100komma7.lu

/ Zwou Persounen zu Lëtzebuerg mat europäeschem Haftbefehl festgeholl

Parquet deelt mat

| 24.07.2026 - 17h07

1 min

Zwou Persounen zu Lëtzebuerg mat europäeschem Haftbefehl festgeholl

Am Kader vun enger franséischer Enquête iwwer den Doud vun dräi Persounen a Südafrika sinn zu Lëtzebuerg zwou Persoune festgeholl ginn. Dat deelt de Parquet mat. Et geet ëm en 71 an e 44 Joer ale Mann, géint déi Frankräich europäesch Haftbefehler ausgestallt hat.

1 min

(Foto: picture alliance/dpa | Hendrik Schmidt)

An der Enquête geet et ënner anerem ëm Mord, Entféierung a willkürlech Inhaftéierung, déi eng organiséiert Band dëse Mount a Südafrika begaangen hätt.

Dobäi koumen dräi Persounen ëm d'Liewen.

Déi zwee Verdächteg sollen elo un déi franséisch Autoritéiten ausgeliwwert ginn.