Wann d'Hamas net geschwënn all d'Geisele fräiléisst, géif Israel nees mat Gewalt géint d'Hamas virgoen, huet den israeelesche Verdeedegungsminister gewarnt.
Wéinst dem aktuelle Blockage bei de Verhandlungen huet Israel zënter dem leschte Weekend schonn déi humanitär Hëllef an d'Gazasträif gestoppt.
Erëmopbau gëtt op iwwer 50 Milliarden US-Dollar geschat
D'Zukunft vun der Gazasträif steet haut um Dënschdeg och am Mëttelpunkt vun engem Spezial-Sommet vun de Länner vun der arabescher Liga zu Kairo. Si wëllen iwwer eng gemeinsam Positioun berode fir den Erëmopbau vun deem palästinenseschen Territoire. De Sommet ass eng Reaktioun op deen ëmstriddene Plang vum US-President Donald Trump, d'Gazasträif ënner US-Kontroll ze bréngen, fir se nees opzebauen an d'Awunner permanent an arabesch Länner ëmzesidelen.
Um Sommet zu Kairo ass och den EU-Conseilspresident Antonio Costa derbäi. D'UNO schätzt d'Käschte fir den Erëmopbau vun der Gazasträif op 53 Milliarden US-Dollar.
