Kannerkëscht
Science Prank mat enger Waasserfläsch
8 min
Salut Kanner! Éier mer bei eis Experiment kommen wëll ech iech nach dëst mat op de Wee ginn. Haut ass de 7 Mee a moar dann an der logescher Suite de 8 Mee. Abee den 8 Mee ass den Dag wou all Joers un d'Enn vum zweete Weltkrich geduecht gëtt, well den zweete Weltkrich ass den 8 Mee 1945 op en Enn gaangen.
Den zweete Weltkrich ass wuel mat ee vun de schrecklechste Evenementer dat mer op der Welt haten, a Schold dorunner war een Mann, an zwar den Adolf Hitler. Den Hitler huet mat senger Arméi den 1 September 1939 Polen iwwerfall an dat war den Ufank vum zweete Weltkrich.
Am Juni 1944 sinn déi alliéiert Truppen, dat sinn ënnert anerem Zaldoten aus den USA, England a Kanada an der Normandie am Frankräich mat hire Schëffe ukomm an hunn dunn nach ee Joer gebraucht bis datt se géint déi däitsch Arméi gewonnen hunn. Deen Dag wou d'Zaldoten an der Normandie ukoumen, de 6 Juni 1944 gëtt och den D-Day genannt, vläicht hutt der dat schonn héieren.
Den 30 Abrëll 1945 huet den Hitler sech ëmbruecht, an den 8 Mee 1945 war dunn déi komplett Kapitulatioun, datt heescht déi däitsch Zaldoten hunn hir Waffen ofginn, an de Krich war eriwwer.
Fir ganz vill Länner war den zweete Weltkrich ganz schrecklech an et war och e ganz mäerderesche Krich well et sinn ëm déi 55 Milliounen Mënschen ëmt Liewen komm. A vill Länner an Europa waren zum Deel zerstéiert. Mä wéi gesot war den 8 Mee 1945, moar sinn dat schonn 77 Joer hir, d'Enn vum zweete Weltkrich. Et huet ee gehofft datt esou eppes net méi géif virkommen, mä den Ament hu mer jo déi traureg Realitéit mam Krich an der Ukraine.
Elo dann awer bei Experiment vun haut an d'Michèle Weber vum science.lu an de Jean Claude Majerus si schonn prett fir un ze fänken. Et geet ëm eng Waasserfläsch an firwat Waasser eraus leeft, awer och firwat Waasser net eraus leeft. A wann ech dat richteg mat kritt hunn d'Michèle an de Jean Claude haut wëlles eng ze stiichten.
Hei ass de Link vun dësem Experiment: https://www.tiktok.com/@science.lu/video/6968374319969766662?is_copy_url=1&is_from_webapp=v1
Episoden
De Päiperleksclodi
Wéi schéin wier et dach nëmmen esou fléien ze kënnne wéi de Päiperlek, denkt sech de Clodi voller Bewonnerung fir dat klengt Déierchen, wéi et viru seng Nues flitt. Sollt säi Wonsch sech dann elo verwierklechen?
Déi gro Kaz an déi geheimnisvoll Dier
Eng aarm Stroossekaz ouni Numm ass op der Sich no enger waarmer Schlofplaz un engem kale Wanterdag. Si entdeckt eng geheimnisvoll Dier an engem alen Eechebam am Bësch. Wat kéint sech do hannendrun verstoppen?
Wantergeschicht: Dem Här a Madamm Schouster hire schéinste Chrëschtdag
Am Dan Tanson senger Wantergeschicht, déi der elo kënnt lauschteren, geet et ëm Schong. Well, wien ass dat, deen dem Här a Madamm Schouster déi schéinste Puer Schong bitzt?
Wantergeschicht: De Metty Wollef
An der Kannerkëscht vum radio 100,7 proposéiere mir Iech besonnesch elo an der kaler a groer Joreszäit Wantergeschichten, fir gemittlech nieft der Schminni ze lauschteren. An dëser Geschicht geet et ëm de Metty Wollef.
Wantergeschicht: Den éischte Schnéi
D’Wantergeschicht vum Dan Tanson, déi dir elo an der 100,7-Kannerkëscht kënnt lauschteren, heescht “Den éischte Schnéi”.
