Sot emol
Nico Helminger:"Ouni Buch opgewuess"
60 min
Den Numm Helminger ass sécher een, deen d'Literatur zu Lëtzebuerg zanter Joerzéngte markéiert. De Guy Helminger, deen zu Köln lieft, war schonn emol Invité an der Emissioun "Sot emol". Dës Kéier ass deen eeleren Helminger am Studio, den Nico Helminger.
Den Nico Helminger huet Germanistik, Romanistik an Theaterwëssenschaften zu Lëtzebuerg, Saarbrécken, Wien a Berlin studéiert. Ufanks den 1980er huet et den Auteur op Paräis gezunn. Mee awer och Heidelberg a Münche si Statiounen op sengem Wee. Den Nico Helminger ass schrëftstelleresch a ville Genren doheem, vu Lyrik, iwwer Romaner, Theaterstécker, Iwwersetzungen, jo bis bei Kannerbicher. An hien hat och mam radio 100,7 ze dinn, well hie war eng Zäit Member am Verwaltungsrot vum 100,7.
Den Nico Helminger huet de Wee bei d'Literatur am Fong méi spéit fonnt, den Auteur seet selwer, datt hien an enger Aarbechterfamill grouss ginn ass, wou et kee Buch gouf. Och an der Schoul, bis sechst Schouljoer, huet hien net gelies,och wa si e Schoulmeeschter haten, deen drop gehalen huet, datt d'Schüler solle liesen. Mee déi Bicher, déi hien aus der Schoulbibliothéik geléint krut, huet hien ongelies erëm zeréckginn.
Mee dunn am éischte Joer am Lycée hat de Nico Helminger e privat Erliefnes, bei deem hien d'Literatur entdeckt, oder si hien entdeckt huet, seet de Auteur heiansdo:
"Et war an der Vakanz bei menge Grousselteren um Duerf. Ech hu mech gelangweilt, an do gouf et eng kleng Bibliothéik vun engem Monni, deen och do gewunnt huet. (...) Do hunn ech einfach mol duer gegraff an dat éischt, wat ech gewielt hunn, dat war "Die drei Musketiere".
A well den Nico Helminger vill an de Kino gaangen ass, huet hien déi sougenannte Films de cape et d'épé" kannt, an hien huet ugefaangen d'Buch ze liesen, mee dat wier onméiglech gewiescht. Dat war ze komplizéiert mam d'Artagnan sengem kranke Päerd duerch Gascogne, an den Nico Helminger huet Buch einfach nees op d'Säit gestallt. Et huet ëm awer keng Rou gelooss an duecht: et muss awer eppes un deem Liesen drun sinn, well vill Leit et jo awer fäerdeg bréngen.
"Dunn hunn ech weider probéiert, Buch fir Buch. An du sinn ech dann op ee Buch gestouss, an op emol war ech dran. Menger Usisicht no war dat dat éischt Buch am Liewen, dat ech vu vir bis hanne gelies hunn. Dat war e Buch iwwer de Rasputin um Haff beim Nicolas den Zweeten, dat war esou eng Mëschung aus Krimi ... an historesche Fakten. An dat huet mech absolut faszinéiert, an do wousst ech. "Hei et geet, du kanns och liesen" An ech mengen och, datt déi perséinlech Erfarung, déi Entdeckung, déi ech gemaach hunn, datt déi mech och gepräägt huet. dat war guer net duerch d'Schoul bedéngt, indirekt schonn, awer net am Bewosstsinn vun deem Moment."
Episoden
Dany Kaber: De Marathon war hir léifste Course
D'Leeferin Dany Kaber, déi bei den Olympesche Summerspiller 1988 zu Seoul Siwent am Fraemarathon gouf, ass d’Invitée.
