arrow_back_ios
Voix d'auteurs
Jean Paul Louisan
De Louis-Ferdinand Céline ass sécherlech, wéinst sengen antisemitesche Pamphleten, déi kontroverséiertst Figur vun der franséischer Literatur vum 20. Joerhonnert. Mee awer och eng vun de wichtegste Stëmmen. Bicher wéi "Le Voyage au bout de la nuit" oder "Mort à crédit" hunn nei Akzenter fir de Roman gesat. Dëser Deeg sinn zu Paräis, bei Gallimard, seng "Cahiers de prison" erauskomm.
De Céline war jo 1944 aus Frankräich geflücht, gouf awer an Dänemark, no der Befreiung, an de Prisong gespaart. Den Essayist Jean Paul Louis huet d'Texter, déi do geschriwwe goufen, an engem Buch zesummebruecht. Et handelt sech ëm kapital Texter fir ze verstoen, wat am Kapp vum Schrëftsteller lass war.
Doriwwer ënnerhält sech de Jean Portante haut mam Jean Paul Louisan.
Episoden
Patrick Deville
Viru méi wéi 20 Joer huet de Schrëftsteller huet de Projet “ABRACADABRA” gestart, bei deem hien op de Spuere vun anere Schrëftsteller, Wëssenschaftler an Artisten ass.
D’Rentrée littéraire
De Jean Portante an de Jeff Schinker geheien hire kritesche Schrëftsteller-Bléck op d’Rentrée littéraire mat hiren Honnerte vu Romaner an Essayen a presentéieren eng Rëtsch nei Bicher, fir déi si e Coup de cœur hunn.
Léa Veinstein
D’Léa Veinstein erzielt an hirem spannende Buch “J’irai chercher Kafka” iwwer dat onwarscheinlecht Abenteuer vum Kafka senge Manuskripter.
D’Lydie Salvayre
Zu Gaascht mat engem Buch, an deem Recht op d'Faulenze gefuerdert gëtt. “Depuis toujours nous aimons les dimanches” ass den Titel.
Jack Kerouac
“Sur le chemin” huet de Kerouac op Franséisch geschriwwen, an zwar no “On the Road”. Just, datt keen dat wousst. Bis et, viru Kuerzem, entdeckt gouf. An Enn 2023 bei Gallimard erauskoum.
Jean Rouaud - Flamboiement de la métaphore
Eng spannend Rees duerch den Universum vun der Metapher, déi an de Grotte vun den éischte Mënschen ufänkt a vun der Poesie bis bei eis bruecht gouf.
Max de Paz - La manche
Dem jonke Schrëftsteller säin éischte Roman handelt vun de Liewensconditioune vu Mënschen ouni Doheem zu Paräis.
Léa Veinstein
D’Léa Veinstein erzielt an hirem spannende Buch “J’irai chercher Kafka”, iwwer dat onwarscheinlecht Abenteuer vum Kafka senge Manuskripter,.
