Sot emol
Josée Bourg: "Virwëlz an Ongedold"
55 min
D'Josée Bourg ass en Numm, deen Iech eventuell bekannt dierft virkommen, wann Dir scho méi laang de radio 100,7 lauschtert. Tëschent 2000 an 2008 war d'Josée Bourg Mataarbechterin vum radio 100,7. Mee dat ass awer just nëmmen eng Facette vun der Josée Bourg, der Invitée beim Jean Claude Majerus, hire verschiddensten Aktivitéiten. Si war Enseignante an der Spillschoul, huet Germanistik a Journalismus studéiert an eben och als Journalistin geschafft. Kulturell ass si a villen Domainer ënnerwee als Kënschtlerin, Schauspillerin an Erzielerin. Da sinn Hörspiller e Beräich, dee si gären huet, si schreift an illustréiert Kuerzgeschichten oder och Kannerbicher. An d'Josée Bourg ass och e ganz Natur-verbonnene Mënsch.
Et kann een dat awer alles net eenzel kucken, well d'Aktivitéite ginn am Fong aneneen iwwer, se verschmëlzen mateneen. D'Josée Bourg ass och ëmmer op der Sich no neien Aspekter, a wann eppes bis fäerdeg ass, muss eppes Neies kommen. Et kann een hiert Wiese ganz sécher mat vill Virwëlz awer och mat enger Partie Ongedold beschreiwen. D'Virwëlz an de Spaass sech op eppes anzeloossen, ass fir d'Josée Buerg eng dreiwend Kraaft. An dann eben d'Ongedold:
"Dat ass wouer, also ech hat ëmmer geduecht, dat kéint ee léieren. An ech sinn nach ëmmer amgaang et ze léieren. Mee et ass eppes, wat mir ganz schlecht geléngt. Ech fille mech éischter gedriwwen, wéi datt ech gedëlleg ka sinn."
Et huet awer alles seng Vir- a seng Nodeeler. Wann d'Josée Bourg elo déi aktuell Situatioun kuckt, an där mir sinn, ass am Fong dat Wichtegst, wat ee sech wënschen kann, mat Gedold oder Ongedold, Fridde fir jiddwereen.
Episoden
Dany Kaber: De Marathon war hir léifste Course
D'Leeferin Dany Kaber, déi bei den Olympesche Summerspiller 1988 zu Seoul Siwent am Fraemarathon gouf, ass d’Invitée.
Josy Lorent: E Mënsch mat villen Interessen
Dee fréiere Wort-Journlalist an aktuelle President vun der ASBL Frënn vun der Militärmusek am Gespréich
Annette Schlechter: Schauspillerin an Infirmière
D'Schauspillerin Annette Schlechter ass déi Kéier d'Invitée beim Jean Claude Majerus an der Emissioun Sot emol.
Anabela a Jorge Valente: Eng Globetrotter-Koppel
D'Anabela an de Jorge Valente si schonn 10 Joer mat hirem Motorrad ënnerwee ronderëm d'Welt, ewell schonn iwwer 130.000 Kilometer.
Michel Grevis: Ech sinn e virwëtzege Mënsch
Den Auteur, Zeechner, Kënschtler, passionéierte Schoulmeeschter a Responsabele vum Centre des Jeunes vum SNJ zu Huelmes ass Invité.
Clara Herz: "Actrice ass mäin Dramberuff"
Mat vill Engagement, Talent an och Passioun ass dës Actrice amgaange sech an der Schauspillwelt ze etabléieren. Si ass vill zu Paräis, mee huet sech och schonn op Lëtzebuerger Büne gewisen a bewisen.
Aly Bintz: E léiwe Männchen
De Lëtzebuerger Acteur a Sänger Aly Bintz ass virun 20 Joer am Alter vun nëmme 75 Joer gestuerwen. Mir erënneren un dëse Lëtzebuerger Entertainer.
Joe Del Toe: De Gesondheets-Clown
De Gesondheets-Clown Joe Del Toe ass den Invité bei Jean Claude Majerus an der Emissioun "Sot emol"
Raymond Conzemius: De Sport ass de roude Fuedem
Den aktuellen Directeur technique vum COSL Raymond Conzemius ass den Invité beim Jeam Claude Majerus an der Emissioun "Sot emol"
Sidney Scho: E ganz jonken Dirigent
Den Dirigent an Directeur musical vum Cercle symphonique vu Rëmeleng Sidney Scho ass haut den Invité beim Jean Claude Majerus am Sot emol.
Justin Gloden: E Liewen fir d'Lafen
Den Invité ass a war Mëttel- oder Laangstreckeleefer. Hien ass och esou munch Lëtzebuerger Rekord vun de 1500 Meter u gelaf, an nach haut ginn et ëmmer Rekorder, déi him gehéieren.
Emma Lily Karier: De Saxofon a Wien
D'Musekerin, Saxofonistin an och Sängerin an Dirigentin ass d'Invitée.
Norbert Haupert: Sportler, Sportfonctionnaire a Politiker
Als Liichtathleet war den Norbert Haupert ganz erfollegräich, ë. a. mat engem Lëtzebuerger Rekord iwwer 1.000-Meter. Als CSV-Deputéierte souz hie 14 Joer an der Chamber.
Laurence Duhr: Wäibau, Psychologie a Clownereien
Bei der Invitée dës Kéier fënnt een nees eng grouss Diversitéit an hirem Parcours, dee si mécht oder bis ewell gemaach huet.
Jean Portante: Schwaarzt Gezei a roude Schal
De Poet a Schrëftsteller mat italieeneschen Originnenan ass zanter Ufank u fräie Mataarbechter vum radio 100,7. Éier hie sech ganz dem Schreiwe consacréiert huet, war hie Franséisch Proff.
Änder Hirt: E Museker mat Leif a Séil
De Mueker a Sänger Änder Hirt ass den Invité.
Guy Conter: E räicht Musekerliewen
De Museker an Museksprofesser am Escher Conservatoire war nom Fred Hales vun 2007 bis 2015 Chef vun der Brass Band an huet duerno weider de Solo Cornet gespillt.
Isabelle Braun-Dominicy: "Et mécht nach ëmmer ganz vill Freed"
D'Isabelle Braun-Dominicy ass Pianist an Enseignante fir Solfége. Aktuell ass si Professorin um Escher Conservatoire, wou si nieft de Coursen och de Jugendchouer dirigéiert.
