Sot emol
Odile Simon: "Ech bleiwen der Kultur verflicht"
56 min
An dëser Episod vun "Sot emol kuckt de Jean Claude Majerus mat senger Invitée op déi lescht 15 Jore zeréck. 2007 ass de Kulturzenter "Cube 521" zu Maarnech nämlech opgaangen an zanter deem ass d'Odile Simon Direktesch vun dësem regionale Kulturzenter. No hire Statiounen um Schauspielhaus zu Zürech, der Landesbühne zu Esslingen a virun allem um Grips-Theater zu Berlin hat d'Odile Simon de Wonsch an de Besoin zeréck op Lëtzebuerg ze kommen. A mat der Direktioun am Cube 521 huet d'Odile Simon ganz uewen am Norden vun eisem Land, der Kultur en neien Driff ginn. An och d'Méiglechkeet genotzt d'Liewensqualitéit duerch Kultur ze erhéijen. De Cube 521 huet an deene 15 Joer och eng fest Plaz op der kultureller Landkaart am Land kritt an huet déi ganz Regioun ganz sécher beräichert.
Mä elo ass awer fir d'Odile Simon den Ament komm fir dem Cube 521 zu Maarnech Äddi ze soen. D'Odile Simon geet, an déi, wéi si seet, sougenannten Pensioun, wat awer relativ ass. Fir d'Odile Simon waren déi 15 Joer am Cube eng intressant a flott Zäit, mat eben der Missioun e Kulturhaus am Éislek ze etabléieren.
Schonn Enn 2022 ass de Stéchdatum fir hiren Depart, mä déi Iddi op ze halen ass bei der Odile Simon awer weder am Kapp nach am Häerz bis ewell ukomm.Mä souwisou ass et absurd ze soen, wann een an der Kultur schafft: Ech halen op! Well d'Kulturaarbecht mécht een aus Leidenschaft, well een un eppes gleeft an och well een dat als seng Missioun gesäit.
"An da kann ee net elo soen, vun haut op moar, meng Aufgab ass elo erleedegt, elo ginn ech an Äddi a Merci, dat geet guer net. Also, ech denken ech bleiwen der Kultur Kultur verflicht. Wat ech elo natierlech geschenkt kréien, dat ass Zäit, dat ass dat Wäertvollst wat mer hunn. Einfach emol vill méi Zäit fir kënnen ze soen: Ok, do ass e flotte Projet, do kréien ech d'Méiglechkeet mat ze maachen an do maachen ech mat. Schlussendlech kommen ech aus dem Theaterberäich an dat ass eng Leidenschaft déi ass do, déi geet och net fort.
Episoden
Dany Kaber: De Marathon war hir léifste Course
D'Leeferin Dany Kaber, déi bei den Olympesche Summerspiller 1988 zu Seoul Siwent am Fraemarathon gouf, ass d’Invitée.
Josy Lorent: E Mënsch mat villen Interessen
Dee fréiere Wort-Journlalist an aktuelle President vun der ASBL Frënn vun der Militärmusek am Gespréich
Annette Schlechter: Schauspillerin an Infirmière
D'Schauspillerin Annette Schlechter ass déi Kéier d'Invitée beim Jean Claude Majerus an der Emissioun Sot emol.
Anabela a Jorge Valente: Eng Globetrotter-Koppel
D'Anabela an de Jorge Valente si schonn 10 Joer mat hirem Motorrad ënnerwee ronderëm d'Welt, ewell schonn iwwer 130.000 Kilometer.
Michel Grevis: Ech sinn e virwëtzege Mënsch
Den Auteur, Zeechner, Kënschtler, passionéierte Schoulmeeschter a Responsabele vum Centre des Jeunes vum SNJ zu Huelmes ass Invité.
Clara Herz: "Actrice ass mäin Dramberuff"
Mat vill Engagement, Talent an och Passioun ass dës Actrice amgaange sech an der Schauspillwelt ze etabléieren. Si ass vill zu Paräis, mee huet sech och schonn op Lëtzebuerger Büne gewisen a bewisen.
Aly Bintz: E léiwe Männchen
De Lëtzebuerger Acteur a Sänger Aly Bintz ass virun 20 Joer am Alter vun nëmme 75 Joer gestuerwen. Mir erënneren un dëse Lëtzebuerger Entertainer.
Joe Del Toe: De Gesondheets-Clown
De Gesondheets-Clown Joe Del Toe ass den Invité bei Jean Claude Majerus an der Emissioun "Sot emol"
Raymond Conzemius: De Sport ass de roude Fuedem
Den aktuellen Directeur technique vum COSL Raymond Conzemius ass den Invité beim Jeam Claude Majerus an der Emissioun "Sot emol"
Sidney Scho: E ganz jonken Dirigent
Den Dirigent an Directeur musical vum Cercle symphonique vu Rëmeleng Sidney Scho ass haut den Invité beim Jean Claude Majerus am Sot emol.
Justin Gloden: E Liewen fir d'Lafen
Den Invité ass a war Mëttel- oder Laangstreckeleefer. Hien ass och esou munch Lëtzebuerger Rekord vun de 1500 Meter u gelaf, an nach haut ginn et ëmmer Rekorder, déi him gehéieren.
Emma Lily Karier: De Saxofon a Wien
D'Musekerin, Saxofonistin an och Sängerin an Dirigentin ass d'Invitée.
Norbert Haupert: Sportler, Sportfonctionnaire a Politiker
Als Liichtathleet war den Norbert Haupert ganz erfollegräich, ë. a. mat engem Lëtzebuerger Rekord iwwer 1.000-Meter. Als CSV-Deputéierte souz hie 14 Joer an der Chamber.
Laurence Duhr: Wäibau, Psychologie a Clownereien
Bei der Invitée dës Kéier fënnt een nees eng grouss Diversitéit an hirem Parcours, dee si mécht oder bis ewell gemaach huet.
Jean Portante: Schwaarzt Gezei a roude Schal
De Poet a Schrëftsteller mat italieeneschen Originnenan ass zanter Ufank u fräie Mataarbechter vum radio 100,7. Éier hie sech ganz dem Schreiwe consacréiert huet, war hie Franséisch Proff.
Änder Hirt: E Museker mat Leif a Séil
De Mueker a Sänger Änder Hirt ass den Invité.
Guy Conter: E räicht Musekerliewen
De Museker an Museksprofesser am Escher Conservatoire war nom Fred Hales vun 2007 bis 2015 Chef vun der Brass Band an huet duerno weider de Solo Cornet gespillt.
Isabelle Braun-Dominicy: "Et mécht nach ëmmer ganz vill Freed"
D'Isabelle Braun-Dominicy ass Pianist an Enseignante fir Solfége. Aktuell ass si Professorin um Escher Conservatoire, wou si nieft de Coursen och de Jugendchouer dirigéiert.
