Der Fluchgesellschaft no hätten déi 379 Passagéier a Membere vum Equipage kënnen evakuéiert ginn. Fënnef vun de sechs Persounen u Bord vun der Bombardier vun der Küstenwache si gestuerwen, huet den Transportminister an der Mëttesstonn confirméiert. De Pilot wier schwéier blesséiert ginn.
De Fliger sollt Material an d‘Äerdbiewe-Regioun un d‘Westküst vu Japan bréngen. Wéi et zum Accident koum, ass bis ewell nach net gekläert.
Japan Airlines Fluch 516 ass um 16h00 Lokalzäit vum Chitose Flughafe bei Sapporo fortgeflunn. Bei der Maschinn handelt et sech ëm een Airbus A350-900. De komplette Flughafen Haneda ass den Ament dann och gespäert.
