Sot emol
Salima Ben Guigui: "Ech wollt e Museksinstrument, fir ze zupfen"
56 min
Mandolinn ass e Museksinstrument, dat schonn zanter den 17. Joerhonnert an Europa bekannt ass. Mee dat wëllt awer elo net heeschen, datt d'Mandolinn en Instrument ass, dat just fir klassesch, barock oder romantesch Musek agesat gëtt, sécher net. D'Mandolinn fënnt ee quasi an all Musekgenrë bis an eis Zäit eran. Invitée beim Jean Claude Majerus ass d'Salima Ben Guigui an hiert Instrument ass Mandolinn. Si huet hir Formatioun op der Hochschule für Musik Saar zu Saarbrécken gemaach. Nieft dem Instrument war d'Salima Ben Guigui awer och vun der pedagogescher Säit vun der Musek faszinéiert a schafft nach haut am Museksenseignement.
Mat aacht Joer koum d'Salima Ben Guigui bei d'Musek, fir déi si sech awer huet missen duerchsetzen, well d'Famill Ben Guigui méi am Sport ënnerwee war. "Mee ech hu mech drugehale wéi de Geck un de Bengel", seet d'Salima Ben Guigui an et goung op Esch an de Conservatoire op eng Porte-Ouverte. Am Fong wollt si klassesch Gittar léieren, wat awer wéinst enger Contrainte un der rietser Hand net gaangen ass, an du koum dann déi éischt Renconter mat der Mandolinn an hirem éischte Professer Juan Carlos Munoz.
"Ech wollt eppes zupfen an d'Mandolinn war ebe méi kleng an hat ee Bauch .... A fir mech ass dat gaangen, well een do e Blietchen nëmme mam Daum an Zeigefanger muss festhalen, an do hunn ech eben Mandolinn geléiert."
Episoden
Raymond Conzemius: De Sport ass de roude Fuedem
Den aktuellen Directeur technique vum COSL RAymond Conzemius ass den Invité beim Jeam Claude Majerus an der Emissioun "Sot emol"
Sidney Scho: E ganz jonken Dirigent
Den Dirigent an Directeur musical vum Cercle symphonique vu Rëmeleng Sidney Scho ass haut den Invité beim Jean Claude Majerus am Sot emol.
Justin Gloden: E Liewen fir d'Lafen
Den Invité ass a war Mëttel- oder Laangstreckeleefer. Hien ass och esou munch Lëtzebuerger Rekord vun de 1500 Meter u gelaf, an nach haut ginn et ëmmer Rekorder, déi him gehéieren.
Emma Lily Karier: De Saxofon a Wien
D'Musekerin, Saxofonistin an och Sängerin an Dirigentin ass d'Invitée.
Norbert Haupert: Sportler, Sportfonctionnaire a Politiker
Als Liichtathleet war den Norbert Haupert ganz erfollegräich, ë. a. mat engem Lëtzebuerger Rekord iwwer 1.000-Meter. Als CSV-Deputéierte souz hie 14 Joer an der Chamber.
Laurence Duhr: Wäibau, Psychologie a Clownereien
Bei der Invitée dës Kéier fënnt een nees eng grouss Diversitéit an hirem Parcours, dee si mécht oder bis ewell gemaach huet.
Jean Portante: Schwaarzt Gezei a roude Schal
De Poet a Schrëftsteller mat italieeneschen Originnenan ass zanter Ufank u fräie Mataarbechter vum radio 100,7. Éier hie sech ganz dem Schreiwe consacréiert huet, war hie Franséisch Proff.
Änder Hirt: E Museker mat Leif a Séil
De Mueker a Sänger Änder Hirt ass den Invité.
Guy Conter: E räicht Musekerliewen
De Museker an Museksprofesser am Escher Conservatoire war nom Fred Hales vun 2007 bis 2015 Chef vun der Brass Band an huet duerno weider de Solo Cornet gespillt.
Isabelle Braun-Dominicy: "Et mécht nach ëmmer ganz vill Freed"
D'Isabelle Braun-Dominicy ass Pianist an Enseignante fir Solfége. Aktuell ass si Professorin um Escher Conservatoire, wou si nieft de Coursen och de Jugendchouer dirigéiert.
Stephan Quintus: A Schweden en neit Doheem fonnt
De Stephan Quintus ass mat senger Fra a senge véier Bouwen a Schweden ausgewandert.
Carlo Link: Radio, seng grouss Passioun
E Radiosmënsch, mat deem mir bei d‘Originne vum radio 100,7, dem soziokulturelle Radio, wéi soss gesot gouf, zeréckginn.
Dominique Santana: Konscht a Geschicht
D'Historikerin a Cineastin Dominique Santana ass d'Invitée.
Ben Claus: De Panzpiano an d'Kap
Oder einfach nëmmen "De Claus" ass den Invité. Hie spillt a séngt d’Hitparad vun de Lëtzebuerger Lidder erop an erof.
Paul Philipp - Spiller, Trainer, President
Dee fréiere Fussballprofi an aktuelle President vun der FLF ass Invité um dag vun der Finall vun der Europameeschterschaft.
Ingrid Schwarz: Modernt Jodelen
D'Sängerin an Pinaistin Ingrid Schwarz ass d'Invitée beim Jean Claude Majerus an der Emissioun "Sot emol"
Sean Grethen
D'Passioun Aarmdrécken