Sot emol
Bernard Baumgarten: "Wat ech mir an de Kapp gesat hunn, ..."
56 min
Wann een déi lescht 20 Joer zeréckkuckt, dann ass wuel a kenger Konschtform hei am Land esou vill geschitt, wéi am Danz. A mat där positiver Entwécklung huet Lëtzebuerg sech hautdesdaags am Danz op der internationaler Landkaart placéiert. D'Kulturjoer 2007 huet sécher e groussen Deel bäigedroen. A wa mir zu Lëtzebuerg vun Danz schwätzen, dat kënnt engem sécher den Numm Bernard Baumgarten an de Kapp.
Hien ass aktuell Directeur artistique vum Trois-CL, dem Centre de création choréographique luxembourgeois. War als Dänzer zimmlech op der ganzer Welt ënnerwee an huet och als Choreograph säi Kënne méi wéi eemol bewisen. Doriwwer eraus gëllt de Bernard Baumgarten och als gudden Organisateur an zanter dem Kulturjoer 2007 huet hie sech an där Positioun och etabléiert.
Et ass awer e Film aus dem Joer 1980, nämlech "Fame", dee beim Bernard Baumgarten de Ausléiser war fir eben den Danz an de Mëttelpunkt vu sengem Liewen ze stellen. De Bernard Baumgarten war deemools als Jugendleche grad an enger Phas, wou hien net richteg wosst, wat hien aus sengem Liewe soll maachen. Seng Elteren hu wuel drop gepocht, datt hien e Beruff sollt léieren, an hie war och ënnerwee fir Kach ze ginn. Mee nodeems hien dee Film gesinn huet, war hie sech sécher, wouhin et sollt goen.
"Dat do ass dat, wat ech wëll maachen. An duerch dee Film hunn ech dunn eng Decisioun getraff, an dee wou mech kennt, dee weess, wann ech mer eppes bis an de Kapp gesat hunn, da loossen ech net méi lass. Mee ech hat keng Anung, wou een esou eppes ka léieren, wat eng Danzschoul wier, wat iwwerhaapt dorausser sollt ginn. Mee ech hunn et einfach gemaach, an haut sinn ech hei, an der Bananefabrik."
Episoden
Dany Kaber: De Marathon war hir léifste Course
D'Leeferin Dany Kaber, déi bei den Olympesche Summerspiller 1988 zu Seoul Siwent am Fraemarathon gouf, ass d’Invitée.
Josy Lorent: E Mënsch mat villen Interessen
Dee fréiere Wort-Journlalist an aktuelle President vun der ASBL Frënn vun der Militärmusek am Gespréich
Annette Schlechter: Schauspillerin an Infirmière
D'Schauspillerin Annette Schlechter ass déi Kéier d'Invitée beim Jean Claude Majerus an der Emissioun Sot emol.
Anabela a Jorge Valente: Eng Globetrotter-Koppel
D'Anabela an de Jorge Valente si schonn 10 Joer mat hirem Motorrad ënnerwee ronderëm d'Welt, ewell schonn iwwer 130.000 Kilometer.
Michel Grevis: Ech sinn e virwëtzege Mënsch
Den Auteur, Zeechner, Kënschtler, passionéierte Schoulmeeschter a Responsabele vum Centre des Jeunes vum SNJ zu Huelmes ass Invité.
Clara Herz: "Actrice ass mäin Dramberuff"
Mat vill Engagement, Talent an och Passioun ass dës Actrice amgaange sech an der Schauspillwelt ze etabléieren. Si ass vill zu Paräis, mee huet sech och schonn op Lëtzebuerger Büne gewisen a bewisen.
Aly Bintz: E léiwe Männchen
De Lëtzebuerger Acteur a Sänger Aly Bintz ass virun 20 Joer am Alter vun nëmme 75 Joer gestuerwen. Mir erënneren un dëse Lëtzebuerger Entertainer.
Joe Del Toe: De Gesondheets-Clown
De Gesondheets-Clown Joe Del Toe ass den Invité bei Jean Claude Majerus an der Emissioun "Sot emol"
Raymond Conzemius: De Sport ass de roude Fuedem
Den aktuellen Directeur technique vum COSL Raymond Conzemius ass den Invité beim Jeam Claude Majerus an der Emissioun "Sot emol"
Sidney Scho: E ganz jonken Dirigent
Den Dirigent an Directeur musical vum Cercle symphonique vu Rëmeleng Sidney Scho ass haut den Invité beim Jean Claude Majerus am Sot emol.
Justin Gloden: E Liewen fir d'Lafen
Den Invité ass a war Mëttel- oder Laangstreckeleefer. Hien ass och esou munch Lëtzebuerger Rekord vun de 1500 Meter u gelaf, an nach haut ginn et ëmmer Rekorder, déi him gehéieren.
Emma Lily Karier: De Saxofon a Wien
D'Musekerin, Saxofonistin an och Sängerin an Dirigentin ass d'Invitée.
Norbert Haupert: Sportler, Sportfonctionnaire a Politiker
Als Liichtathleet war den Norbert Haupert ganz erfollegräich, ë. a. mat engem Lëtzebuerger Rekord iwwer 1.000-Meter. Als CSV-Deputéierte souz hie 14 Joer an der Chamber.
Laurence Duhr: Wäibau, Psychologie a Clownereien
Bei der Invitée dës Kéier fënnt een nees eng grouss Diversitéit an hirem Parcours, dee si mécht oder bis ewell gemaach huet.
Jean Portante: Schwaarzt Gezei a roude Schal
De Poet a Schrëftsteller mat italieeneschen Originnenan ass zanter Ufank u fräie Mataarbechter vum radio 100,7. Éier hie sech ganz dem Schreiwe consacréiert huet, war hie Franséisch Proff.
Änder Hirt: E Museker mat Leif a Séil
De Mueker a Sänger Änder Hirt ass den Invité.
Guy Conter: E räicht Musekerliewen
De Museker an Museksprofesser am Escher Conservatoire war nom Fred Hales vun 2007 bis 2015 Chef vun der Brass Band an huet duerno weider de Solo Cornet gespillt.
Isabelle Braun-Dominicy: "Et mécht nach ëmmer ganz vill Freed"
D'Isabelle Braun-Dominicy ass Pianist an Enseignante fir Solfége. Aktuell ass si Professorin um Escher Conservatoire, wou si nieft de Coursen och de Jugendchouer dirigéiert.
