Bewosst Gesond
De Knuewelek, beléift als Gewierz an Heelplanz
7 min
En Allheelmëttel, therapeutesch Wierkungen an e Genoss an der Kichen.
Invitée ass d'Dieticienne Lis Muller
"Knuewelek ass antioxidativ, gutt bei Entzündungen, an e stäerkt den Immunsystem, huet gutt Auswierkungen op de Fettstoffwiessel an den Bluttdrock. Et sinn haaptsächlech déi schwiefelhalteg Substanzen, déi déi pharmakologesch Wierkungen ausmaachen, an déi och de charakteristesche Geroch an Aroma ausmaachen."
Et ginn e puer Methoden de Knuewelek ze verschaffen:
"Wann eng Knuewelekszéif verletzt gëtt, d. h. gepresst, oder kleng geschnidden gëtt, da setzt se Chemikalie fräi. Doraus entsteet Allicin, deen den typesche schaarfe Knueweleksgeroch ausmécht.
Wann de Knuewelek mat oder ouni der Schuel just zerdréckt gëtt, bleift den Aroma méi duuss. Wat méi reng gehackt, wat méi Allicin fräigesat gëtt.
Wann d'Knuewelekszéif ganz bleift an z.b blanchéiert gëtt an am Ueleg ageluecht gëtt, am ganzen an enger Britt matgekacht, mat Mëllech opgekacht oder als Knoll agewéckelt am Schäffchen mëll gekacht gëtt, dann gëtt en méi en doucen séis-salzegen Aroma fräi.
Knuewelek verléiert säin schaarfen Geroch duerch d'Erhëtzen, an entwéckelt bis 150 Grad e ganz agreabelen Röstaroma, hei awer gëllt et opzepassen fir e net iwwer 180 Grad ze erhëtzen, da kritt e gären e batteren Goût."
Hei nach Recommandatiounen vun der Ernährungsberoderin, wann een de Knuewelek gär huet, mee en net gutt verdréint:
• Eng Schossel mat Knuewelek areiwen; fir den Plat deen dran kënnt ze aromatiséieren
• Ail chinois, och Knolauch genannt gesäit aus wéi Bratzelen, schmaacht no Knuewelek ass och vill besser ze verdauen
• Bärlauch, kann een wonnerbar an Vinaigretten an an Omelette verschaffen. Am beschten grad wéi bei Bratzelen, eréischt zum Schluss bäifügen
• Oder eng kleng Bärlauchpesto mat décken Nëss ass regional a schmaacht wonnerbar, oppassen awer fir de Bärlauch net mat den gëftegen Blieder vun den Meeréisercher ze verwiesselen, déi wuessen dacks op de selwechten Platzen."
Géint de staarke Geroch vum Knuewelek, fir déi, déi domadder geplot sinn, kann ee net vill maachen:
"D'Moleküllen déi den typeschen Knuewlecksgout ausmaachen dënnsten iwwer den Otem an d'Haut aus. Wat hëllefen soll, ass Péiterséileg oder Peffermënzblieder, oder Kardamom knaen wou d'huiles essentielles sollen de Geroch verdreiwen."
Gastronomesch intressant Konservéierungsmethoden:
"Knuewelek gëtt gereechert; bekannt ass den gereechert Knuewelek vun Arleux, ( indication géographique protégée) en Hält sech duerch 'Reecheren e puer Méint a kritt en liicht holzegen Aroma, wou vun Feinschmecker gesicht ass.
Ursprénglech a Nord Japan an der Géigend vun Aomori gëtt den schwaarzen Knuewelek hiergestallt: Hei gëtt neien Knuewelek am Mierwaasser bei kontrolléierter Temperatur an Loftfiichtegkeet wärend 45-60 Deeg zéien gelooss. D 'Resultat ass e Knuewelek deen bannen dran schwaarz ass, doucen Aroma no gedréchent Quetschen Mokuch, huet. Grouss Kichecheffen gebrauchen en souguer an Desserten, z.b. kombinéiert mat Schockela."
Eng Serie vum Angie Maquil
Bibliographie Lis Muller:
Lecerf, J.-M. S.-L. (2020). Nutrition préventive et thérapeutique. (p. 37 et 61). Elsevier Masson.
Lucía Melguizo-Rodríguez, a. (2022, février). Biological properties and therapeutic applications of garlic and its components. Food & Function.
