Komponist:in vum Mount
De Gustav Holst
7 min
De Gustav Holst war e Komponist mat villen musikaleschen a kulturellen Intressen. Béides fënnt sech a sengen zwou Suitë fir Harmonieorchester, mat deenen de Komponist am Ufank vum 20. Joerhonnert een neien Terrain opmécht. Symphonesch Musek fir een Ensemble vun Holzbléiser, Blechbléiser a Perkussioun - also fir Harmonieorchester - war eng bis dato ongewinnt Klangkombinatiounen. De Gustav Holst schreift zwou Suitë fir Harmonieorchester, déi bis haut hir fest Plaz am Répertoire hunn.