Et géifen dofir just limitéiert Zich op béide Strecke fueren.
De Schued kéint net direkt behuewe ginn, well déi aktuell Temperature ze héich sinn. Et misst ee bis an der Nuecht waarden, erkläert d’Alexandra Nonnweiler vun den CFL.
“Dofir mussen eis Ekippen elo an der Nuecht op d'Plaz goen, fir dat ze reparéieren, wann d'Temperaturen gefall sinn, well anerwäerts kënne mer dat elo an der Hëtzt net maachen.”
Manner Zich a Verspéidungen
Well nëmmen nach ee Gleis disponibel ass, kënnen op de betraffene Strecken nëmme limitéiert Zich fueren. D’Zich mussen openee waarden, fir sech kënnen ze kräizen, wat zu Verspéidungen an Ausfäll féiert.
“An dat huet leider Gottes och fir den Owend dann direkt fir d'Festivitéiten an der Stad Repercussiounen, datt manner Zich fueren.”
