Sot emol
Manuel Cardoni: "E Liewe fir a mam Fussball"
Dee weltwäit populäerste Sport steet am Mëttelpunkt vun der Emissioun: de Fussball. Invité beim Jean Claude Majerus ass de Manuel Cardoni, aktuell Directeur Technique National bei der FLF an och Trainer vun der U-21 an der U-19 Nationalequipe. De Manuel Cardoni huet zu Rëmeleng mam Fussball ugefaangen, a Veräin fir deen haut och nach säin Häerz schléit. Dono koum dann en éischte gréissere Sprong, an zwar bei d'Jeunesse Esch, wou en e puer Mol Champion gouf an och e puer Mol d'Coupe de Luxembourg gewonnen huet.
Dernieft huet de Manuel Cardoni och 68 Mol den Trikot vun der Lëtzebuerger Fussballnationalequipe ugehat an e war an de Joren 1995 an 1996 Fussballer vum Joer. En aner wichtege Schratt huet de Manuel Cardoni 1996 gemaach, wou en nom Nico Braun an dem Roby Langers als drëtte Lëtzebuerger an déi däitsch Bundesliga gewiesselt ass, an zwar bei Bayer Leverkusen.
Eng Zäit wou de Fussballspiller awer mat gemëschte Gefiller zeréck kuckt. De Manel Cardoni ass nämlech mat der Mentalitéit dohinner gaangen: Oh, géi emol kucken war dat gëtt. En ass net dohinner gaangen mam Gedanken sech ze imposéieren. Deemno huet de Manuel Cardoni haut d'Gewëssheet mam Recul vun all de Joren datt hien deemools net deen onbedéngte Wëllen hat sech bei dem Bundesligaveräin duerch ze setzen.
Wou den Manuel Cardoni vun Bayer Leverkusen engagéiert gouf, hat de Veräin sech esou just an der ieweschter Divisioun an Däitschland gehalen. Mä do koum en neien Trainer, de Christoph Daum, an déi Saison hu se mat mat ëm den Titel vum däitsche Champion gespillt.
"De Christoph Daum war déi Zäit fir Leverkusen doudsécher e Seegen, en huet se wierklech erëm no uewe bruecht, fir mech elo manner.(...) Et war en elo keen deen e Spiller weider entwéckelt huet, ausser mat engem gewëssene Potential, dat huet en och net intresséiert.(...) Dat ass kee Reproche un heen, dass e Reproche u mech selwer, datt ech net domadder eens gi sinn, ech hätt mech missen anescht uleeën. (...) No den éischte véier Matcher hunn ech gespillt hat, zu München. Do huet e mech virun der ganzer Equipe gelueft an et war déi éischte Kéier wou e mer d'Wuert adresséiert huet, en huet do gesot: Ich muss noch lernen, wie man kratzt, beisst und spuckt."
No der aktiver Carrière als Spiller war et awer net fäerdeg mam Fussball, de Manuel Cardoni huet als Trainer säi Kënnen a Wësse weider ginn, bis en eben aus dem Fussball als Trainer a Fonctionnaire e Full Time Job gemaach huet. E Liewen fir a mam Fussball.
Episoden
Ben Claus: De Panzpiano an d'Kap
Oder einfach nëmmen "De Claus" ass den Invité. Hie spillt a séngt d’Hitparad vun de Lëtzebuerger Lidder erop an erof.
Paul Philipp - Spiller, Trainer, President
Dee fréiere Fussballprofi an aktuelle President vun der FLF ass Invité um dag vun der Finall vun der Europameeschterschaft.
Ingrid Schwarz: Modernt Jodelen
D'Sängerin an Pinaistin Ingrid Schwarz ass d'Invitée beim Jean Claude Majerus an der Emissioun "Sot emol"
Sean Grethen
D'Passioun Aarmdrécken
Änder Hirt: E Museker mat Leif a Séil
De Museker a Sänger Änder Hirt ass den Invité.
Martin Engler: "Den Dag ass 24 Stonne laang a ënnerschiddlech breet"
Den däitschen Multi-Kënschtler Martin Engler ass Invité.
Jean-Paul Raths
De Lëtzebuerger Schauspiller a Regisseur deen zanter 1979 als Schauspiller op ville Bünen hei a virun allem am däitschsproocheg Raum ënnerwee ass.
Stephan Quintus: A Schweden en neit Dohemm fonnt
De Stephan Quintus ass mat senger Fra an seng véier Bouwen a Schweden ausgewandert. An iwwert hiert neit Liewen erzielt hien als Invité dem Jean Claude Majerus an der Emissioun "Sot emol"
Jean Portante: Schwaarz Gezei a roude Schal
De Poet a Schrëftsteller an zanter dem Ufank Mataarbechter vum radio 100,7 Jean Portante ass déi Kéier den Invité beim Jean Claude Majerus an der Emissioun "sot emol"
Guy Conter: E räicht Musekerliewen
De Invité déi Kéier am Sot de emol ass de Museker an Museksprf am Escher Conservatoire de Guy Conter.
Anne Simon: Vu London op Lëtzebuerg
D‘Regisseurin Anne Simon déi scho ganz fréi d‘Iddi vum Theater am Kapp hat ass déi Kéier Invitée beim Jean Claude Majerus an der Emissioun „Sot emol“
Hannah Noack: Musical ass meng grouss Passioun
D’Enseignante fir moderne Gesang a Vokalpädagogie huet Musical a Musekserzéiung studéiert, ass deemno gutt positionéiert fir iwwer d’Musicalwelt ze schwätzen.
Eugène Prim: Mäi Liewe a mäi Wee mam Orchester
No bal 35 Joer huet den Eugène Prim als Generaldirekter vun der Solistes Européens, Luxembourg opgehalen, hien, deen dësen Orchester matgegrënnt huet.
Marie-Josée Jacobs
De Mënschen ze hëllefen, dat passt bei d’Invitée: Infirmière-Anästhesistin, aktiv an der Gewerkschaft, zwanzeg Joer Ministerin an elo benevollen Engagement bei der Caritas.
Kimberly Darcy Mae
D‘Invitée war Héichleeschtungssportlerin. Karate war an ass nach eng Passioun.
René Closter: "Mir brauchen en Helikopter, ça passe ou ça casse“
De Grënner a President vun der Luxemburg Air Rescue ass den Invité. 1988 ass d’Luxemburg Air Rescue mat engem gelounten Helikopter lassgaangen.
Isabelle Braun-Dominicy: "Et mécht nach ëmmer ganz vill Freed"
Seet d'Invitée, d'Pianosproff an Enseignante fir d'Formation musicale.
Carlo Link: Radio, seng grouss Passioun
E Radiosmënsch, mat deem mir bei d‘Originne vum radio 100,7, dem soziokulturelle Radio, wéi soss gesot gouf, zeréckginn.
Ben Claus: De Panzpiano an d'Kap
Oder einfach nëmmen "De Claus" ass den Invité. Hie spillt a séngt d’Hitparad vun de Lëtzebuerger Lidder erop an erof.
