Bewosst Gesond
Gesond Ernährung a Beweegung als Preventioun bei Diabetis
De Weltdag vun der Zockerkrankheet, de 14. November, ass ëmmer nees eng gutt Geleeënheet fir op d'Problematik vun dëser chronescher Krankheet anzegoen.
D'Theema vum Weltdiabetikerdag fir 2020 ass "D'Fleegepersonal an Diabetes", fir ze weisen, wat fir eng wichteg Roll d'Infirmiere bei der Gestioun am Alldag, mee och bei der Diagnos an der Preventioun vun der Zockerkrankheet spillen. Dëst Theema gouf scho virun der Covid-Pandemie gewielt, mee weist elo esou méi wéi wichteg et ass, dësem wäertvolle Beruff weltwäit déi néideg Unerkennung ze ginn.
Weltwäit ginn et méi wéi 450 Milliounen Diabetiker, 2035 sollen et der souguer 600 Millioune sinn, Preventioun ass also et wichtegt Theema, wou och d'Dieteticiennen e wichtege Bäitrag kënne leeschten. Zu Lëtzebuerg ginn et schätzungsweis méi wei 30.000 Diabetiker, an d'Tendenz geet weider erop. Dovun hunn 90 Prozent en Diabetes vum Typ 2, deen ee bekanntlech duerch eng gesond Liewenshygiène ka vermeiden, respektiv zäitlech no hanne ka verschiben.
Dofir gëtt weltwäit op Preventioun gesat an op eng gesond Ernärung a genuch Beweegung gepocht. Well Typ 2 Diabetes ass scho laang keng Wuelstands- oder Zivilisatiounskrankheet méi, déi ee just an de räichen, industriell staark entwéckelte Länner erëmfënnt. Och an aarme Länner aus Afrika oder Asien, wou een éischter un Ënnerernärung an Honger denkt, ass Typ 2 Diabetes eng grouss Erausfuerderung, zemools et do manner gutt Behandlungsméiglechkeete ginn.
Eng gesond Ernärung ass also e wichtegen Deel vun der Preventioun vum Typ 2 Diabetes, mee dréit och zu enger effikasser Behandlung vun all Form vun dëser Krankheet bäi.
D'Wëssenschaftler si sech iwwer d'Grondprinzippien vun enger gesonder Ernärung eens, si sinn dofir weltwäit och zimmlech déi selwecht a kënne jee no Kultur a Gewunnechten adaptéiert ginn.
Allerdéngs huet leider net ëmmer jiddwereen Zougang zu deene richtege Liewensmëttel, dofir ass der Weltgesondheetsorganisatioun hir Fuerderung, datt gesond Ernärung soll e Recht sinn an net just e Privileeg.
Folgend allgemeng Reegele fënnt een och an de Recommandatioune fir d'Preventioun vun Häerzkreeslafkrankheeten, Kriibs, an anere chronesche Krankheeten.
Op där enger Säit huet ee Liewensmëttel, déi méi dacks sollen op eisem Teller ze fanne sinn, wéi
Frëscht Geméis an Uebst, wa méiglech regional a saisonal
Vollkar Kären, Brout an Deegwueren, egal op dat elo Weess, Dinkel, Wëllkar, Räis, Huewer, Quinoa asw ... ass
All Zorte vun Nëss a Kären, wéi Wal-, Hiesel- oder Cashew- an Afenëss, mee och Kürbis-, Sesam-, Sonneblummen, Chia-, oder Leinsamekären
Ongesiedegt Fetter aus Uelegfriichten, wéi Oliven, Raps, Sesam, Arachiden, Mais, Sonneblummen ...
Fermentéiert Liewensmëttel, wéi Jughurt oder Kefir
Genuch Flëssegkeet duerch Waasser an Téi ouni Zocker, Kräidertéi oder Kaffi
Dogéint solle folgend Liewensmëttel nëmmen hei an do, an a klenge Quantitéite konsuméiert ginn:
All séisst Gedrénks wéi Cola, Limonaden a Jus
Gesiedegt a gehäerten oder Trans-Fetter aus Mandarinnen, Palmfett, industriell hiergestallte Kichelcher a Séissegkeeten oder Schockelasbotter
Am allgemenge si staark verschafften an transforméiert Liewensmëttel oder wäiss a raffinéiert Mielprodukter a Brout ze vermeiden, grad esou wéi Charcuterie a rout Fleesch.
