An der Nuecht vum 22. op den 23. Dezember koum et an enger Péitenger Disko zu enger Konfrontatioun tëscht engem Sécherheetsagent an engem Client. De Client ass dobäi gefall a gouf esou schwéier verwonnt, datt hie kuerz drop verstuerwen ass.
Mëttlerweil ass de 57 Joer ale presuméierten Täter erëm op fräiem Fouss a gouf ënner „Controle Judiciare“ gestallt, heescht et nach vum Parquet. Dëst mat der Begrënnung vun der Chambre du Conseil vum Bezierksgeriicht, datt d‘Konditioune fir eng Untersuchungshaft net méi erfëllt waren.
E presuméierten Täter muss an Untersuchungshaft bleiwen, wann d'Gefor besteet, datt dëse sech duerch d'Bascht mécht, méiglech Beweiser manipuléiert oder de Risk besteet, datt de Concernéierte weider Strofdote begeet.
