Si argumentéieren, datt an der Schwäiz vill Leit net iwwert d‘Ronne kommen. Am Ufank war d‘Zoustëmmung zu dëser Iddi grouss, si ass an de leschten Deeg awer gebréckelt, well vill Leit fannen, dat wier net ze bezuelen.
Da gëtt och iwwert d‘Erhéijung vum Rentenalter ofgestëmmt. Op Initiativ vun de jonke schwäizer Liberalen. Vun 2033 u sollen d‘Leit eréischt mat 66 Joer an d‘Pensioun goen, esou d‘Iddi. Duerno soll de Rentenalter un déi allgemeng Liewenserwaardung ugepasst ginn. Ëmfroe soen, datt déi Iddi awer haut net wäert duerchkommen.
