Dagdeeglech
Virun 31 Joer gëtt d'Schengener Konventioun ënnerschriwwen
De 14. Juni 1985 ënnerschreiwen op der M.S. Marie-Astrid op der Musel bei Schengen Däitschland, Frankräich, Holland, d'Belsch a Lëtzebuerg den Accord vu Schengen. Mat dësem Ofkommes gëtt festgehalen d'Grenzkontrolle fir Wueren a Persounen tëschent deene Länner ofzeschafen, déi den Accord ënnerschriwwen hunn. En plus gouf festgehalen d'Kontroll vun de baussenzege Grenzen ze stäerken an ze harmoniséieren. D'Konventioun, déi haut virun 31 vun deene fënnef Länner ënnerschriwwe gouf, reegelt déi technesch Detailer vum Accord vu Schengen.