Bewosst Gesond
Gesond a fit duerch de Wanter - Ernärung bei Diabetis
Wat iessen, wann et dobausse kal ass? Wéi soll ee sech richteg am Wanter ernären, fir datt d'Gewiicht an den Zocker (Diabetes) net aus der Bunn geroden?
Manner Luucht, méi Honger. Net d'Glace mee d'Zopp gëtt elo eis Gladder. Dat ass och net verkéiert, mee et soll ee schonn op d'Fett an d'Kalorien oppassen. Besonnesch Leit mat Zocker mussen op hir Iessgewunnechten am Wanter oppassen. Wann d'Deeg méi kuerz an d'Temperaturen dobausse méi kal ginn, dann änneren engem seng Iessgewunnechten.
Et huet een dacks Loscht op méi defteg häerzhaft Platen, et ësst ee gäre méi séiss an och méi fetteg. Dat kann awer negativ Konsequenzen op d'Gewiicht, an domat och op den Zockerspigel hunn. D'Behandlung vum Diabetes gëtt doduerch méi schwéier. D'Dieteticienne Sylvie Paquet, Chargée de direction vun der Maison du Diabète, gëtt Rotschléi, wéi ee gesond a fit duerch de Wanter kënnt.
Passt op Är Vitaminnen op: C,D,E an D si wichteg elo.
Op d'mannst ee frëscht Uebst den Dag, wéi Zitrusfriichten, Kiwi, Cassis ... an och Vitaminn-C-räicht Geméis, wéi Brokkoli, Spinat, Poivron, an typescht Wantergeméis wéi Kabes, schwaarz Wuerzelen (oder Salsifis), Ribben a Chiconen ...
An eng gesond Ernärung gehéiere jo éischter planzlech Fetter, dofir soll een z. B. Oliven-, Raps- oder Nëss-Ueleg anstatt Déierfetter, wéi Ram oder Botter gebrauchen. Och déi ganz Famill vu Nëss a Käre soll ee reegelméisseg a seng Ernärung mat abauen, entweder als Snack fir tëschenduerch oder mat am Rezept verschaffen. Nëss (op Hiesel-, Cashew- oder Mandelen) ginn enger Zopp gären en apaarte Goût.
A ganz wichteg: genuch drénken, och am Wanter.
Och wann ee bei kalem Wieder net esou duuschtereg ass, bleift et wichteg genuch ze drénken, besonnesch wann ee sech vill a gehëtzten, dréchene Raim ophält. Op d'mannst zwee Liter Flëssegkeet den Dag, ënner Form vu Waasser, waarme Gedrénks, wéi Kaffi oder all Zorte vun Téi, mee och Zoppen droen dozou bäi, datt de Stoffwiessel am Gläichgewiicht bleift, an de Kierper zousätzlech Hëtzt geliwwert kritt.
Awer opgepasst, Alkohol hëlleft net de Kierper ze wiermen!
Am Géigendeel, och wann een am Ufank e Gefill vu Wäermt verspiert, zéie sech duerch den Alkohol d'Bluttgefässer zesummen an et gëtt ee vill méi séier kal.
Eng Serie vum Angie Maquil
Episoden
Aktuell Ernärungstrends
Mir diskutéieren iwwer de Stellewäert vun den aktuellen Ernärungstrends bei jonke Mënschen.
Eng Kalorie ass net gläich eng Kalorie
De Fokus soll op enger bewosster Auswiel vu Liewensmëttel leien, well all Kierper eenzegaarteg op Kalorië reagéiert.
Schwaarzt a gréngt Gold
Olive fir d'Gesondheet
D'Bekämpfung vun den Antibiotique-Resistenzen zesumme mat der ALVA
Sensibiliséirungwoch 18.-24. November 2024, fir e gudde Gebrauch mat Antimikrobe-Medikamenter
Den Immunsystem mat der richteger Ernärung stäerken
Déi richteg Ernärung liwwert wichteg Närstoffer fir e staarken Immunsystem. Vitaminnen, Mineralstoffer a gesond Daarmbakterien hëllefen, Infektiounen ofzewieren an de Kierper widderstandsfäeg ze halen.
Wat bedeit d'Rekommandatioun: Fënnef Portiounen den Dag
Wéi kéint dat konkret ausgesinn, wann ee fënnef Portiounen Uebst a Geméis an engem Dag abaut?
Hierschtblues an d'Ernärung
Kann een duerch d'Ernärung déi méi depressiv Stëmmung an de Wanterméint virbeugen?
75 Joer École d’Hôtellerie et de Tourisme du Luxembourg
En Interview mam Direkter vun der EHTL
Revisioun vun de politesche Fuerderunge vu Foodsharing Luxembourg
Liewensmëttelverloschter a -verschwendung bleiwen ee vun dee gréisste Problemer, déi eis modern Gesellschaft ugoe muss.
Wisou ass en gemeinsamt Familljeniessen esou wichteg?
Eng ganz Rëtsch vu wëssenschaftlechen Etüde weisen, dass zesummen Iesse méi ass wéi nëmmen d'Erfëlle vun den alldeegleche Besoinen.
Waasserkefir
Am Handel fënnt een ëmmer méi sougenannte pro-biotesch Produiten.Mëllech-Kefir, Kombucha ma och Waasserkefir ass e pro-biotescht Gedrénks, a vun deem huele mer haut eng Schlupp.
Am léifste Pasta, an am léifsten al dente!
Mee wéi gesond sinn Nuddelen eigentlech?
Liewensmëttelverschwendung
Liewensmëttelverschwendung ass e grousst a wichtegt Theema. Dest eethesch, wirtschaftlech an ökologesch gesinn ass se ganz problematesch.
Bauchfett am Fokus: Gesondheet an Ofhuelen
Ofhuelen ass ni ganz einfach. Besonnesch schwéier ass et, Bauchfett ze verléieren. Bauchfett ass net nëmmen ästhetesch net schéin, mee och medezinesch geféierlech.
Superfood: Mythos oder Realitéit?
Wat si Superfoods a wat stécht wierklech hanner dem Hype?
Entdeckungsrees an d’Räich vun de Kraider aus der Provence 2/2
Zesumme mat der Ernärungsberoderin Lis Muller geet et op d‘Entdeckungsrees „Saveurs et Senteurs“ vun de Kraider aus der Provence.
KI an der Hotelschoul
Wéi sech d'Hotelschoul mat der Kënschtlecher Intelligenz ausernanersetzt a se integréiert.
D’Räich vun de Kraider aus der Provence - 1/2
Zesumme mat der Ernärunsgberoderin Lis Muller geet et op Entdeckungsrees an d’Räich vun de Kraider aus der Provencee: e klengen Iwwerbléck iwwer eng Saveur-et-Senteurs-Rees.
Nei Gentechnik: steet eis Walfräiheet an der Liewensmëttelauswiel um Spill?
Déi Europäesch Unioun plangt d‘Reglementer fir nei Gentechnik ze lockeren, mam d'Zil, d‘Entwécklung an d‘Benotze vun esou Technologien an der Landwirtschaft ze fërderen.
