Sot emol
Philippe Ernzer: "Mat Héichdrockgebidder a Kalfronten a mengem Element"
47 min
De Philippe Ernzer ass vu klengem un e Wiederfreak. Mat 10 Joer krut hien zu Bauschelt seng eege Wiederstatioun. Ufanks wollt hien iwwer ee Newsletter-Service Famill a Frënn informéieren, duerno huet hie fir de Fun eng Web- a Facebook-Säit gegrënnt. Haut huet hien 23 Joer, bedreift e Wiederdéngscht an huet eng Startup gegrënnt.
Wéi gëtt d'Wieder? Brauch ech haut e Prabbeli? Hält d'Hëtzt fir dee geplangte BBQ? Wéi vill Schnéi gëtt et?
Äntwerten op dës Froe liwwert d'Wëssenschaft vun der Meteorologie - déi eenzeg Zukunfts-Viraussoen déi fonctionéieren. De Beruff vum Meteorolog ëmfaasst e breede Spektrum: Wiedersituatiounen observéieren, Modeller opstelle fir Previsioune virauszesoen oder Warnungen ze erstellen.
Eigentlech huet de Philippe Ernzer zu Wolz IT studéiert, huet als Jonken all méiglech Documentairen iwwer Meteorologie gekuckt an autodidaktesch geléiert Daten ze liesen. All Muere steet de Philippe Ernzer op a kuckt Kaarten, Previsioune mam But ze informéieren. Météo Boulaide ass e private Wiederdéngscht, dee sech iwwer eng besonnesch héich Trefferquot freet. Dem Philippe Ernzer säi Spezialgebitt ass d'Prognos vun Onwiedersituatiounen.
Zesumme mat den Donnéeë vun eegene Moossstatioune souwéi och duerch d'Auswäerte vu sëllege Wiedermodeller ginn all Dag op d'mannst zweemol prezis an zouverlässeg Wiederprognosen un de Public eraus. De Virdeel am Géigesaz zu de meeschte Wieder-Appen: all d'Prognose sinn handgemaach, Feeler vun informateschem Ursprong ginn et also meeschtens keng. Iwwerdeems sech de Gros vun den Appe just op ee bis zwee Modeller bezéien an net vu Mënschenhand kontrolléiert/iwwerwaacht ginn, fléissen an d'Prognose vu Météo Boulaide all méiglech Zenarien an, déi duerch zéng Joer Experienz korrekt a plausibel interpretéiert ginn.
Hien ass am Gespréich beim Natasha Ehrmann.
Episoden
Dany Kaber: De Marathon war hir léifste Course
D'Leeferin Dany Kaber, déi bei den Olympesche Summerspiller 1988 zu Seoul Siwent am Fraemarathon gouf, ass d’Invitée.
Josy Lorent: E Mënsch mat villen Interessen
Dee fréiere Wort-Journlalist an aktuelle President vun der ASBL Frënn vun der Militärmusek am Gespréich
Annette Schlechter: Schauspillerin an Infirmière
D'Schauspillerin Annette Schlechter ass déi Kéier d'Invitée beim Jean Claude Majerus an der Emissioun Sot emol.
Anabela a Jorge Valente: Eng Globetrotter-Koppel
D'Anabela an de Jorge Valente si schonn 10 Joer mat hirem Motorrad ënnerwee ronderëm d'Welt, ewell schonn iwwer 130.000 Kilometer.
Michel Grevis: Ech sinn e virwëtzege Mënsch
Den Auteur, Zeechner, Kënschtler, passionéierte Schoulmeeschter a Responsabele vum Centre des Jeunes vum SNJ zu Huelmes ass Invité.
Clara Herz: "Actrice ass mäin Dramberuff"
Mat vill Engagement, Talent an och Passioun ass dës Actrice amgaange sech an der Schauspillwelt ze etabléieren. Si ass vill zu Paräis, mee huet sech och schonn op Lëtzebuerger Büne gewisen a bewisen.
Aly Bintz: E léiwe Männchen
De Lëtzebuerger Acteur a Sänger Aly Bintz ass virun 20 Joer am Alter vun nëmme 75 Joer gestuerwen. Mir erënneren un dëse Lëtzebuerger Entertainer.
Joe Del Toe: De Gesondheets-Clown
De Gesondheets-Clown Joe Del Toe ass den Invité bei Jean Claude Majerus an der Emissioun "Sot emol"
Raymond Conzemius: De Sport ass de roude Fuedem
Den aktuellen Directeur technique vum COSL Raymond Conzemius ass den Invité beim Jeam Claude Majerus an der Emissioun "Sot emol"
Sidney Scho: E ganz jonken Dirigent
Den Dirigent an Directeur musical vum Cercle symphonique vu Rëmeleng Sidney Scho ass haut den Invité beim Jean Claude Majerus am Sot emol.
Justin Gloden: E Liewen fir d'Lafen
Den Invité ass a war Mëttel- oder Laangstreckeleefer. Hien ass och esou munch Lëtzebuerger Rekord vun de 1500 Meter u gelaf, an nach haut ginn et ëmmer Rekorder, déi him gehéieren.
Emma Lily Karier: De Saxofon a Wien
D'Musekerin, Saxofonistin an och Sängerin an Dirigentin ass d'Invitée.
Norbert Haupert: Sportler, Sportfonctionnaire a Politiker
Als Liichtathleet war den Norbert Haupert ganz erfollegräich, ë. a. mat engem Lëtzebuerger Rekord iwwer 1.000-Meter. Als CSV-Deputéierte souz hie 14 Joer an der Chamber.
Laurence Duhr: Wäibau, Psychologie a Clownereien
Bei der Invitée dës Kéier fënnt een nees eng grouss Diversitéit an hirem Parcours, dee si mécht oder bis ewell gemaach huet.
Jean Portante: Schwaarzt Gezei a roude Schal
De Poet a Schrëftsteller mat italieeneschen Originnenan ass zanter Ufank u fräie Mataarbechter vum radio 100,7. Éier hie sech ganz dem Schreiwe consacréiert huet, war hie Franséisch Proff.
Änder Hirt: E Museker mat Leif a Séil
De Mueker a Sänger Änder Hirt ass den Invité.
Guy Conter: E räicht Musekerliewen
De Museker an Museksprofesser am Escher Conservatoire war nom Fred Hales vun 2007 bis 2015 Chef vun der Brass Band an huet duerno weider de Solo Cornet gespillt.
Isabelle Braun-Dominicy: "Et mécht nach ëmmer ganz vill Freed"
D'Isabelle Braun-Dominicy ass Pianist an Enseignante fir Solfége. Aktuell ass si Professorin um Escher Conservatoire, wou si nieft de Coursen och de Jugendchouer dirigéiert.
