Sot emol
Olivier Garofalo: "Chance mech selwer ze realiséieren"
55 min
Den Olivier Garofalo ass Dramatiker an Dramaturg, zanter 2019 ass hien elo Hausauteur an Dramaturg um Rheinischen Landestheater zu Neuss an Däitschland. D'Aarbecht vun engem Dramatiker ass kloer, et ass deen, deen d'Theaterstécker schreift. Mee wat ass d'Missioun vum Dramaturg? Den Olivier Garofalo seet, datt et d'Missioun vum Dramaturg ass d'Theaterproduktiounen ze begleeden an uecht ze dinn oder dem Regieteam ze hëllefen, datt d'Mise en scène d'Strooss hält. Aner Funktioune sinn Texter fir d'Programmhefter ze schreiwen, ze assuréieren, datt Besetzungslëschten iwwertenee kommen, dat heescht als Dramaturg léiert een den Theater vun all senge Säite kennen.
Den Olivier Garofalo huet seng éischt Theatererfarungen am Schoultheatergroup Namasté am Escher Lycée Hubert Clement gemaach. Deemools als Acteur op der Bün, wou hien awer séier gemierkt huet, datt dat net Senges ass. Et war éischter d'Aarbecht am Hannergrond, déi hien interesséiert huet. An no sengem Germanistikstudium ass hien an Direktioun Theater gaangen.
Seng Elteren doheem hu wuel keng Fläsch Schampes opgemaach, wéi si gewuer goufen, datt hire Jong seng professionell Zukunft am Theater geséich, mee am Fong war den Theater schonn zanter senger Jugend en Deel vun him.
"Vläicht hätte si sech gewënscht, datt ech eppes méi Sécheres géif maachen, wéi dat zu Lëtzebuerg esou ass, eng sécher Pai, e séchere Wee, vläicht och net ze wäit fort sinn. Mee letztendlech hu si mech awer ëmmer ënnerstëtzt, si hu mir ni Steng an de Wee geluecht. (..) An ech sinn enorm dankbar, datt si do sinn, well dat hätt ech ouni si bestëmmt net kënne maachen."
Dem Olivier Garofalo seng Grousseltere koumen op Lëtzebuerg, säi Grousspapp huet op der Arbed geschafft. Säi Papp awer huet op enger Bank geschafft an niewebäi huet hien a senger Jugend Filmer gemaach.
"Dat konnt hien awer zu där Zäit net weidermaachen, du hues misse schaffen goen, dat war eben esou, du hues misse Sue verdéngen an eraus aus dem Haus. Ech hunn eben déi Chance gehat mech selwer ze realiséieren an am Kulturberäich ze schaffen."
Aktuell ass dem Oliver Garofalo säin Theaterstéck "Im Umbruch" am Mierscher Kulturhaus nach bis den 10. Mäerz ze gesinn.
Episoden
Dany Kaber: De Marathon war hir léifste Course
D'Leeferin Dany Kaber, déi bei den Olympesche Summerspiller 1988 zu Seoul Siwent am Fraemarathon gouf, ass d’Invitée.
Josy Lorent: E Mënsch mat villen Interessen
Dee fréiere Wort-Journlalist an aktuelle President vun der ASBL Frënn vun der Militärmusek am Gespréich
Annette Schlechter: Schauspillerin an Infirmière
D'Schauspillerin Annette Schlechter ass déi Kéier d'Invitée beim Jean Claude Majerus an der Emissioun Sot emol.
Anabela a Jorge Valente: Eng Globetrotter-Koppel
D'Anabela an de Jorge Valente si schonn 10 Joer mat hirem Motorrad ënnerwee ronderëm d'Welt, ewell schonn iwwer 130.000 Kilometer.
Michel Grevis: Ech sinn e virwëtzege Mënsch
Den Auteur, Zeechner, Kënschtler, passionéierte Schoulmeeschter a Responsabele vum Centre des Jeunes vum SNJ zu Huelmes ass Invité.
Clara Herz: "Actrice ass mäin Dramberuff"
Mat vill Engagement, Talent an och Passioun ass dës Actrice amgaange sech an der Schauspillwelt ze etabléieren. Si ass vill zu Paräis, mee huet sech och schonn op Lëtzebuerger Büne gewisen a bewisen.
Aly Bintz: E léiwe Männchen
De Lëtzebuerger Acteur a Sänger Aly Bintz ass virun 20 Joer am Alter vun nëmme 75 Joer gestuerwen. Mir erënneren un dëse Lëtzebuerger Entertainer.
Joe Del Toe: De Gesondheets-Clown
De Gesondheets-Clown Joe Del Toe ass den Invité bei Jean Claude Majerus an der Emissioun "Sot emol"
Raymond Conzemius: De Sport ass de roude Fuedem
Den aktuellen Directeur technique vum COSL Raymond Conzemius ass den Invité beim Jeam Claude Majerus an der Emissioun "Sot emol"
Sidney Scho: E ganz jonken Dirigent
Den Dirigent an Directeur musical vum Cercle symphonique vu Rëmeleng Sidney Scho ass haut den Invité beim Jean Claude Majerus am Sot emol.
Justin Gloden: E Liewen fir d'Lafen
Den Invité ass a war Mëttel- oder Laangstreckeleefer. Hien ass och esou munch Lëtzebuerger Rekord vun de 1500 Meter u gelaf, an nach haut ginn et ëmmer Rekorder, déi him gehéieren.
Emma Lily Karier: De Saxofon a Wien
D'Musekerin, Saxofonistin an och Sängerin an Dirigentin ass d'Invitée.
Norbert Haupert: Sportler, Sportfonctionnaire a Politiker
Als Liichtathleet war den Norbert Haupert ganz erfollegräich, ë. a. mat engem Lëtzebuerger Rekord iwwer 1.000-Meter. Als CSV-Deputéierte souz hie 14 Joer an der Chamber.
Laurence Duhr: Wäibau, Psychologie a Clownereien
Bei der Invitée dës Kéier fënnt een nees eng grouss Diversitéit an hirem Parcours, dee si mécht oder bis ewell gemaach huet.
Jean Portante: Schwaarzt Gezei a roude Schal
De Poet a Schrëftsteller mat italieeneschen Originnenan ass zanter Ufank u fräie Mataarbechter vum radio 100,7. Éier hie sech ganz dem Schreiwe consacréiert huet, war hie Franséisch Proff.
Änder Hirt: E Museker mat Leif a Séil
De Mueker a Sänger Änder Hirt ass den Invité.
Guy Conter: E räicht Musekerliewen
De Museker an Museksprofesser am Escher Conservatoire war nom Fred Hales vun 2007 bis 2015 Chef vun der Brass Band an huet duerno weider de Solo Cornet gespillt.
Isabelle Braun-Dominicy: "Et mécht nach ëmmer ganz vill Freed"
D'Isabelle Braun-Dominicy ass Pianist an Enseignante fir Solfége. Aktuell ass si Professorin um Escher Conservatoire, wou si nieft de Coursen och de Jugendchouer dirigéiert.