St., F. (2018). Gewürze - Aromen kombinieren, kochen, perfektionnieren. DK Penguin Random House.
Vierich T, V. T. (2017). Aroma die Kunst des Würzens. Stiftung Warentest.
Vierich T., V. T. (2020). Aroma essenziell. STiftung Warentest.
Episoden
Aktuell Ernärungstrends
Mir diskutéieren iwwer de Stellewäert vun den aktuellen Ernärungstrends bei jonke Mënschen.
Eng Kalorie ass net gläich eng Kalorie
De Fokus soll op enger bewosster Auswiel vu Liewensmëttel leien, well all Kierper eenzegaarteg op Kalorië reagéiert.
Schwaarzt a gréngt Gold
Olive fir d'Gesondheet
D'Bekämpfung vun den Antibiotique-Resistenzen zesumme mat der ALVA
Sensibiliséirungwoch 18.-24. November 2024, fir e gudde Gebrauch mat Antimikrobe-Medikamenter
Den Immunsystem mat der richteger Ernärung stäerken
Déi richteg Ernärung liwwert wichteg Närstoffer fir e staarken Immunsystem. Vitaminnen, Mineralstoffer a gesond Daarmbakterien hëllefen, Infektiounen ofzewieren an de Kierper widderstandsfäeg ze halen.
Wat bedeit d'Rekommandatioun: Fënnef Portiounen den Dag
Wéi kéint dat konkret ausgesinn, wann ee fënnef Portiounen Uebst a Geméis an engem Dag abaut?
Hierschtblues an d'Ernärung
Kann een duerch d'Ernärung déi méi depressiv Stëmmung an de Wanterméint virbeugen?
75 Joer École d’Hôtellerie et de Tourisme du Luxembourg
En Interview mam Direkter vun der EHTL
Revisioun vun de politesche Fuerderunge vu Foodsharing Luxembourg
Liewensmëttelverloschter a -verschwendung bleiwen ee vun dee gréisste Problemer, déi eis modern Gesellschaft ugoe muss.
Wisou ass en gemeinsamt Familljeniessen esou wichteg?
Eng ganz Rëtsch vu wëssenschaftlechen Etüde weisen, dass zesummen Iesse méi ass wéi nëmmen d'Erfëlle vun den alldeegleche Besoinen.
Waasserkefir
Am Handel fënnt een ëmmer méi sougenannte pro-biotesch Produiten.Mëllech-Kefir, Kombucha ma och Waasserkefir ass e pro-biotescht Gedrénks, a vun deem huele mer haut eng Schlupp.
Am léifste Pasta, an am léifsten al dente!
Mee wéi gesond sinn Nuddelen eigentlech?
Liewensmëttelverschwendung
Liewensmëttelverschwendung ass e grousst a wichtegt Theema. Dest eethesch, wirtschaftlech an ökologesch gesinn ass se ganz problematesch.
Bauchfett am Fokus: Gesondheet an Ofhuelen
Ofhuelen ass ni ganz einfach. Besonnesch schwéier ass et, Bauchfett ze verléieren. Bauchfett ass net nëmmen ästhetesch net schéin, mee och medezinesch geféierlech.
Superfood: Mythos oder Realitéit?
Wat si Superfoods a wat stécht wierklech hanner dem Hype?
Entdeckungsrees an d’Räich vun de Kraider aus der Provence 2/2
Zesumme mat der Ernärungsberoderin Lis Muller geet et op d‘Entdeckungsrees „Saveurs et Senteurs“ vun de Kraider aus der Provence.
KI an der Hotelschoul
Wéi sech d'Hotelschoul mat der Kënschtlecher Intelligenz ausernanersetzt a se integréiert.
D’Räich vun de Kraider aus der Provence - 1/2
Zesumme mat der Ernärunsgberoderin Lis Muller geet et op Entdeckungsrees an d’Räich vun de Kraider aus der Provencee: e klengen Iwwerbléck iwwer eng Saveur-et-Senteurs-Rees.
Nei Gentechnik: steet eis Walfräiheet an der Liewensmëttelauswiel um Spill?
Déi Europäesch Unioun plangt d‘Reglementer fir nei Gentechnik ze lockeren, mam d'Zil, d‘Entwécklung an d‘Benotze vun esou Technologien an der Landwirtschaft ze fërderen.
