Radioen

On air

Notturno  |  No Metal In This Battle - Disco Dans Ta Cave

play_arrow Live
arrow_back_ios

Sot emol

100komma7.lu / Sot emol

/ Claude Bache: "Den Dechen an den Dechenskeller"

Claude Bache: "Den Dechen an den Dechenskeller"

headphones

56 min

Lauschteren play_arrow
on the headlines

Zanter 2013 ass den Invité schonn Dechen op der Musel zu Maacher. Bis dohinner hat de Claude Bache awer schonn a laange Wee hanner sech, hei just e puer Statioune vu sengem Parcours: Diakon zu Rëmeleng, Kaploun zu Bouneweg grad wéi an der Kathedral, Paschtouer zu Conter an am Sirdall, 20 Joer Responsabele vun der Muttergottesoktav, 20 Joer laang Zeremoniar vum Äerzbëschof a Reliounsenseignant an Aumônier a verschidde Lycéeën.

De Claude Bache huet iwwer d'Massendénger de Wee bei Kierch fonnt, an et ass och virun allem säin Heemechtspaschtouer, deen hien och ferm beandrockt huet. A senger Schoulzäit gouf et nieft dem Wonsch Geeschtleche ze ginn och nach aner Beruffsperspektiven, déi de Claude Bache am Kapp hat, wéi Journalismus, Droit oder och Comptabel. Schlussendlech huet hien zu Tréier an op der Gregoriana zu Roum Theologie studéiert a gouf 1990 als Paschtouer geweit.

Dernieft ass hien awer och zanter 45 Joer aktive Musikant an der Fanfare Hueschtert, wou hie Saxofon Bariton spillt, huet Theater a Cabaret gespillt, ass Member a verschidde Chorallen, also de Gesang ass him och léif. A virun allem ass hien zanter fënnef Joer President vun der Aktioun Lëtzebuergesch. Hien huet deemno och eng grouss Affinitéit zur Lëtzebuerger Sprooch.

Dem Claude Bache säin Häerz schléit ausserdeem fir de Miseler Wäin. Hien ass Hobbywënzer mat 20 Ar Wéngert, déi e gepacht huet a wou hie Riesling, Pinot Gris a Pinot Noir mécht, eng 1.500 Fläschen d'Joer. A well zum Wäin eben dat gesellegt gehéiert, huet de Claude Bache a sengem Haus vu 1708 och de sougenannten Dechenskeller:


"Dat ass deemools gebaut gi vun enger Familljen, déi och Wënzer waren. (...) A wéi ech an d'Haus komm sinn, do war dat e Keller, wou Spawecken dra waren, et louchen dräi Fläschen do a Gromperen. An eng ganz schéin, al Trap, déi erofgeet mat enger herrlecher Dier baussen an den Haff. D'Haus ass nei gemaach gi mat Site et Monuments, et ass Dechenshaus vun der Par Maacher gewiescht. An dunn ass emol Luucht an de Keller komm, an do hunn ech dee Volume gesinn, an ech sot, et ass ze schued hei just Gromperen dranzeleeën, an do ass mer d'Iddi komm esou eng Wäistuff do anzeriichten."

Politik a Gesellschaft

Episoden

Änder Hirt: E Museker mat Leif a Séil

Änder Hirt: E Museker mat Leif a Séil

De Mueker a Sänger Änder Hirt ass den Invité.
headphones

56 min

play_arrow

Martin Engler: "Den Dag ass 24 Stonne laang a ënnerschiddlech breet"

Den däitschen Multi-Kënschtler Martin Engler ass Invité.
headphones

55 min

play_arrow

Jean-Paul Raths

De Lëtzebuerger Schauspiller a Regisseur deen zanter 1979 als Schauspiller op ville Bünen hei a virun allem am däitschsproocheg Raum ënnerwee ass.
headphones

55 min

play_arrow

Stephan Quintus: A Schweden en neit Dohemm fonnt

De Stephan Quintus ass mat senger Fra an seng véier Bouwen a Schweden ausgewandert. An iwwert hiert neit Liewen erzielt hien als Invité dem Jean Claude Majerus an der Emissioun "Sot emol"
headphones

56 min

play_arrow
Jean  Portante: Schwaarz Gezei a roude Schal | © Jean-Claude Majerus

Jean Portante: Schwaarz Gezei a roude Schal

De Poet a Schrëftsteller an zanter dem Ufank Mataarbechter vum radio 100,7 Jean Portante ass déi Kéier den Invité beim Jean Claude Majerus an der Emissioun "sot emol"
headphones