Josy Lorent: E Mënsch mat villen Interessen
Dee fréiere Wort-Journlalist an aktuelle President vun der ASBL Frënn vun der Militärmusek am Gespréich
Annette Schlechter: Schauspillerin an Infirmière
D'Schauspillerin Annette Schlechter ass déi Kéier d'Invitée beim Jean Claude Majerus an der Emissioun Sot emol.
Anabela a Jorge Valente: Eng Globetrotter-Koppel
D'Anabela an de Jorge Valente si schonn 10 Joer mat hirem Motorrad ënnerwee ronderëm d'Welt, ewell schonn iwwer 130.000 Kilometer.
Michel Grevis: Ech sinn e virwëtzege Mënsch
Den Auteur, Zeechner, Kënschtler, passionéierte Schoulmeeschter a Responsabele vum Centre des Jeunes vum SNJ zu Huelmes ass Invité.
Clara Herz: "Actrice ass mäin Dramberuff"
Mat vill Engagement, Talent an och Passioun ass dës Actrice amgaange sech an der Schauspillwelt ze etabléieren. Si ass vill zu Paräis, mee huet sech och schonn op Lëtzebuerger Büne gewisen a bewisen.
Aly Bintz: E léiwe Männchen
De Lëtzebuerger Acteur a Sänger Aly Bintz ass virun 20 Joer am Alter vun nëmme 75 Joer gestuerwen. Mir erënneren un dëse Lëtzebuerger Entertainer.
Joe Del Toe: De Gesondheets-Clown
De Gesondheets-Clown Joe Del Toe ass den Invité bei Jean Claude Majerus an der Emissioun "Sot emol"
Raymond Conzemius: De Sport ass de roude Fuedem
Den aktuellen Directeur technique vum COSL Raymond Conzemius ass den Invité beim Jeam Claude Majerus an der Emissioun "Sot emol"
Sidney Scho: E ganz jonken Dirigent
Den Dirigent an Directeur musical vum Cercle symphonique vu Rëmeleng Sidney Scho ass haut den Invité beim Jean Claude Majerus am Sot emol.
Justin Gloden: E Liewen fir d'Lafen
Den Invité ass a war Mëttel- oder Laangstreckeleefer. Hien ass och esou munch Lëtzebuerger Rekord vun de 1500 Meter u gelaf, an nach haut ginn et ëmmer Rekorder, déi him gehéieren.
Emma Lily Karier: De Saxofon a Wien
D'Musekerin, Saxofonistin an och Sängerin an Dirigentin ass d'Invitée.
Norbert Haupert: Sportler, Sportfonctionnaire a Politiker
Als Liichtathleet war den Norbert Haupert ganz erfollegräich, ë. a. mat engem Lëtzebuerger Rekord iwwer 1.000-Meter. Als CSV-Deputéierte souz hie 14 Joer an der Chamber.
Laurence Duhr: Wäibau, Psychologie a Clownereien
Bei der Invitée dës Kéier fënnt een nees eng grouss Diversitéit an hirem Parcours, dee si mécht oder bis ewell gemaach huet.
Jean Portante: Schwaarzt Gezei a roude Schal
De Poet a Schrëftsteller mat italieeneschen Originnenan ass zanter Ufank u fräie Mataarbechter vum radio 100,7. Éier hie sech ganz dem Schreiwe consacréiert huet, war hie Franséisch Proff.
Änder Hirt: E Museker mat Leif a Séil
De Mueker a Sänger Änder Hirt ass den Invité.
Guy Conter: E räicht Musekerliewen
De Museker an Museksprofesser am Escher Conservatoire war nom Fred Hales vun 2007 bis 2015 Chef vun der Brass Band an huet duerno weider de Solo Cornet gespillt.
Isabelle Braun-Dominicy: "Et mécht nach ëmmer ganz vill Freed"
D'Isabelle Braun-Dominicy ass Pianist an Enseignante fir Solfége. Aktuell ass si Professorin um Escher Conservatoire, wou si nieft de Coursen och de Jugendchouer dirigéiert.
