Bewosst Gesond
Dehydratatioun
De Kierper brauch reegelméisseg Flëssegkeet, dat ass ganz wichteg. Mee firwat, a wat geschitt, wann een net genuch drénkt a wéi vill Flëssegkeet ass gesond oder gëtt recommandéiert?
"Bei de Frae bestinn am Duerchschnëtt 50 Prozent a bei de Männer 60 Prozent vum Kierpergewiicht aus Waasser. Bei enger Fra, déi 60 kg weit, sinn dat also ëm déi 30 kg bzw Liter. Dee Prozentsaz schwankt awer tëschent 45 a 70 Prozent a Funktioun vum Undeel vum Kierperfett, vum Alter, vum Geschlecht a vum Kierpergewiicht. Dobäi hu Kanner méi en héijen Waasserundeel wéi eeler Leit.
Genuch Waasser am Kierper ze hunn ass ënner anerem iwwerliewenswichteg, well vill Funktiounen, wéi de ganze Stofftransport a Stoffwiessel am Kierper, d'Wuessen, d'Ernärung an d'Ausscheedung, op direktem Wee duerch d'Kierperwaasser a senger Zesummesetzung beaflosst ginn.
Fir eng Iddi ze ginn: mir verléieren z. B. am Duerchschnëtt 100 ml Waasser pro Dag duerch d'Schweessen ënner normale Konditiounen, awer ëm déi 1.400 ml bei waarmem Wieder. Schwéier kierperlech Aarbecht oder Sport erhéicht de Waasserverloscht duerch d'Schweessen awer nach vill vill méi.
Niewent dem Schweess scheet de Kierper nach Waasser iwwer d'Longen, d'Haut, den Urin an de Stull aus. Dat sinn am Ganzen ëm déi 2,3 L pro Dag bei normale Konditiounen a Minimum ee Liter méi bei waarmem Wieder, fir en ongeféiere Verglach ze nennen. Mir mussen also drénken, fir dee Flëssegkeetsverloscht ze kompenséieren",
seet d'Dieteticienne Céline Genson. Si ass Invitée beim Angie Maquil.
Bibliographie:
Ernährungsmedizin. Nach dem curriculum Ernährungsmedizin der Bundesärztekammer. H.K. Bielsalski et al. Georg Thieme Verlag. 2018
Episoden
Aktuell Ernärungstrends
Mir diskutéieren iwwer de Stellewäert vun den aktuellen Ernärungstrends bei jonke Mënschen.
Eng Kalorie ass net gläich eng Kalorie
De Fokus soll op enger bewosster Auswiel vu Liewensmëttel leien, well all Kierper eenzegaarteg op Kalorië reagéiert.
Schwaarzt a gréngt Gold
Olive fir d'Gesondheet
D'Bekämpfung vun den Antibiotique-Resistenzen zesumme mat der ALVA
Sensibiliséirungwoch 18.-24. November 2024, fir e gudde Gebrauch mat Antimikrobe-Medikamenter
Den Immunsystem mat der richteger Ernärung stäerken
Déi richteg Ernärung liwwert wichteg Närstoffer fir e staarken Immunsystem. Vitaminnen, Mineralstoffer a gesond Daarmbakterien hëllefen, Infektiounen ofzewieren an de Kierper widderstandsfäeg ze halen.
Wat bedeit d'Rekommandatioun: Fënnef Portiounen den Dag
Wéi kéint dat konkret ausgesinn, wann ee fënnef Portiounen Uebst a Geméis an engem Dag abaut?
Hierschtblues an d'Ernärung
Kann een duerch d'Ernärung déi méi depressiv Stëmmung an de Wanterméint virbeugen?
75 Joer École d’Hôtellerie et de Tourisme du Luxembourg
En Interview mam Direkter vun der EHTL
Revisioun vun de politesche Fuerderunge vu Foodsharing Luxembourg
Liewensmëttelverloschter a -verschwendung bleiwen ee vun dee gréisste Problemer, déi eis modern Gesellschaft ugoe muss.
Wisou ass en gemeinsamt Familljeniessen esou wichteg?
Eng ganz Rëtsch vu wëssenschaftlechen Etüde weisen, dass zesummen Iesse méi ass wéi nëmmen d'Erfëlle vun den alldeegleche Besoinen.
Waasserkefir
Am Handel fënnt een ëmmer méi sougenannte pro-biotesch Produiten.Mëllech-Kefir, Kombucha ma och Waasserkefir ass e pro-biotescht Gedrénks, a vun deem huele mer haut eng Schlupp.
Am léifste Pasta, an am léifsten al dente!
Mee wéi gesond sinn Nuddelen eigentlech?
Liewensmëttelverschwendung
Liewensmëttelverschwendung ass e grousst a wichtegt Theema. Dest eethesch, wirtschaftlech an ökologesch gesinn ass se ganz problematesch.
Bauchfett am Fokus: Gesondheet an Ofhuelen
Ofhuelen ass ni ganz einfach. Besonnesch schwéier ass et, Bauchfett ze verléieren. Bauchfett ass net nëmmen ästhetesch net schéin, mee och medezinesch geféierlech.
Superfood: Mythos oder Realitéit?
Wat si Superfoods a wat stécht wierklech hanner dem Hype?
Entdeckungsrees an d’Räich vun de Kraider aus der Provence 2/2
Zesumme mat der Ernärungsberoderin Lis Muller geet et op d‘Entdeckungsrees „Saveurs et Senteurs“ vun de Kraider aus der Provence.
KI an der Hotelschoul
Wéi sech d'Hotelschoul mat der Kënschtlecher Intelligenz ausernanersetzt a se integréiert.
D’Räich vun de Kraider aus der Provence - 1/2
Zesumme mat der Ernärunsgberoderin Lis Muller geet et op Entdeckungsrees an d’Räich vun de Kraider aus der Provencee: e klengen Iwwerbléck iwwer eng Saveur-et-Senteurs-Rees.
Nei Gentechnik: steet eis Walfräiheet an der Liewensmëttelauswiel um Spill?
Déi Europäesch Unioun plangt d‘Reglementer fir nei Gentechnik ze lockeren, mam d'Zil, d‘Entwécklung an d‘Benotze vun esou Technologien an der Landwirtschaft ze fërderen.