55 min

play_arrow
Guy Conter: E räicht Musekerliewen

Guy Conter: E räicht Musekerliewen

De Invité déi Kéier am Sot de emol ass de Museker an Museksprf am Escher Conservatoire de Guy Conter.
headphones

58 min

play_arrow

Anne Simon: Vu London op Lëtzebuerg

D‘Regisseurin Anne Simon déi scho ganz fréi d‘Iddi vum Theater am Kapp hat ass déi Kéier Invitée beim Jean Claude Majerus an der Emissioun „Sot emol“
headphones

56 min

play_arrow

Hannah Noack: Musical ass meng grouss Passioun

D’Enseignante fir moderne Gesang a Vokalpädagogie huet Musical a Musekserzéiung studéiert, ass deemno gutt positionéiert fir iwwer d’Musicalwelt ze schwätzen.
headphones

55 min

play_arrow
Eugène Prim: Mäi Liewe a mäi Wee mam Orchester

Eugène Prim: Mäi Liewe a mäi Wee mam Orchester

No bal 35 Joer huet den Eugène Prim als Generaldirekter vun der Solistes Européens, Luxembourg opgehalen, hien, deen dësen Orchester matgegrënnt huet.
headphones

56 min

play_arrow

Marie-Josée Jacobs

De Mënschen ze hëllefen, dat passt bei d’Invitée: Infirmière-Anästhesistin, aktiv an der Gewerkschaft, zwanzeg Joer Ministerin an elo benevollen Engagement bei der Caritas.
headphones

54 min

play_arrow

Kimberly Darcy Mae

D‘Invitée war Héichleeschtungssportlerin. Karate war an ass nach eng Passioun.
headphones

56 min

play_arrow

René Closter: "Mir brauchen en Helikopter, ça passe ou ça casse“

De Grënner a President vun der Luxemburg Air Rescue ass den Invité. 1988 ass d’Luxemburg Air Rescue mat engem gelounten Helikopter lassgaangen.
headphones

54 min

play_arrow
Isabelle Braun-Dominicy: "Et mécht nach ëmmer ganz vill Freed"

Isabelle Braun-Dominicy: "Et mécht nach ëmmer ganz vill Freed"

Seet d'Invitée, d'Pianosproff an Enseignante fir d'Formation musicale.
headphones

56 min

play_arrow

Carlo Link: Radio, seng grouss Passioun

E Radiosmënsch, mat deem mir bei d‘Originne vum radio 100,7, dem soziokulturelle Radio, wéi soss gesot gouf, zeréckginn.
headphones

55 min

play_arrow
Ben Claus: De Panzpiano an d'Kap | © Jean-Claude Majerus

Ben Claus: De Panzpiano an d'Kap

Oder einfach nëmmen "De Claus" ass den Invité. Hie spillt a séngt d’Hitparad vun de Lëtzebuerger Lidder erop an erof.
headphones

55 min

play_arrow
Jean Paul Raths: Ouni Theatererfarung op d'Schauspillschoul

Jean Paul Raths: Ouni Theatererfarung op d'Schauspillschoul

De Lëtzebuerger Acteur a Regisseur war den Invité.
headphones

55 min

play_arrow

Eugène Prim: Mäi Liewe a mäi Wee mam Orchester

No bal 35 Joer hält den Eugène Prim als Generaldirekter vun der Solistes Européens, Luxembourg op. Hien hat den Orchester mat gegrënntt.
headphones

55 min

play_arrow
Marie-Josée Jacobs: De Mënschen hëllefen!

Marie-Josée Jacobs: De Mënschen hëllefen!

Déi fréier Politikerin ass virun allem e Mënsch, dee gären aneren hëlleft.
headphones

56 min

play_arrow

Jérome Merker: Eleng iwwer den Atlantik

Dem Lëtzebuerger Seegler ass et als éischte Lëtzebuerger gelongen eleng iwwer den Atlantik bis op Guadeloupe ze seegelen.
headphones

57 min

play_arrow

Kimberly Darcy Mae: Vum Tatami op d'Bün

Déi fréier Héichleeschtungsportlerin Kimberly Darcy Mae, déi bei d'Schauspillerei gewiesselt huet, ass d'Invitée.
headphones

54 min

play_arrow