Bewosst Gesond
Natrium, oder Sodium, ass liewenswichteg fir de Kierper
Den Natrium zielt zu den Elektrolytten. Dat sinn Elementer, wéi och de Magnesium oder de Potassium, déi sech duerch e bestëmmt Konzentratiouns-Verhältnis an der Flëssegkeet bannen an baussen den Zelle vun eisem Kierper auszeechnen. An dat Gläichgewiicht tëschent den Elektrolytten ass iwwerliewenswichteg, well ouni dat kéinten all déi wichteg Zell-Funktiounen net erfëllt ginn. D'Weltgesondheetsorganisatioun recommandéiert 2.000 mg Natrium pro Dag. Dat wieren dann ëm déi fënnef Gramm Kachsalz. A wann een sech emol Zäit hëlt fir d'Etikette vun de Liewensmëttel ze studéieren, da kritt ee séier eng Iddi, wou méi oder manner Salz drastécht. A konservéierte fäerdeg preparéierten Zoppen z. B, kann ee mol iwwer 800 mg Natrium pro 100g Zopp fannen. Dat ass richteg vill. An deem Sënn huele mer allgemeng genuch Natrium zou eis, de Problem ass éischter, datt mer es ze vill consomméieren a Form vu Salz.
Zu den Haaptquelle vun Natrium an eisem Iessen gehéiert de Kéis, gesalzte Botter, Charcuterie, Fäerdegprodukter an Fäerdeg-Zoppen, Geméis an de Glieser a Béchsen, gesalzten Nëss, Zose wéi Ketchup a Sojaszosen, Chipsen awer och Mineralwaasser an, wat vläicht net esou vill Leit wëssen, d'Brout.
Invitée beim Angie Maquil ass d'Dieteticienne a Mindful Eating Trainerin Céline Genson.
Bibliographie-Tipp Céline Genson:
"Burgerstein. Handbuch Nährstoffe" - Trias Verlag. 2018 ; Fachgesellschaft für Ernährungstherapie und Prävention; "Biesalski et al. Ernährungsmedizin". Georg Thieme Verlag KG.
Episoden
Aktuell Ernärungstrends
Mir diskutéieren iwwer de Stellewäert vun den aktuellen Ernärungstrends bei jonke Mënschen.
Eng Kalorie ass net gläich eng Kalorie
De Fokus soll op enger bewosster Auswiel vu Liewensmëttel leien, well all Kierper eenzegaarteg op Kalorië reagéiert.
Schwaarzt a gréngt Gold
Olive fir d'Gesondheet
D'Bekämpfung vun den Antibiotique-Resistenzen zesumme mat der ALVA
Sensibiliséirungwoch 18.-24. November 2024, fir e gudde Gebrauch mat Antimikrobe-Medikamenter
Den Immunsystem mat der richteger Ernärung stäerken
Déi richteg Ernärung liwwert wichteg Närstoffer fir e staarken Immunsystem. Vitaminnen, Mineralstoffer a gesond Daarmbakterien hëllefen, Infektiounen ofzewieren an de Kierper widderstandsfäeg ze halen.
Wat bedeit d'Rekommandatioun: Fënnef Portiounen den Dag
Wéi kéint dat konkret ausgesinn, wann ee fënnef Portiounen Uebst a Geméis an engem Dag abaut?
Hierschtblues an d'Ernärung
Kann een duerch d'Ernärung déi méi depressiv Stëmmung an de Wanterméint virbeugen?
75 Joer École d’Hôtellerie et de Tourisme du Luxembourg
En Interview mam Direkter vun der EHTL
Revisioun vun de politesche Fuerderunge vu Foodsharing Luxembourg
Liewensmëttelverloschter a -verschwendung bleiwen ee vun dee gréisste Problemer, déi eis modern Gesellschaft ugoe muss.
Wisou ass en gemeinsamt Familljeniessen esou wichteg?
Eng ganz Rëtsch vu wëssenschaftlechen Etüde weisen, dass zesummen Iesse méi ass wéi nëmmen d'Erfëlle vun den alldeegleche Besoinen.
Waasserkefir
Am Handel fënnt een ëmmer méi sougenannte pro-biotesch Produiten.Mëllech-Kefir, Kombucha ma och Waasserkefir ass e pro-biotescht Gedrénks, a vun deem huele mer haut eng Schlupp.
Am léifste Pasta, an am léifsten al dente!
Mee wéi gesond sinn Nuddelen eigentlech?
Liewensmëttelverschwendung
Liewensmëttelverschwendung ass e grousst a wichtegt Theema. Dest eethesch, wirtschaftlech an ökologesch gesinn ass se ganz problematesch.
Bauchfett am Fokus: Gesondheet an Ofhuelen
Ofhuelen ass ni ganz einfach. Besonnesch schwéier ass et, Bauchfett ze verléieren. Bauchfett ass net nëmmen ästhetesch net schéin, mee och medezinesch geféierlech.
Superfood: Mythos oder Realitéit?
Wat si Superfoods a wat stécht wierklech hanner dem Hype?
Entdeckungsrees an d’Räich vun de Kraider aus der Provence 2/2
Zesumme mat der Ernärungsberoderin Lis Muller geet et op d‘Entdeckungsrees „Saveurs et Senteurs“ vun de Kraider aus der Provence.
KI an der Hotelschoul
Wéi sech d'Hotelschoul mat der Kënschtlecher Intelligenz ausernanersetzt a se integréiert.
D’Räich vun de Kraider aus der Provence - 1/2
Zesumme mat der Ernärunsgberoderin Lis Muller geet et op Entdeckungsrees an d’Räich vun de Kraider aus der Provencee: e klengen Iwwerbléck iwwer eng Saveur-et-Senteurs-Rees.
Nei Gentechnik: steet eis Walfräiheet an der Liewensmëttelauswiel um Spill?
Déi Europäesch Unioun plangt d‘Reglementer fir nei Gentechnik ze lockeren, mam d'Zil, d‘Entwécklung an d‘Benotze vun esou Technologien an der Landwirtschaft ze fërderen.
