Ënner anerem de Grand-Duc Henri wäert dobäi sinn. Och den ukrainesche President Wolodymr Selenksyj an de gewielten US-President Donald Trump reese fir d‘Ouverture op Paräis.
Parallel sicht den Emmanuel Macron nach ëmmer no enger neier Regierung. Do ass d‘Unioun op der Gauche – den Nouveau Front Populaire am gaangen ze zerbriechen. E Freideg war den Olivier Faure, Generalsekretär vum PS beim Macron fir Gespréicher iwwert eng méiglech Majoritéit. Schaarf Kritik dorunner koum vun der LFI – der France Insoumise. Si hunn dann och d‘Invitatioun fir Gespréicher e Méindeg mam Macron ofgewisen. Si wiere prett Regierungsverantwortung z‘iwwerhuelen, mee dat just, op Basis vum Programm mat deem si gewielt goufen, heescht et.