Invitée beim Angie Maquil ass d'Diététicienne Sylvie Paquet, Chargée de direction vun der Maison du Diabète: www.ald.lu
Episoden
Aktuell Ernärungstrends
Mir diskutéieren iwwer de Stellewäert vun den aktuellen Ernärungstrends bei jonke Mënschen.
Eng Kalorie ass net gläich eng Kalorie
De Fokus soll op enger bewosster Auswiel vu Liewensmëttel leien, well all Kierper eenzegaarteg op Kalorië reagéiert.
Schwaarzt a gréngt Gold
Olive fir d'Gesondheet
D'Bekämpfung vun den Antibiotique-Resistenzen zesumme mat der ALVA
Sensibiliséirungwoch 18.-24. November 2024, fir e gudde Gebrauch mat Antimikrobe-Medikamenter
Den Immunsystem mat der richteger Ernärung stäerken
Déi richteg Ernärung liwwert wichteg Närstoffer fir e staarken Immunsystem. Vitaminnen, Mineralstoffer a gesond Daarmbakterien hëllefen, Infektiounen ofzewieren an de Kierper widderstandsfäeg ze halen.
Wat bedeit d'Rekommandatioun: Fënnef Portiounen den Dag
Wéi kéint dat konkret ausgesinn, wann ee fënnef Portiounen Uebst a Geméis an engem Dag abaut?
Hierschtblues an d'Ernärung
Kann een duerch d'Ernärung déi méi depressiv Stëmmung an de Wanterméint virbeugen?
75 Joer École d’Hôtellerie et de Tourisme du Luxembourg
En Interview mam Direkter vun der EHTL
Revisioun vun de politesche Fuerderunge vu Foodsharing Luxembourg
Liewensmëttelverloschter a -verschwendung bleiwen ee vun dee gréisste Problemer, déi eis modern Gesellschaft ugoe muss.
Wisou ass en gemeinsamt Familljeniessen esou wichteg?
Eng ganz Rëtsch vu wëssenschaftlechen Etüde weisen, dass zesummen Iesse méi ass wéi nëmmen d'Erfëlle vun den alldeegleche Besoinen.
Waasserkefir
Am Handel fënnt een ëmmer méi sougenannte pro-biotesch Produiten.Mëllech-Kefir, Kombucha ma och Waasserkefir ass e pro-biotescht Gedrénks, a vun deem huele mer haut eng Schlupp.
Am léifste Pasta, an am léifsten al dente!
Mee wéi gesond sinn Nuddelen eigentlech?
Liewensmëttelverschwendung
Liewensmëttelverschwendung ass e grousst a wichtegt Theema. Dest eethesch, wirtschaftlech an ökologesch gesinn ass se ganz problematesch.
Bauchfett am Fokus: Gesondheet an Ofhuelen
Ofhuelen ass ni ganz einfach. Besonnesch schwéier ass et, Bauchfett ze verléieren. Bauchfett ass net nëmmen ästhetesch net schéin, mee och medezinesch geféierlech.
Superfood: Mythos oder Realitéit?
Wat si Superfoods a wat stécht wierklech hanner dem Hype?
Entdeckungsrees an d’Räich vun de Kraider aus der Provence 2/2
Zesumme mat der Ernärungsberoderin Lis Muller geet et op d‘Entdeckungsrees „Saveurs et Senteurs“ vun de Kraider aus der Provence.
KI an der Hotelschoul
Wéi sech d'Hotelschoul mat der Kënschtlecher Intelligenz ausernanersetzt a se integréiert.
D’Räich vun de Kraider aus der Provence - 1/2
Zesumme mat der Ernärunsgberoderin Lis Muller geet et op Entdeckungsrees an d’Räich vun de Kraider aus der Provencee: e klengen Iwwerbléck iwwer eng Saveur-et-Senteurs-Rees.
Nei Gentechnik: steet eis Walfräiheet an der Liewensmëttelauswiel um Spill?
Déi Europäesch Unioun plangt d‘Reglementer fir nei Gentechnik ze lockeren, mam d'Zil, d‘Entwécklung an d‘Benotze vun esou Technologien an der Landwirtschaft ze fërderen.