Dem Bop seng Moulen
An der Kannerkëscht vum radio 100,7 proposéiere mir iech besonnesch elo an der kaler a groer Joreszäit Wantergeschichten, fir gemittlech nieft der Schminni ze lauschteren.
Et tockt beim Wanja an der Nuecht
An der Kannerkëscht vum radio 100,7 proposéiere mir iech besonnesch elo an der kaler a groer Joreszäit Wantergeschichten, fir gemittlech nieft der Schminni ze lauschteren.
De Roude Kueder
An der Kannerkëscht vum radio 100,7 proposéiere mir iech besonnesch elo an der kaler a groer Joreszäit Wantergeschichten, fir gemittlech nieft der Schminni ze lauschteren. An dëser Geschicht geet et ëm de Roude Kueder.
D’Iess-Course
An der Kannerkëscht vum radio 100,7 proposéiere mir iech och e puer Déieregeschichten, déi den Dan Tanson fir iech realiséiert huet. An dëser Geschicht geet et ëm eng Iess-Course.
D’Geschicht vum Schleek
An der Kannerkëscht vum radio 100,7 proposéiere mir iech och e puer Déieregeschichten, déi den Dan Tanson fir iech realiséiert huet. An dëser Geschicht steet e Schleek an eng Giraff am Mëttelpunkt.
D’Geschicht vun der Schwanzspëtzeschwammkap
An der Kannerkëscht vum radio 100,7 proposéiere mir iech och e puer Déieregeschichten, déi den Dan Tanson fir iech realiséiert huet. An dëser Geschicht geet et ëm eng Schwanzspëtzeschwammkap.
D’Geschicht vum Igel an der Heck
An der Kannerkëscht vum radio 100,7 proposéiere mir iech och e puer Déieregeschichten, déi den Dan Tanson fir iech realiséiert huet. An dëser Geschicht geet et ëm eng Schwanzspëtzeschwammkap.
De Kleesche kënnt!
Et wäerten, Land op, Land of, vill Kanner um Dill sinn, well et ass Niklosdag.
De Kapitän Mullebutz an de gëllene Plektrum
De Kapitän Mullebutz war op Besuch. Hien ass komm fir iech en neit Lidd ze sangen. Et war schonn alles prett, an do koum déi schrecklech Nouvelle: de Kapitän Mullebutz huet säi Liblingsplektrum, e gëllene Plektrum, net méi fonnt. Wat ass geschitt?
De Jos an d'Léisegeld fir de Roby Robocat
De Jos, de Bop an de Loulou hate sech jo e Roboter gebaut, de Roby Robocat, an deen ass bal zu engem Deel vun der Famill ginn. Mee elo, et ass schrecklech, de Roby Robocat ass verschwonnen. Gouf e gekidnappt? Et gouf Léisegeld gefrot.
Wéi eng Substanz ass et?
Stellt iech emol vir, dir hutt e klengt Dëppche mat engem wäisse Pudder dran, an dir wësst net, wat et ass. Wat da maachen? An eisem Wëssenschaftsstudio vun der Kannerradionuecht hunn d’Michelle Weber an de Joseph Rodesch vum FNR sech domat beschäftegt.
Wat ass eng Geheimschrëft?
Am Wëssenschaftsstudio vun der Kannerradionuecht hunn d’Michelle Weber an de Joseph Rodesch vum Luxemburg National Research Fund, dem FNR, en Experiment gemaach, wou et ëm eppes ganz Geheimes geet, nämlech eng Geheimschrëft.
Wéi mécht d’Police hir Enquête?
An der Kannerradionuecht wollten eis Kannerreporter vum Cycle 4.2 vun Trënteng um Policebureau zu Réimech gewuer ginn, wat d’Aarbecht vun der Police ass, wann eppes geschitt. Wann d’Police dann um “Tatort” ass, wat musse si da maachen?
Si Journalisten och Detektiven?
Fir d’Kannerradionuecht hu mir eis d’Fro gestallt, ob Journalisten a Journalistinnen net och e bësse wéi Detektive sinn. An deen, deen eis do wuel am beschte Ried an Äntwert stoe konnt, ass de Chefredakter vum radio 100,7, de Jean-Claude Franck.
