De Moien huet d‘Regierung vum nach-Premier Orbàn zu Bréissel d‘Decisioun matgedro, deemno ass elo de Wee fräi fir eng nei Ukrain-Hëllefe vu bis zu 90 Milliarden Euro.
Donieft kann elo och en neie Pak mat Sanktioune géint Russland op de Wee bruecht ginn. Dat Ganzt muss elo nach schrëftlech confirméiert ginn, dat soll muer geschéien.
Druschba-Pipeline nees op
Vu Budapest koum de Mëtteg och d'Confirmatioun, datt nees Pëtrol aus Russland duerch d'Druschba-Pipeline a Richtung Ungarn fléisst. Dat war eng vun de Konditioune vum Viktor Orbàn. Déi Pipeline war am Januar bei engem russesche Bombardement beschiedegt ginn. Den ungareschen Nach-President huet d'Ukrain beschëllegt gehat, d'Pëtrolsliwwerungen duerch déi Pipeline express gestoppt ze hunn.
Russland huet haut iwwerdems matgedeelt, kee Pëtrol méi duerch d‘Druschba-Pipeline a Richtung Däitschland ze schécken.
