D‘Eliane Luthi, vum regionale Büro vun UNICEF, zu Bangkok war eng 1.000 Kilometer ewech vum Epizentrum Äerdbiewen. Och si huet mat hire Kanner missen hirt Haus evakuéieren. Op der Strooss hätten d‘Leit panikéiert.
"On ne peut qu'imaginer ce que les enfants qui étaient à Mandalay, qui étaient près de l'épicentre, ces enfants qui étaient peut-être en train de jouer ou d'étudier à l'école, ce qu'ils ont dû ressentir."
Bei 40 Grad dobaussen
D’Unicef ass den Ament och am Myanmar aktiv. Wéinst dem Biergerkrich ass d‘humanitär Situatioun am Myanmar schonn eng Zäit net gutt. D‘Eliane Luthi ass reegelméisseg a Kontakt mat den Equippen op der Plaz. Et géif nach ëmmer Nobiewen am Myanmar ginn. D'Leit wieren immens verängschtegt, d'Famille wéilten net zeréck an hir Haiser. Dobäi kënnt, datt et grad bis zu 40 Grad kënne ginn.
"Donc, vraiment vivre comme ça à l'extérieur, à l'air libre, exposé à la chaleur, à la pluie, aux moustiques. C'est vraiment une situation assez catastrophique pour les enfants."
Equippe vun der UNICEF an och vun aneren Hëllefsorganisatioune sinn op der Plaz a versuergen d’Leit mat Liewensmëttel an aneren Hëllefsgidder, garantéieren d‘Gesondheetsversuergung an d‘Éischt Hëllef vun de Verletzen.
Familljen zesummenzeféieren eng Prioritéit
D‘Eliane Luthi ënnersträicht iwwerdeems, datt d‘Familljen déi getrennt goufen, misste rëm zesummegeféiert ginn. Et kënnt bei Äerdbiewen dacks vir, datt d‘Famillje getrennt ginn.
"Les enfants se retrouvent seuls, sans leurs parents, dans la confusion, dans le chaos. Et donc, ça met les enfants à risque, à risque d'autre chose."
Fliger mat 80 Tonnen Hëllefsgidder soll haut nach landen
Och d’Drénkwaasserversuergung am Myanmar mécht der Eliane Luthi Suergen. D‘Haaptstad Naypyidaw wier besonnesch staark betraff. Eng weider grouss Gefor fir d‘Kanner, well sech esou Krankheeten nach méi séier verbreeden.
E Fliger mat 80 Tonnen Hëllefsgidder vun UNICEF soll haut dann och nach zu Yangon am Myanmar landen, sou nach d'Eliane Luthi. Och chineesesch, russesch an indesch Hëllefsgruppe si schonn op der Plaz. Gidder aus den USA sollen nach ukommen.
