/ Trump-Prozess: Hexejuegd a politescht Manöver, esou den Ex-President
De fréieren amerikanesche Präsident Donald Trump stoung e Méindeg wéinst de Virwërf vu Finanzmanipulatiounen viru Geriicht. De 77 Joer ale Politiker huet och gëschter nees d‘Geriicht attackéiert a vun enger Hexejuegd geschwat, dat trotz de Warnunge vum Riichter.
1 min
Dem Trump no wier dat Ganzt ee politescht Manöver, dat vun den Demokrate gesteiert wier. Hie sollt doduercher bei senger Kandidatur fir de Presidentschaftsposten d‘nächst Joer behënnert ginn.
Och bei enger Verurteelung an dësem Fall riskéiert den Trump awer net de Verloscht vu senge politesche Rechter.
