Sot emol
Bob Bertemes: "Ech kréien och nach emol e Muskelkater"
56 min
De 4. August 2019 war wuel e ganz besonneschen Dag fir de Liichtathleet a Bommstousser Bob Bertemes. Et war deen Dag, wou hien op engem Meeting zu Zéisseng d'Bomm 22 Meter 22 gehäit, wat eng Leeschtung war, mat där hie sech op der Weltspëtzt konnt etabléieren. Seng Liichtathleetiks-Karriär huet de Bob Bertemes als Bouf beim CA Bieles ugefaangen, ufanks léiert hien zimmlech all Disziplinne kennen. Esou mat 15 Joer war et kloer, datt d'Bommstousse genee dat richteg fir hie wier.
Als Sportzaldot krut de Bob Bertemes och d'Méiglechkeet säi Sport an deene beschtméigleche Konditiounen ze maachen an och weiderzekommen. Aktuell trainéiert hien bei sengem Trainer zu Mannheim. De Bob Bertemes, deen den nationale Rekord am Bommstoussen an am Diskus huet, preparéiert sech op zwee groussen Eventer, déi nach dëst Joer iwwer d'Bün ginn. Am Juli ass zu Portland an den USA Liichtathleetik-Weltmeeschterschaft an am August zu München d'Europameeschterschaft, woubäi de Bob Bertemes sech awer éischter op d'EM zu Münche konzentréiert.
Et ass schonn e immensen Trainingsopwand, fir datt een als Sportler op deem Niveau wou de Bob Bertemes ass, kann evoluéieren. A besonnesch d'Wanterméint si schwéier, an deene ganz vill Kraafttraining an och Ausdauer um Programm stinn. De Bob Bertemes gëtt och ëmmer nees gefrot, ob hien och nach emol e Muskelkater kritt, a wéi äntwert de Topathleet dorobber:
"Jo! Leider schonn. Ech denken einfach, datt et all Mënsch do e bëssen d'nämlech geet. Du probéiers jo do ëmmer ze puschen. Oft ginn ech einfach heem, grad am Wanter sinn ech komplett zerschoss."
En absolutten Héichpunkt ware fir de Bob Bertemes awer och déi lescht Olympescher Spiller zu Tokio a Japan. An un déi Zäit zu Tokio erënnert de Sportler sech gären zeréck.
"Et war just positiv, et war extreem cool. Et ass wierklech dee Kandheetsdram fir iergendwann eng Kéier dohinner ze kommen. (...) Mee déi Zäit, wou ech do war, war wierklech extreem cool."
Och wann de BIb Bertemes net an déi Olympesch Final koum a vill geschriwwe gouf, datt et eng Defaite war, gesäit de Liichtathleet dat anescht.
"Et ass e bësse schued, datt da just dorobber gemënzt gëtt. Am Endeffekt ass et jo Leeschtungssport, et geet dann dorëms, wéi ee selwer domat ëmgeet. Ech hunn elo kengem iwwel geholl, dee sot, et war mega schlecht an hei an do. Da soen ech: Et passt schonn. (..) Fir mech selwer war et eng extreem cool Experienz."
An en plus huet de Bob Bertemes bei der Ofschlosszeremonie vun den Olympesche Spiller zu Tokio de Fändel vun der Lëtzebuerger Delegatioun an de Stadion gedroen, an dat war fir hien ee "Gänsehaut-Ament".
Episoden
Dany Kaber: De Marathon war hir léifste Course
D'Leeferin Dany Kaber, déi bei den Olympesche Summerspiller 1988 zu Seoul Siwent am Fraemarathon gouf, ass d’Invitée.
Josy Lorent: E Mënsch mat villen Interessen
Dee fréiere Wort-Journlalist an aktuelle President vun der ASBL Frënn vun der Militärmusek am Gespréich
Annette Schlechter: Schauspillerin an Infirmière
D'Schauspillerin Annette Schlechter ass déi Kéier d'Invitée beim Jean Claude Majerus an der Emissioun Sot emol.
Anabela a Jorge Valente: Eng Globetrotter-Koppel
D'Anabela an de Jorge Valente si schonn 10 Joer mat hirem Motorrad ënnerwee ronderëm d'Welt, ewell schonn iwwer 130.000 Kilometer.
Michel Grevis: Ech sinn e virwëtzege Mënsch
Den Auteur, Zeechner, Kënschtler, passionéierte Schoulmeeschter a Responsabele vum Centre des Jeunes vum SNJ zu Huelmes ass Invité.
Clara Herz: "Actrice ass mäin Dramberuff"
Mat vill Engagement, Talent an och Passioun ass dës Actrice amgaange sech an der Schauspillwelt ze etabléieren. Si ass vill zu Paräis, mee huet sech och schonn op Lëtzebuerger Büne gewisen a bewisen.
Aly Bintz: E léiwe Männchen
De Lëtzebuerger Acteur a Sänger Aly Bintz ass virun 20 Joer am Alter vun nëmme 75 Joer gestuerwen. Mir erënneren un dëse Lëtzebuerger Entertainer.
Joe Del Toe: De Gesondheets-Clown
De Gesondheets-Clown Joe Del Toe ass den Invité bei Jean Claude Majerus an der Emissioun "Sot emol"
Raymond Conzemius: De Sport ass de roude Fuedem
Den aktuellen Directeur technique vum COSL Raymond Conzemius ass den Invité beim Jeam Claude Majerus an der Emissioun "Sot emol"
Sidney Scho: E ganz jonken Dirigent
Den Dirigent an Directeur musical vum Cercle symphonique vu Rëmeleng Sidney Scho ass haut den Invité beim Jean Claude Majerus am Sot emol.
Justin Gloden: E Liewen fir d'Lafen
Den Invité ass a war Mëttel- oder Laangstreckeleefer. Hien ass och esou munch Lëtzebuerger Rekord vun de 1500 Meter u gelaf, an nach haut ginn et ëmmer Rekorder, déi him gehéieren.
Emma Lily Karier: De Saxofon a Wien
D'Musekerin, Saxofonistin an och Sängerin an Dirigentin ass d'Invitée.
Norbert Haupert: Sportler, Sportfonctionnaire a Politiker
Als Liichtathleet war den Norbert Haupert ganz erfollegräich, ë. a. mat engem Lëtzebuerger Rekord iwwer 1.000-Meter. Als CSV-Deputéierte souz hie 14 Joer an der Chamber.
Laurence Duhr: Wäibau, Psychologie a Clownereien
Bei der Invitée dës Kéier fënnt een nees eng grouss Diversitéit an hirem Parcours, dee si mécht oder bis ewell gemaach huet.
Jean Portante: Schwaarzt Gezei a roude Schal
De Poet a Schrëftsteller mat italieeneschen Originnenan ass zanter Ufank u fräie Mataarbechter vum radio 100,7. Éier hie sech ganz dem Schreiwe consacréiert huet, war hie Franséisch Proff.
Änder Hirt: E Museker mat Leif a Séil
De Mueker a Sänger Änder Hirt ass den Invité.
Guy Conter: E räicht Musekerliewen
De Museker an Museksprofesser am Escher Conservatoire war nom Fred Hales vun 2007 bis 2015 Chef vun der Brass Band an huet duerno weider de Solo Cornet gespillt.
Isabelle Braun-Dominicy: "Et mécht nach ëmmer ganz vill Freed"
D'Isabelle Braun-Dominicy ass Pianist an Enseignante fir Solfége. Aktuell ass si Professorin um Escher Conservatoire, wou si nieft de Coursen och de Jugendchouer dirigéiert.
