Grad fir d’Bekämpfe vun der Aarmut géif et net duergoen, Symbolpolitik ze bedreiwen, wéi d’CSV-DP-Regierung dat am Moment géif maachen. D’Vereinfachunge vum Zougang op déi méiglech Aidë wieren awer just e Schratt an déi richteg Richtung.
Wat gebraucht géif gi wier beispillsweis eng Erhéijung vum Mindestloun. Weider gëtt och gefuerdert, datt den Naturschutz net zweetrangeg soll ginn, esou d’Sam Tanson.
"A lo gëtt e Mesurëpak virgestallt, wou den Naturschutz eng ënnergeuerdent Roll spillt. Mir maachen eis Suergen, datt dat wat am Logementsmesurëpak skizzéiert gëtt a Punkto Vereinfachunge kann op d’Käschte vun der Natur goen.“
Nach géifen zwar vill Detailer vun deem Mesurëpak feelen. Et géif een awer fäerten, datt d’Aartevillfalt weider reduzéiert gëtt. An duerno géif ee virun der Erausfuerderung stoen, fir nees massiv méi begréngen ze mussen, esou nach d’Sam Tanson.