Sot emol
Jean Claude Braun: "Ech sinn en Orchestermuseker"
56 min
De Jean Claude Braun ass dëst Joer am August zéng Joer Dirigent vun der Militärmusek. Seng Geschicht an dëser ewell schonn 180 Joer aler Traditiounsmusek geet scho vill méi wäit zeréck: hie koum 1987 am Alter vu 17 Joer bei d'Militärmusek. 25 Joer méi spéit huet hien d'Plaz gewiesselt: aus dem Orchester virun den Orchester.
De Jean Claude Braun spillt Cor a gouf och dofir ausgezeechent. Hien huet dacks als Solo-Cornist a groussen Orchestere gespillt. Mee eng Karriär als Solointerpret war ni eng Demarche, déi fir de Jean Claude Braun a Fro komm wier.
"Dat war net meng Vocatioun, ech wollt wierklech am Orchester spillen, ech war wierklech en Orchestermuseker, loosse mer dat emol esou soen, dat war meng Iddi."
Am Asaz wärend der Pandemie
Op alle Fall wäert de Jean Claude Braun a sécher all d'Museker, déi dës Zäit an der Militärmusek gespillt hunn, déi lescht zwee Joer net vergiessen: d'Corona-Pandemie hat och en Afloss op de Fonctionnement vun der Militärmusek.
An do seet de Jean Claude Braun, datt si sech alleguer bewosst sinn a waren, datt si Militär a Museker sinn, a si goufen direkt vum Confinement un an der Hotline vum CGDIS agesat. D'Militärmuseker ware vun do u bis de Februar 2022 ëmmer am Asaz, sief dat bei der Hotline vum CGDIS, d'Hotline vun der Santé, Contact-Tracing, Maske verdeelen, Impfzenteren an um En och an den Testzentere vun der Arméi.
"Dat war am Fong déi schwieregst Zäit fir eis, déi zwee Méint, well do krute mir gesot, datt mir keng Musek dierfte maachen. Bis den Dezember 2021 hu mir et ëmmer fäerdeg bruecht fir de Spagat ze maachen, fir awer Musek ze maache mat klengen Ensembelen, iwwer Videoen, Live-Streaming, 150 Concerten, déi mir bei Alters- a Fleegeheemer organiséiert hunn. Dat huet mir um Häerz geleeën, dee Projet do."
A virun allem sinn d'Museker bei där Iddi mat de Concerte matgezunn, trotz den anere Missiounen, déi si haten, a wou si op Schichte geschafft hunn. "A si hunn hiren Job, iwwerall wou si waren, ganz gutt gemaach, ech sinn do ganz frou a ganz stolz op si, datt mer dat esou gutt konnte maachen."
Episoden
Dany Kaber: De Marathon war hir léifste Course
D'Leeferin Dany Kaber, déi bei den Olympesche Summerspiller 1988 zu Seoul Siwent am Fraemarathon gouf, ass d’Invitée.
Josy Lorent: E Mënsch mat villen Interessen
Dee fréiere Wort-Journlalist an aktuelle President vun der ASBL Frënn vun der Militärmusek am Gespréich
Annette Schlechter: Schauspillerin an Infirmière
D'Schauspillerin Annette Schlechter ass déi Kéier d'Invitée beim Jean Claude Majerus an der Emissioun Sot emol.
Anabela a Jorge Valente: Eng Globetrotter-Koppel
D'Anabela an de Jorge Valente si schonn 10 Joer mat hirem Motorrad ënnerwee ronderëm d'Welt, ewell schonn iwwer 130.000 Kilometer.
Michel Grevis: Ech sinn e virwëtzege Mënsch
Den Auteur, Zeechner, Kënschtler, passionéierte Schoulmeeschter a Responsabele vum Centre des Jeunes vum SNJ zu Huelmes ass Invité.
Clara Herz: "Actrice ass mäin Dramberuff"
Mat vill Engagement, Talent an och Passioun ass dës Actrice amgaange sech an der Schauspillwelt ze etabléieren. Si ass vill zu Paräis, mee huet sech och schonn op Lëtzebuerger Büne gewisen a bewisen.
Aly Bintz: E léiwe Männchen
De Lëtzebuerger Acteur a Sänger Aly Bintz ass virun 20 Joer am Alter vun nëmme 75 Joer gestuerwen. Mir erënneren un dëse Lëtzebuerger Entertainer.
Joe Del Toe: De Gesondheets-Clown
De Gesondheets-Clown Joe Del Toe ass den Invité bei Jean Claude Majerus an der Emissioun "Sot emol"
Raymond Conzemius: De Sport ass de roude Fuedem
Den aktuellen Directeur technique vum COSL Raymond Conzemius ass den Invité beim Jeam Claude Majerus an der Emissioun "Sot emol"
Sidney Scho: E ganz jonken Dirigent
Den Dirigent an Directeur musical vum Cercle symphonique vu Rëmeleng Sidney Scho ass haut den Invité beim Jean Claude Majerus am Sot emol.
Justin Gloden: E Liewen fir d'Lafen
Den Invité ass a war Mëttel- oder Laangstreckeleefer. Hien ass och esou munch Lëtzebuerger Rekord vun de 1500 Meter u gelaf, an nach haut ginn et ëmmer Rekorder, déi him gehéieren.
Emma Lily Karier: De Saxofon a Wien
D'Musekerin, Saxofonistin an och Sängerin an Dirigentin ass d'Invitée.
Norbert Haupert: Sportler, Sportfonctionnaire a Politiker
Als Liichtathleet war den Norbert Haupert ganz erfollegräich, ë. a. mat engem Lëtzebuerger Rekord iwwer 1.000-Meter. Als CSV-Deputéierte souz hie 14 Joer an der Chamber.
Laurence Duhr: Wäibau, Psychologie a Clownereien
Bei der Invitée dës Kéier fënnt een nees eng grouss Diversitéit an hirem Parcours, dee si mécht oder bis ewell gemaach huet.
Jean Portante: Schwaarzt Gezei a roude Schal
De Poet a Schrëftsteller mat italieeneschen Originnenan ass zanter Ufank u fräie Mataarbechter vum radio 100,7. Éier hie sech ganz dem Schreiwe consacréiert huet, war hie Franséisch Proff.
Änder Hirt: E Museker mat Leif a Séil
De Mueker a Sänger Änder Hirt ass den Invité.
Guy Conter: E räicht Musekerliewen
De Museker an Museksprofesser am Escher Conservatoire war nom Fred Hales vun 2007 bis 2015 Chef vun der Brass Band an huet duerno weider de Solo Cornet gespillt.
Isabelle Braun-Dominicy: "Et mécht nach ëmmer ganz vill Freed"
D'Isabelle Braun-Dominicy ass Pianist an Enseignante fir Solfége. Aktuell ass si Professorin um Escher Conservatoire, wou si nieft de Coursen och de Jugendchouer dirigéiert.
