/ Verbrieche géint d‘Mënschlechkeet: Prozess géint fréieren Inneminister vu Gambia fänkt un
An der Schwäiz fänkt haut de Prozess géint de fréieren Inneminister vu Gambia un. Den Ousman Sonko muss sech wéinst Verbrieche géint d‘Mënschlechkeet veräntwerten. Hie war a senger westafrikanescher Heemecht als „Folterkommandant“ vum autoritäre Staatschef Yaya Jammeh bekannt.
1 min
Hie kritt virgehäit, Mënschen a sengem Land – Zivilisten, Zaldoten, Politiker, Journalisten an Oppositioneller - dout gemaach, gefoltert a vergewaltegt ze hunn.
De Sonko war 2016, wéi d‘Herrschaft vum Jammeh op een Enn gaangen ass, an d‘Schwäiz geflücht a gouf do an engem Heem fir Asyldemandeuren identifizéiert a festgeholl.
