frënn vun der Militärmusek am Gespréich
Annette Schlechter: Schauspillerin an Infirmière
D'Schauspillerin Annette Schlechter ass déi Kéier d'Invitée beim Jean Claude Majerus an der Emissioun Sot emol.
Anabela a Jorge Valente: Eng Globetrotter-Koppel
D'Anabela an de Jorge Valente si schonn 10 Joer mat hirem Motorrad ënnerwee ronderëm d'Welt, ewell schonn iwwer 130.000 Kilometer.
Michel Grevis: Ech sinn e virwëtzege Mënsch
Den Auteur, Zeechner, Kënschtler, passionéierte Schoulmeeschter a Responsabele vum Centre des Jeunes vum SNJ zu Huelmes ass Invité.
Clara Herz: "Actrice ass mäin Dramberuff"
Mat vill Engagement, Talent an och Passioun ass dës Actrice amgaange sech an der Schauspillwelt ze etabléieren. Si ass vill zu Paräis, mee huet sech och schonn op Lëtzebuerger Büne gewisen a bewisen.
Aly Bintz: E léiwe Männchen
De Lëtzebuerger Acteur a Sänger Aly Bintz ass virun 20 Joer am Alter vun nëmme 75 Joer gestuerwen. Mir erënneren un dëse Lëtzebuerger Entertainer.
Joe Del Toe: De Gesondheets-Clown
De Gesondheets-Clown Joe Del Toe ass den Invité bei Jean Claude Majerus an der Emissioun "Sot emol"
Raymond Conzemius: De Sport ass de roude Fuedem
Den aktuellen Directeur technique vum COSL Raymond Conzemius ass den Invité beim Jeam Claude Majerus an der Emissioun "Sot emol"
Sidney Scho: E ganz jonken Dirigent
Den Dirigent an Directeur musical vum Cercle symphonique vu Rëmeleng Sidney Scho ass haut den Invité beim Jean Claude Majerus am Sot emol.
Justin Gloden: E Liewen fir d'Lafen
Den Invité ass a war Mëttel- oder Laangstreckeleefer. Hien ass och esou munch Lëtzebuerger Rekord vun de 1500 Meter u gelaf, an nach haut ginn et ëmmer Rekorder, déi him gehéieren.
Emma Lily Karier: De Saxofon a Wien
D'Musekerin, Saxofonistin an och Sängerin an Dirigentin ass d'Invitée.
Norbert Haupert: Sportler, Sportfonctionnaire a Politiker
Als Liichtathleet war den Norbert Haupert ganz erfollegräich, ë. a. mat engem Lëtzebuerger Rekord iwwer 1.000-Meter. Als CSV-Deputéierte souz hie 14 Joer an der Chamber.
Laurence Duhr: Wäibau, Psychologie a Clownereien
Bei der Invitée dës Kéier fënnt een nees eng grouss Diversitéit an hirem Parcours, dee si mécht oder bis ewell gemaach huet.
Jean Portante: Schwaarzt Gezei a roude Schal
De Poet a Schrëftsteller mat italieeneschen Originnenan ass zanter Ufank u fräie Mataarbechter vum radio 100,7. Éier hie sech ganz dem Schreiwe consacréiert huet, war hie Franséisch Proff.
Änder Hirt: E Museker mat Leif a Séil
De Mueker a Sänger Änder Hirt ass den Invité.
Guy Conter: E räicht Musekerliewen
De Museker an Museksprofesser am Escher Conservatoire war nom Fred Hales vun 2007 bis 2015 Chef vun der Brass Band an huet duerno weider de Solo Cornet gespillt.
Isabelle Braun-Dominicy: "Et mécht nach ëmmer ganz vill Freed"
D'Isabelle Braun-Dominicy ass Pianist an Enseignante fir Solfége. Aktuell ass si Professorin um Escher Conservatoire, wou si nieft de Coursen och de Jugendchouer dirigéiert.
