Kultur
"Les Émergences"-Prélude mam Simone Mousset
Zejoert huet den 3CL, de Centre de Création Choréographique Luxembourgeois, säi Förderprogramm „Les Émergences“ lancéiert. Jonk Talenter, déi de Schrëtt zum Choreograph woe wëllen an déi en originellt Konzept fir e Spektakel hunn, gi vum 3CL artistesch an administrativ encadréiert, fir hiert Stéck ze entwéckelen an ze verkafen. Mat dobäi d’Simone Mousset.
D´Simone Mousset huet Ballet an zäitgenësseschen Danz zu London studéiert, war 1 Joer beim Caracalla Dance Theatre zu Beirut, am Libanon, ass duerch Algerien an den Oman getourt. Si huet beim Novosibirsk State Ballet College Course ginn, zu Kopenhagen, zu London, a Portugal an an Amerika. Zu Lëtzebuerg war si zanter 2013 am Théâtre National als Bewegungsassistentin fir Theater aktiv an huet am Conservatoire enseignéiert. Mee d´Choreographéieren ass Neiland fir d’Simone Mousset. Esou datt d’Kënschtlerin sech no enger 1. Participtioun um „Émergences“-Programm zejoert, déi Kéier nach emol mat engem neie Projet gemellt huet. An si ass –als Duo mat der Elisabeth Schilling- vun der Jury ugeholl ginn.
D’Kerstin Thalau mat Explicatiounen zu hirem Projet, dee si den Owend am Cercle Cité presentéiert.