Sot emol
Prof. Jean-Claude Theis: "Ech erënnere mech un dee leschten Tram ..."
55 min
De Lëtzebuerger Chirurg Jean-Claude Theis huet iwwer 30 Joer an Neuseeland als Orthopeed geschafft a war och Professer fir Orthopedie op der University of Otago zu Dunedin. De Jean-Claude Theis krut no sengem Medezinstudium zu Nanzeg an England d'Méiglechkeet fir ee Joer an Neuseeland schaffen ze goen, huet do awer seng Fra kennegeléiert an duerch d'Léift gouf e ganzt Liewen déi aner Säit vun der Welt.
No senger Pensioun wollt den Dr. Theis awer nach net mat senge medezineschen Aktivitéiten ophalen. Hie wollt säi medezinescht Wëssen a Kënne weiderginn an dat op d'mannst nach bis 70 Joer. De Jean-Claude Theis huet sech an engem Kannerspidol vun der ASBL Cure International am Malawi engagéiert. Et ass e Spidol, an deem Kanner behandelt gi mat orthopeedesche Problemer, dat geet vu Schankeninfektioun iwwer Malformatiounen, bis bei éischter rar Pathologien, an dat net nëmme fir Kanner aus dem ganze Malawi, mee deels och aus den Nopeschlänner. Nieft senger chirurgescher Aarbecht gëtt den Dr. Theis säi Wëssen a Kënnen och nach u lokal Dokteren a Medezinsstudente weider.
De Jean-Claude Theis, deen elo scho wäit iwwer 30 Joer fort ass vu Lëtzebuerg, nennt Neuseeland och säin Doheem, besonnesch well seng Fra a seng Kanner do sinn. Mee hie kënnt awer och gären ëmmer nees op Lëtzebuerg zeréck, an d'Land vu sengen Originnen, a virun allem och fir säi Brudder, deen hei lieft, ze besichen. De Jean-Claude Theis liest och all Dag d'Lëtzebuerger Zeitungen um Internet, well hien drun intresséiert ass, wat zu Lëtzebuerg geschitt.
Natierlech leie seng Visitte meeschtens wäit auserneen, well Neuseeland jo net grad ëm den Eck läit. An obwuel hien et an der Zeitung gelies huet, war et schonn impressionant fir hien, nees en Tram an der Stad fueren ze gesinn.
"Ech ka mech erënneren, wou de leschten Tram hei zu Lëtzebuerg gefuer ass. An elo kommen ech dann erëm, an dann ass den Tram nees do, dat ass fantastesch. An och datt Bussen an Zich all fräi sinn (...) Ech mengen, mir sinn dat eenzegt Land op der Welt, wou dat fräi ass. Voilà, well done fir Lëtzebuerg."
De Jean Claude Majerus féiert duerch d'Gespréich.
Episoden
Dany Kaber: De Marathon war hir léifste Course
D'Leeferin Dany Kaber, déi bei den Olympesche Summerspiller 1988 zu Seoul Siwent am Fraemarathon gouf, ass d’Invitée.
Josy Lorent: E Mënsch mat villen Interessen
Dee fréiere Wort-Journlalist an aktuelle President vun der ASBL Frënn vun der Militärmusek am Gespréich
Annette Schlechter: Schauspillerin an Infirmière
D'Schauspillerin Annette Schlechter ass déi Kéier d'Invitée beim Jean Claude Majerus an der Emissioun Sot emol.
Anabela a Jorge Valente: Eng Globetrotter-Koppel
D'Anabela an de Jorge Valente si schonn 10 Joer mat hirem Motorrad ënnerwee ronderëm d'Welt, ewell schonn iwwer 130.000 Kilometer.
Michel Grevis: Ech sinn e virwëtzege Mënsch
Den Auteur, Zeechner, Kënschtler, passionéierte Schoulmeeschter a Responsabele vum Centre des Jeunes vum SNJ zu Huelmes ass Invité.
Clara Herz: "Actrice ass mäin Dramberuff"
Mat vill Engagement, Talent an och Passioun ass dës Actrice amgaange sech an der Schauspillwelt ze etabléieren. Si ass vill zu Paräis, mee huet sech och schonn op Lëtzebuerger Büne gewisen a bewisen.
Aly Bintz: E léiwe Männchen
De Lëtzebuerger Acteur a Sänger Aly Bintz ass virun 20 Joer am Alter vun nëmme 75 Joer gestuerwen. Mir erënneren un dëse Lëtzebuerger Entertainer.
Joe Del Toe: De Gesondheets-Clown
De Gesondheets-Clown Joe Del Toe ass den Invité bei Jean Claude Majerus an der Emissioun "Sot emol"
Raymond Conzemius: De Sport ass de roude Fuedem
Den aktuellen Directeur technique vum COSL Raymond Conzemius ass den Invité beim Jeam Claude Majerus an der Emissioun "Sot emol"
Sidney Scho: E ganz jonken Dirigent
Den Dirigent an Directeur musical vum Cercle symphonique vu Rëmeleng Sidney Scho ass haut den Invité beim Jean Claude Majerus am Sot emol.
Justin Gloden: E Liewen fir d'Lafen
Den Invité ass a war Mëttel- oder Laangstreckeleefer. Hien ass och esou munch Lëtzebuerger Rekord vun de 1500 Meter u gelaf, an nach haut ginn et ëmmer Rekorder, déi him gehéieren.
Emma Lily Karier: De Saxofon a Wien
D'Musekerin, Saxofonistin an och Sängerin an Dirigentin ass d'Invitée.
Norbert Haupert: Sportler, Sportfonctionnaire a Politiker
Als Liichtathleet war den Norbert Haupert ganz erfollegräich, ë. a. mat engem Lëtzebuerger Rekord iwwer 1.000-Meter. Als CSV-Deputéierte souz hie 14 Joer an der Chamber.
Laurence Duhr: Wäibau, Psychologie a Clownereien
Bei der Invitée dës Kéier fënnt een nees eng grouss Diversitéit an hirem Parcours, dee si mécht oder bis ewell gemaach huet.
Jean Portante: Schwaarzt Gezei a roude Schal
De Poet a Schrëftsteller mat italieeneschen Originnenan ass zanter Ufank u fräie Mataarbechter vum radio 100,7. Éier hie sech ganz dem Schreiwe consacréiert huet, war hie Franséisch Proff.
Änder Hirt: E Museker mat Leif a Séil
De Mueker a Sänger Änder Hirt ass den Invité.
Guy Conter: E räicht Musekerliewen
De Museker an Museksprofesser am Escher Conservatoire war nom Fred Hales vun 2007 bis 2015 Chef vun der Brass Band an huet duerno weider de Solo Cornet gespillt.
Isabelle Braun-Dominicy: "Et mécht nach ëmmer ganz vill Freed"
D'Isabelle Braun-Dominicy ass Pianist an Enseignante fir Solfége. Aktuell ass si Professorin um Escher Conservatoire, wou si nieft de Coursen och de Jugendchouer dirigéiert.
