Déi lescht Woch hu mer iwwer méi Faarf, Aromaen an Ofwiesslung fir op de Grill geschwat am Kontext vu Geméis an Uebst fir op den Grill an haut geet et ëm déi richteg Temperatur an Hygiènesreegelen, déi net ze ënnerschätze si beim Hantéiere mat Liewensmëttelen, wann et waarm ass, a mir leeë Banannen an Aprikosen op de Grill fir e gudden Dessert.
"E puer Reegelen, fir ze vermeiden, datt Fett an d'Glous drëpst an doduerch polyzykleschen aromatesche Kuelewaasserstoff wéi Benzopyren entsteet. Dat si gëfteg Dämp, déi zeréck an d'Liewesmëttel ginn. Et soll een d'Marinad oftuppen, éier een d'Geméis op de Grill leet.
Wann d'Liewesmëttel bis ugegrillt ass, et bei méi klenger Temperatur indirekt grillen, d. h. vun der Glous ewechzéien, virdrun eng Alu-Schossel op där Plaz ënner de Grill stellen, wou der d'Flëssegkeet, déi aus dem Geméis drëpst kënnt opfänken an herno weiderverschaffen.
Fir ze vermeiden datt Äert Geméis bausse schwaarz a banne réi ass, am beschte mat mëttlerer Temperatur vun 180-220 Grad schaffen, d. h. de Grill 10 cm iwwer der Glous halen".
Invitée beim Angie Maquil ass d'Dieteticienne Lis Muller.
"E puer Iddie fir en Dessert: Bananne mat der Schuel grillen a mat flëssegem Schockela mat Vanill zerwéieren, Aprikose mat Thymian, wou een direkt nom Grille Geessekéis doriwwer street, gegrillte Pije mat Zitroune-Vervene-Sorbet kombinéieren. Dat si just e puer Ustéiss. U sech kënnt Dir do ganz kreativ beim Grille virgoen".
