arrow_back_ios
Déjà Vu
Ella and Louis
Déi zwou Stëmme vun der Ella a vum Louis sinn zäitlos a begeeschteren Jazzfans scho zanter Generatiounen an zesumme mam Quartett vum Oscar Peterson hu si hei ee wonnerbaren Album erausbruecht mat Klassiker wéi "They Can't Take that away from Me", "Tenderly" oder och nach "Cheek to Cheek". Elegant arrangéiert an intim gespillt gehéiert dësen Disk an all Kollektioun, net zulescht wéinst de Sidemen déi matspillen an dat si keng manner wéi de Ray Brown um Bass, den Herb Ellis op der Gittar, de Buddy Rich op der Batterie an dat ënner der Leedung vum Oscar Peterson um Piano.
Eng Emissioun presentéiert vum Pol Belardi a vum Pit Dahm.