D’Lydie Polfer sot, si hätt mat de Vertrieder vun den Enseignantë geschwat gehat, an do wier festgeluecht ginn, datt d’Stad een neie Règlement organique fir de Conservatoire géif opstellen, wou all d’Froe genee géife beäntwert ginn.
Dat Règlement géif deemnächst dem Gemengerot virgestallt ginn.
Keng Feeler geschitt, seet d'Lydie Polfer
Weider huet d’Buergermeeschtesch der Direktioun vum Conservatoire de Réck gestäipt. De Conservatoire hätt ee "wonnerbare" Renommée an och déi gréng hätten am Gemengerot ënnerstrach, datt d'Direktioun vill Guddes gemaach hätt, betount d'Lydie Polfer, déi iwwerdeems seet, datt keng Feeler geschitt wieren.
"Hei si keng Irregularitéite geschitt. Dat kann ech ganz kloer soen."
Iwwerdeems géif et all Joer Luef fir d'Direktioun ginn, an dat och net ouni Grond, esou nach déi liberal Buergermeeschtesch.
