Déjà Vu
Grace - Jeff Buckley (1994)
Den éischten an domat och eenzegen Album vum Jeff Buckley hat alles anescht, wéi ee gelongene Start. Eng zäitlos Release, e Longplayer, dee mëttlerweil 23 Joer um Bockel huet an deen eigentlech och hätt kënnen eréischt leschte Mount erauskomm sinn. Siwe verschidde Stécker goungen net duer fir e komplette Longplayer, dobäi koumen dräi Cover Versiounen. Et handelt sech ëm alternative Rock, derniewent hat den Jeff Buckley awer eng Hellewull vun Artisten, un deenen hie sech orientéiert hat fir "Grace" ze schreiwen, dorënner d'Nina Simone, de Bob Dylan, de Leonard Cohen, den Alex Chilton a vill anerer. Den Jeff Buckley war eng Zort Nick Drake aus den 1990er Joren. Vill ze wéineg Musek ass duerch e vill ze fréien Doud iwwreg bliwwen. "Grace" ass wuel ee vun den "Essentials" an all Rock Sammlung. Wéineg Succès am Ufank, allerdéngs eng Wonnerplack, wéi et sech iwwert Joren erausgestallt huet. Eng graziéis Story mat engem batteren Enn, den Jeff Buckley ass 1997 am Alter vun 30 Joer erdronk. Wéi vill Fans hätt de Philippe Hansen sech méi Musek vum Tim Buckley sengem Bouf gewënscht.