Dat sot d’Ursula von der Leyen am spéiden Nomëtteg zu Limassol op Zypern. D’Cheffin vun der Europäescher Kommissioun ass zesumme mat den EU-Kommissären op der Insel zu Besuch: dat fir den Optakt vun der EU-Presidence. Zypern huet déi Roll den 1. Januar iwwerholl.
Nei EU-Sécherheetsstrategie
D’Europäesch Unioun hätt iwwerdeems ugefaangen un enger neier Sécherheets-Strategie ze schaffen, esou d’Annonce vun der däitscher CDU-Politikerin.
Vill konnt d’CDU-Politikerin nach net dozou soen. D'Zil wier et, Wëssen iwwer déi geopolitesch Erausfuerderungen a Changementer ze sammelen, fir dorop adäquat ze äntwerten, esou d'Presidentin vun der EU-Kommissioun.
EU-Presidence dat éischt Semester 2026
D’Republik Zypern, wëllt sech wärend de nächste sechs Méint fir eng méi autonom EU asetzen - och am eegenen Interêt, d’Land ass net Member vun der NATO. D’Tierkei, déi den Norde vun der Insel besat huet, verhënnert dat, well et d’EU-Land bis elo net unerkennt.
Grönland an Iran
D’Situatioun op Grönland geet Zypern besonnesch no, nodeem e puer EU-Staaten annoncéiert hunn, Truppen op d’Insel ze schécken, huet d’Kommissiounspresidentin um Donneschdeg zu Limassol de Support fir d’Insel Grönland op en Neits betount.
Wat den Iran ugeet war et d’Confirmatioun, datt d’EU aktiv u weidere Sanktioune géif schaffen.
Zypern wëll iwwerdeems d’EU-Presidence och an eegener Saach notzen. D’Land wëllt Member vun der Schengen-Zon ginn. Et wier ee viru komm am Prozess, esou den zypriotesche President. Hie géif sech erwaarden, datt een dëst Joer grouss Progrèse maache wäert - esou den Nikos Christodoulides.
